تۈركىيە غەززەدە ئۇزۇن مۇددەتلىك تىنچلىقنى ئىشقا ئاشۇرۇش ئۈچۈن ئاتلانغان مىسىر باشلامچىلىقىدىكى سەپەرۋەرلىك پائالىيەتلىرىگە يېقىندىن ياردەم بېرىدۇ.

    دۆلىتىمىز تاشقى ئىشلار مىنىستىرى ئەلى باباجان، ئىسرائىلىيىدە بۈگۈن باشلىنىدىغان ئۇمۇمىي سايلامدىن كېيىن، تىنچلىق باسقۇچى مۇزاكىرىلىرىنىڭ تىزلىتىلىشىنى ئۈمىد قىلىدىغانلىقىنى تىلغا ئالدى.

    باباجان غەززەدە ھازىرچە كۆرۈنۈپ تۇرغان بۇ تىنچلىقنىڭ «ساختا تىنچلىق» بولۇپ قالماسلىقىنى ئەسكەرتتى.

    ئەلى باباجان، نۆۋەتتىكى داۋام قىلىشقا بولىدىغان تىنچلىقتىن كېيىن، ئوتتۇرا شەرق تىنچلىق باسقۇچىنىڭ تۇيۇق يوللارغا قايتا كېرىپ قالماسلىقى لازىملىقىنى ئېيتتى.

    باباجان، ئىفوپېيە تاشقى ئىشلار مىنىستىرى سېيوئۇم مېسلىن بىلەن بىرلىكتە ئۆتكۈزگەن مۇخبىرلارنى كۈتىۋېلىش يىغىنىدا، 1915 - يىلدىكى ۋەقەلەر ۋە ئامېرىكا ھۆكىمىتى بىلەن بولغان مۇناسىۋەتلەر ئۈستىدە توختالدى.

باباجان مۇنداق دېدى:

    «1915 - يىلدىكى ۋەقەلەر بىزنىڭ ئەرمەنىستان بىلەن ئۆزئارا مۇزاكىرە قىلىشىدىغان تېمىلىرىمىزدىن بىرسى. بىز ئەرمەنىستان بىلەن بۇ تېمىدا ئۆزئارا پىكىر ئالماشتۇرىۋاتقاندا، 3 - بىر دۆلەتنىڭ بۇ تېمىغا سىرتتىن ئارىلىشىشىنى مەن توغرا ئىش دەپ قارىمايمەن. مۇزاكىرە باسقۇچى ياخشى داۋام قىلىۋاتقان پەيتتە ھەممەيلەننىڭ ھەمدەمدە بولۇشى ۋە زىيان يەتكۈزۈدىغان ئىشلاردىن ھەم پوزىتسىيىلەردىن يىراق تۇرۇشى لازىم. بۇ ئىشنى مۇشۇ يول بىلەن تەرەققى قىلىدۇ، دەپ ئويلايمەن»

    ئوباما ھۆكۈمىتىنىڭ مۇھىم شەخسلىرى بىلەن كۆرۈشكەنلىكىنى ئېيتقان باباجان يەنە، «ئامېرىكا ھۆكۈمىتىنىڭ تۈركىيە بىلەن نۇرغۇنلىغان ساھەلەردە يېقىندىن مەسلىھەتلىشىش، سۆھبەتلىشىش ۋە ھەمكارلىشىش ئارزۇسىدا ئىكەنلىكىنى كۆردۈم» دېدى.

http://www.trtchinese.com/international/newsDetail.aspx?HaberKodu=06b3bb8d-5827-4cc3-baec-88b7d54f747e