شىنخۇا تورى ، كانبېررا ، 26-مارت تېلېگراممىسى : ئاۋىستىرالىيە دېڭىز ئىشلىرى بىخەتەرلىك ئىدارىسى 26-مارت مالايشىيا ئاۋىياتسىيە شىركىتىنىڭ MH370 تىپلىق ئايروپىلانىنى ئىزدەش خىزمىتىنى ئەسلىگە كەلتۈرگەن بولۇپ ، ئاۋىستىرالىيە ، ئامېرىكا ، يېڭى زېللاندىيە ، ياپونىيە ۋە كورېيە قاتارلىق ئالتە دۆلەت بىرلىشىپ ئىزدەشكە قاتنىشىدىكەن .
ئاۋىستىرالىيە دېڭىز ئىشلىرى بىخەتەرلىك ئىدارىسىنىڭ ئېيتىشىچە ، 26-مارت ھاۋا ئالدىنقى كۈنلەردىكىدىن ياخشى بولۇپ ، ئىزدەش شۇ جاي ۋاقتى سائەت 8:00 دە باشلانغان . بۇ قېتىم جۇڭگو قاتارلىق كۆپ دۆلەتلەرنىڭ 12 ئايروپىلانى ۋە نۇرغۇن پاراخوتلىرى 80 مىڭ كىۋادرات كىلومېتىرلىق دېڭىز تەۋەلىكىدە ئىزدەش خىزمىتى ئېلىپ بارىدىكەن . جۇڭگونىڭ 76－ئېل تىپلىق ئايروپىلانى مۇناسىۋەتلىك دېڭىز تەۋەلىكىگە ھەممىدىن بالدۇر ئاتلانغان .
ئۇنىڭدىن باشقا، جۇڭگونىڭ ‹‹ شۆلۇڭ ›› بەلگىلىك چارلىغۇچى پاراخوتى ۋە ئاۋىستىرالىيە دېڭىز ئارمىيەسىنىڭ ‹‹مۇۋەپپەقىيەت›› بەلگىلىك پاراخوتى مۇناسىۋەتلىك دېڭىز تەۋەلىكىگە يېتىپ كېلىپ ئىزدەشنى باشلىۋەتكەن .
ئىگىلىنىشىچە ، ئاۋىستىرالىيە دېڭىز ئىشلىرى ئىدارىسى 25-مارت ھاۋارايى سەۋەبىدىن ئىزدەشنى توختاتقانلىقىنى جاكارلىغان.
