مەركىزىي تېلېۋىزىيە ئىستانسىسىنىڭ 20-دېكابر خەۋىرى: 12-ئاينىڭ 20-كۈنى، چوڭچىڭلىق بوۋاقنى خورلىغان، يەرگە ئاتقان قىزنىڭ ئاتىسى لى فامىلىلىك مەركىزىي تېلېۋىزىيە ئىستانسىسىنىڭ ئاخبارات پروگراممىسى ئارقىلىق قىزىنىڭ كەچۈرۈم سوراش خېتىنى ئاشكارىلىغان، خەتنىڭ ئاساسىي مەزمۇنى «مەن لى XX، ئۇ كۈنى مەن ئىنىمىزنى ئۇرماسلىقىم كېرەك ئىدى. ئۆيدە ئىنىمىز بىلەن ئويناۋاتقاندا ئىت قاۋىدى، ئىنىمىز يىقىلىپ كەتتى. تاغام ۋە ھەدەمنىڭ كۆڭلىنى ئاغرىتتىم، تاغام ۋە ھەدەمدىن كەچۈرۈم سورايمەن.
قىزنىڭ دادىسى دېيىشىچە، خەتنى قىزى ئۆز قولى بىلەن يازغان، ئۇ ئۆزىمۇ كەچۈرۈم سوراش خېتىگە نەچچە جۈملىنى قوشۇمچە قىلغان:«مەن ئاتا بولۇش سۈپىتىم بىلەن، تاسادىپىيلىق ھېس قىلدىم. ھەممىمىز ناھايىتى ئازابلاندۇق، كەچۈرۈم سورايمىز».
لى فامىلىلىك ئالدىنقى ھەپتە قىزى ئۆز قولى بىلەن يازغان كەچۈرۈم سوراش خېتىنى يەرلىك سوتقا تاپشۇرۇپ بەرگەن. لى فامىلىلىك ئوغۇل بوۋاقنى قۇتقۇزۇش ۋە تۆلەم بېرىشكە بارلىق تىرىشچانلىقىنى كۆرسىتىدىغانلىقىنى بىلدۈرگەن.
بۇنىڭغا قارىتا، يېڭى ئاستانە گېزىتىنىڭ مۇخبىرى ئوغۇل بوۋاقنىڭ دادىسى لى ئەپەندىنى زىيارەت قىلغان. ئۇ كەچۈرۈم سوراش خېتىنى كۆرمىگەنلىكىنى ھەم قوبۇل قىلمايدىغانلىقىنى بىلدۈرگەن. ئۇ:«لازىمى يوق، كېچىكتى» دېگەن.
ئۇنىڭ قارىشىچە، بۇنداق كەچۈرۈم سوراشتا قىلچە سەمىمىيلىك يوق بولۇپ، ئۇ كەچۈرمەيدىكەن.
تەرجىمىدە: نەپرەت
