ئۇيغۇر كومپيۇتېر گرافىكى ساھەسىدىكى تالانتلىق ياش

ئەلى مامۇت – قارلۇق مېدىيا پەن – تېخنىكا شىركىتىنىڭ كومپيۇتېر گرافىكى باش تېخنىكا دېرىكتورى ۋە شىركەتنىڭ قۇرغۇچىلىرىنىڭ بىرى.

ئۇ 1985 – يىلى ئاتۇشتا 1985-يىلى ئاتۇشتا تۇغۇلغان . 2003-يىلى شىنجاڭ پىداگوگىكا ئۇنىۋېرسىتىتى فىزىمات ئۇچۇر فاكۇلتىتى كەسپىگە قوبۇل قىلىنغان ، 2004 –يىلى ئۆزىنىڭ گۈزەل سەنئەت ئىقتىدارى ۋە قىزىقىشى بىلەن كومپيۇتېر گرافىك ساھەسىگە كىرگەن .

2006-يىلى « قارلۇق مەدەنىيەت تارقىتىش چەكلىك مەسئۇلىيەت تارقىتىش چەكلىك شىركىتى» دە خىزمەت قىلىشنى قارار  قىلىپ كەسپىي ھاياتىنى باشلىغان. 2007-يىلى شىركەتنىڭ تەرققىيات پىلانى بويىچە بېيجىڭغا تەربىيلىنىشكە ئەۋەتىلگەن. قايتىپ كەلگەندىن كېيىن شىركەتتە ئۈچ ئۆلچەملىك گرافىك ئوبراز لايىھەسى ۋە رەقەملىك سەنئەت خىزمىتىنى ئىشلىگەن ، 2007-يىلى ئاۋغۇستتىن  2008-يىلى ئاۋغۇستقىچە « قارلۇق كومپيۇتېر گرافىك سەنئىتى ۋە ئۇنۋېرسال تېخنىكىسى» ئىچكى تەربىيلەش سىنىپدا تەبىيلەنگەن ھەم شۇ سىنىپنىڭ رەقەملىك سەنئەت ۋە ئۈچ ئۆلچەملىك كومپيۇتېر گرافىكى ئورگانىك مودىل دەرسىنى بەرگەن.

2008-يىلنىڭ ئاخىرىدا ئۈچ ئۆلچەملىك تەقلىدلەش ۋە ئانالىزلاش ئىقتىدارىنى ئۆز ئىچىگە ئالغان ئىنتېرەكتىۋ يۇمشاق دېتال تۈرلىرىنىڭ بىر قىسمى بولغان  ئۇيغۇر مەدەنىيتىگە تەۋە قۇرۇلۇش ئىمارەتلەر ، قول- ھۈنەر بويۇملىرى ، چالغۇ ئەسۋابلارنىڭ  ئۈچ ئۆلچەملىك گرافىك ساندان ئامبىرى قۇرۇلىشى«ئۇيغۇر مەدەنىيتى» بۆلىكىنى باش بولۇپ ئىشلىگەن.

2009-يىلى 4-ئايدا ئۈچ ئۆلچەملىك تەقلىدىي ئوتتىن مۇداپىئەلىنىش ئىنتېرەكتىۋ سىستېمىسىنىڭ ئۈچ ئۆلچەملىك كومپيۇتېر گرافىك بۆلىكىنى ئىشلىگەن ،ھەم ئۇنىڭ ئۈچ ئۆلچەملىك سىتېرىئولۇق كۆرنۈش تېخنىكىسى (Anaglyphs Technology ) نى ئەمەلگە ئاشۇرغان.

ئەسكەرتىش: مۇناسىۋەتلىك سۈرەت ۋە تەرجىمھال «كومپيۇتېر ۋە تۇرمۇش ژۇرنىلى» نىڭ 2009-يىلى 6-سانىدىن ئېلىندى.

بىر قىسىم ئەسەرلىرى:

قوشۇمچە :  2D  ئەسەرلەرنىڭ  ئەسلى ئۇقۇم لايىھەسىنى ئەسقەر تۇردى سىزغان

ئاتەش:
«ئاتەش» تەخەللۇسىنى قانداق سەۋەپلەر بىلەن قوللۇنۇپ قالغىنىم ئىسىمدە يوق. بەلكىم ئۆز كەسپىمگە بولغان ئوتتەك بىر قىزىقىش تۈرتكە بولغان بولىشى مۇمكىن. بىراق بۇ يەردە دېيىلىۋاتقان «ئاتەش» ھەرگىز ۋە ھەرگىز ئوت- يالقۇنلارنى ئۇلۇغلاش، ئوت- يالقۇنلارغا سىغىنىش مەنىسىنى بىلدۈرمەيدۇ.