 |
ئوقۇغۇچىلارنىڭ مەكتەپكە بېرىپ كېلىشتىكى قاتناش ئەھۋالىنى مەخسۇس زىيارەت قىلىش تەلەپ قىلىندى مائارىپ مىنىستىرلىقى يېقىندا چىقارغان ئۇقتۇرۇشقا ئاساسەن جايلاردىكى مائارىپ تارماقلىرى ۋە مەكتەپلەر شارائىتى بار سىنىپ مۇدىرلىرىنى ئوقۇغۇچىلارنىڭ مەكتەپكە بېرىپ كېلىشتىكى قاتناش ئەھۋالىنى مەخسۇس زىيارەت قىلىپ، ئوقۇغۇچىلارنىڭ مەكتەپكە بېرىپ كېلەردىكى قاتناش ئېھتىياجىنى ، مەزكۇر مەكتەپتىكى ئوقۇغۇچىلارنىڭ مەكتەپكە بېرىپ كېلەردە ماشىنىغا ئولتۇرۇش ئەھۋالى، قاتناش لىنىيەسى، ئۆي بىلەن مەكتەپنىڭ ئارىلىقى قاتارلىقلارغا ئالاقىدار ئەھۋاللارنى ئىگەللەشكە تەشكىللەيدۇ. ئۇقتۇرۇشتا مۇنداق دەپ كۆرسىتىلدى: 15-دېكابىر جامائەت خەۋپسىزلىكى مىنىستىرلىقى مەخسۇس مەكتەپ ماشىنىلىرىنىڭ قاتناش بىخەتەرلىكىنى باشقۇرۇش ۋىدىيو يىغىنى ئېچىپ، مەكتەپ ماشىنىسى شوپۇرلىرى، مەكتەپ ماشىنىلىرىنىڭ بىخەتەرلىك ئەھۋالى، قاتناش لىنىيەسى، قاتناش قائىدىسىگە خىلاپلىق قىلىش ئەھۋالىنى مەخسۇس تەكشۈرۈش ۋە قاتناش بىخەتەرلىكى تەشۋىقىي تەربىيەسى ئېلىپ بېرىشقا مەخسۇس ئورۇنلاشتۇردى، جايلاردىكى مائارىپ تارماقلىرى يېقىندىن ھەمكارلىشىپ، ئالاقىدار خىزمەتلەرنى ئەستايىدىل ياخشى ئىشلىشى كېرەك.
|
