«تەكلىماكان تەسىراتلىرى» ماي بوياق ئەسەرلىرى كۆرگەزمىسى ئۆتكۈزۈلدى

2013- يىلى 3- ئاينىڭ 9- كۈنىدىن 13- كۈنىگىچە شىنجاڭ سەنئەت ئىنىستىتۇتى گۈزەل سەنئەت سارىيىدا يەكەن ناھىيە تومئۆستەڭ يېزا ئوتتۇرا مەكتەپنىڭ گۈزەل سەنئەت ئوقۇتقۇچىىسى مەمتىمىن مۇھەممەتنىڭ «تەكلىماكان تەسىراتلىرى» ماي بوياق ئەسەرلىرى كۆرگەزمىسى ئۆتكۈزۈلدى. بۇ قېتىملىق كۆرگەزمىنى يەكەن ناھىيەلىك ئەدەبىيات- سەنئەتچىلەر بىرلەشمىسى، يەكەن ناھىيەلىك مائارىپ ئىدارىسى، يەكەن ناھىيەلىك مەدەنىيەت يۇرتى قاتارلىق ئورۇنلار تەشكىللىگەن بولۇپ، كۆرگەزمىنىڭ ئېچىلىش مۇراسىمىغا داڭلىق ئۇيغۇر رەسساملاردىن ئابدۇكېرىم نەسىردىن، ئابدۈشۈكۈر كېرىم، تۇردى ئىمىن، زۆرەم ياسىن، مۇختەر ياسىن، يالقۇن غازى.. قاتارلىقلار ھەمدە ئاپتورنىڭ كەسىپداشلىرى، دوستلىرى ۋە ساۋاقداشلىرى قاتناشتى. كۆرگەزمىگە مەمتىمىن مۇھەممەتنىڭ يېقىنىقى يىللاردىن بۇيان سىزغان ئىجادىي ماي بوياق رەسىملىرىدىن 80 پارچە قويۇلغان بولۇپ، كۆرگەزمە كۆرگۈچىلەرگە ئۆزگىچە ئىستىتىك زوق بىغىشلىدى. ئابدۇكېرىم نەسىردىن، ئابدۈشۈكۈر كېرىم، تۇردى ئىمىن قاتارلىق داڭلىق رەسساملار كۆرگەزمىگە قويۇلغان ئەسەرلەرنىڭ بەدىئىي قىممىتىنى مۇئەييەنلەشتۈردى. ئۈرۈمچى تېلېۋىزىيە ئىستانىىسى كۆرگەزمە ئەھۋالىنى مەخسۇس زىيارەت قىلدى.

ئاتەش:
«ئاتەش» تەخەللۇسىنى قانداق سەۋەپلەر بىلەن قوللۇنۇپ قالغىنىم ئىسىمدە يوق. بەلكىم ئۆز كەسپىمگە بولغان ئوتتەك بىر قىزىقىش تۈرتكە بولغان بولىشى مۇمكىن. بىراق بۇ يەردە دېيىلىۋاتقان «ئاتەش» ھەرگىز ۋە ھەرگىز ئوت- يالقۇنلارنى ئۇلۇغلاش، ئوت- يالقۇنلارغا سىغىنىش مەنىسىنى بىلدۈرمەيدۇ.