بىرلەشكەن دۆلەتلەر تەشكىلاتى باش كاتىپى بان كىمون، ئىسرائىلىيىنىڭ غەززەدىكى بىرلەشكەن دۆلەتلەر تەشكىلاتى مۇئەسسەسەلىرىگە قىلغان ھۇجۇملىرى توغرىلىق تەكشۈرۈش كومىتېتى قۇرۇلىدىغانلىقىنى بىلدۈردى.

     بىرلەشكەن دۆلەتلەر تەشكىلاتى خەۋپسىزلىك كېڭىشىنىڭ نۆۋەتچى رەئىسى ياپونىيىنىڭ بىرلەشكەن دۆلەتلەر تەشكىلاتىدا تۇرۇشلۇق دائىمىي ۋەكىلى باش ئەلچى يۇكىو تاكاسۇ مۇخبىرلارغا بەرگەن باياناتىدا، خەۋپسىزلىك كېڭىشى يىغىنىدا باش كاتىپ بان كىموننىڭ غەززەدە بىرلەشكەن دۆلەتلەر تەشكىلاتى مۇ.ەسسەسەلىرىگە قىلىنغان ھۇجۇملار توغرىلىق تەكشۈرۈش كومىتېتى قۇرۇش قارارى ئالغانلىقىنى ۋە كومىتېتتا ئورۇن ئالىدىغان خادىملارنىڭ خىزمەت ئىشلەش پرىنسىپلىرىنى بەلگىلەپ قىسقا ۋاقىت ئىچىدە كومىتېتقا دوكلات قىلىدىغانلىقىنى ئېيتقانلىقىنى بىلدۈردى.

     پەلەستىننىڭ بىرلەشكەن دۆلەتلەر تەشكىلاتىدا تۇرۇشلۇق ۋەكىلى رىياد مەنسۇر مۇخبىرلارغا بەرگەن باياناتىدا بۇ خەۋەردىن تولىمۇ سۆيۈنگەنلىكىنى ئېيتتى.

     ئىسرائىلىيىنىڭ ئۆتكەن ئايدا غەززەگە قىلغان ھۇجۇملىرىدا بىرلەشكەن دۆلەتلەر تەشكىلاتىغا تەۋە مەكتەپ بىلەن ب د ت يېقىن شەرق پەلەستىن مۇساپىرلىرىنى قۇتقۇزۇش باشقارمىسى(ئۇنرۋا) نىڭ ياردەم ئىسكىلاتى بومباردىمان قىلىنغان ئىدى.

      بىرلەشكەن دۆلەتلەر تەشكىلاتى دائىرىلىرى، ئىنسانلارنىڭ ئۆلۈپ كېتىشىگە سەۋەپ بولغان بومبىلاش ھادىسىلىرىدە ئاق فوسفور بومبىسى قوللىنىلغانلىقى ھەققىدە قوللىرىدا دەلىل بارلىقىنى بىلدۈرگەنىدى.

http://www.trtchinese.com/international/newsDetail.aspx?HaberKodu=88439d87-79dc-49e6-bc55-9f5797102b50