ھۈرمەتلىك باشقۇرغۇچىلار،
مەن بۇنى قىسقا
ئۇچۇر ئورنىدىن يوللىسام ،مەزمۇننىڭ كۆپ بولۇپ كەتكەنلىكى سەۋەبىدىن يوللانمىدى،شۇڭا تېما شەكلىدە يوللۇدۇم.
مەلۇم تېمامنىڭ نېمە ئۈچۈن ،نەرىنى تەھرىرلىگەنلىكىدىن سۇئال سورىسام ،باشقۇرغۇچىمىز،قۇرنىڭ ئاپتوماتىك يۆتكىلىدىغانلىقى،
شۇڭا قۇرنى توشقۇزماي تۇرۇپلا ئىككىنچى قۇرغا چۈشۈشۈمنىڭ ھاجەت ئەمەسلىكىنى ،ئۇلاپ يېزىۋېرىشىمنى ئەسكەرتىپ،شۇ ئەھۋالنىڭ
تەھرىرلىنىپ تۈزىتىپ قويۇلغانلىقى توغرىسىدا ئەستايىدىللىق بىلەن سەمىمىي قىسقا
ئۇچۇر قىلىپتۇ،ئالدى بىلەن ئەستايىدىل مۇئامىلىدە
بولغانلىقىغا رەھمەت ئېيتمەن،شۇنداقلا سىلەرگە مۇنبەردە ساقلىنىۋاتقان بىر خاتالىقتىن تەكلىپ بېرىمەن.
قۇرنىڭ ئاپتوماتىك يۆتكىلىدىغانلىقىدىن خەۋىرىم بولسىمۇ يەنىلا قۇرنى توشقۇزمايلا ئىككىنچى قۇرغا يۆتكىشىمنىڭ سەۋەبىنى
ئالدىن دەپ ئۆتەي:
قۇرنى تولۇق توشقۇزۇپ ئۆزلىكىدىن يۆتكىلىشىگە يول قويغاندا بەزى سۆزلەر تولۇق چۈشسىمۇ، بەزىلىرى ئايرىلىپ چۈشىدىكەن،ئايرىلىپ
چۈشكەن بەزى سۆزلەر ئۇيغۇر تىلى گىراماتىكا قائىدىسى بويىچە توغرا ئايرىلىپ چۈشكەندىن باشقا،قىسمەن سۆزلەر گىراماتىكىمىز يول
قويمايدىغان ھالەتتە ،ئايرىشقا بولمايدىغان بۆلىكىدىن،خاتا ھالەتتە قۇر يۆتكىلىپ كېتىدىكەن،مۇشۇ خاتالىقنىڭ ئالدىنى ئېلىش ئۈچۈن
مەن ئۆزۈم قۇرنى توشقۇزماي تۇرۇپلا يۆتكىۋەتكەن ئىدىم...
شۇڭا سىلەرگە بېرىدىغان تەكلىپىم : ئۆز تىل يېزىقىمىزنى توغرا ھالەتتە قوغداش ئۈچۈن قۇر يۆتكەش تېخنىكىسىدا تولۇقلاش ئېلىپ
بارساڭلار بولۇپتىكەن.گىراماتىكا يول قويمايدىغان ئايرىلىش توغرا كېلىپ قالسا شۇ سۆز تولۇقى بىلەن ئىككىنچى قۇرغا چۈشۈپ كېتىدىغان
قىلىپ ئۆزگەرتىپ قويۇشۇڭلارنى ئۈمىد قىلىمەن. مېنىڭ بەت يۈزىنى تولۇق توشقۇزمىغان خاتالىقىمنى تەھرىرلەپ،يەنە باشقا خاتالىق
پەيدا بوپتۇ.
بەلكىم مۇشۇ باشقۇرغۇچىمىزنىڭ ئەستايدىل مۇئامىلە قىلىشى ۋە مېنىڭ بىئەدەپلىك قىلىپ سۇنغان تەكلىپىمنىڭ تۈرتكىسىدە
مۇنبىرىمىزنىڭ بۇرۇن دىققەت قىلىنمىغان بۇ كىچىككىنە ئەيىپىدە تېخنىكىلىق تۈزۈتۈش ئېلىپ بېرىلغان بولسا ،مۇنبىرىمىز ئۇيغۇر
تىل_يېزىقىنى قوغداشتا ،توغرا ئىشلىتىپ ،يېزىقىمىزنى ھۈرمەت قىلىشتا باشقا مۇنبەرلەرگە ئۈلگە بولاتتى دەپ ئويلايمەن.
مۇمكىن بولسا تەكلىپىمنى ئويلىشىپ باقارسىلەر.
_دەلتە
[ مەزكۇر پۈتۈك دەلتە تەرىپىدىن 2009-02-10 23:56 دە تەھرېرلەندى. ]
