دەرسىمىزنى ئوڭۇشلۇق باشلاش ئۈچۈن 4-ئاينىڭ 21-كۈنى (دۈشەنبە) ئۈرۈمچى ۋاقتى كەچ 7:00 دە تور ئارقىلىق 30 مىنۇت سىناق دەرس سۆزلىنىدۇ. دۈشەنبە چۈشتىن بۇرۇن تىزىملاتقان ئوقۇغۇچىلارنىڭ تېلېفونىغا قىسقا ئۇچۇر بىلەن خەۋەر قىلىمىز. دىققەت قىلغايسىلەر.

بۈگۈن چۈشتىن كېيىن 2:00 دە قىسقا ئۇچۇر ئەۋەتىپ ئۇقتۇرۇش قىلدۇق، قىسقا ئۇچۇر تاپشۇرۇپ ئالالمىغانلار http://www.cr.cm غا كىرىپ، توردا دەرس ئاڭلاش دېتالىنى چۈشۈرۈۋېلىڭلار. مەخپىي نومۇرىنى 6:00 دىن كېيىن قىسقا ئۇچۇر ئارقىلىق خەۋەر قىلىمەن، سىناق دەرس 7:00 دە باشلىنىدۇ.

تور دەرسخانىسى يۇمشاق دېتالىنى چۈشۈرۈش ئادرېسى:

http://dl-4.cloudroom.com/Update/1.11.8/Win32_setup/CLOUDROOMMeeting_1.11.8.exe

6:30 دا تور دەرسخانىسىنىڭ ئادرېسىنى ئېلان قىلىمەن، شۇ يەرنى باسسىڭىزلا بولىدۇ،

ئەسسالامۇئەلەيكۇم تورداشلار،
بۇنىڭدىن ئىلگىرى 3 قارار كەسپىي تەربىيەلەش سىنىپى ئاچقان ئىدىم، ئۆتكەن يىلى 3-ئايدا 3-قارارلىق كەسپىي تەربىيەلەش سىنىپىنى ئاچقاندىمۇ، بىرنەچچە خادىملار تەربىيەلىنىپ چىققان ئىدى. ئۇلار شىركىتىمىزنىڭ غوللۇق خادىمغا ئايلىنىپ، بەزى يۇمشاق دېتاللارنى ئورتاق تاماملىدى ۋە مۇھىم تۆھپىلەرنى قوشتى. مانا بۇ يىل 4-ئايدا 4-قارارلىق سىنىپ ئېچىشنى ئويلاشتىم، دەرس مەزمۇنى ئاساسىي جەھەتتىن 3-قارارلىق تەربىيەلەشكە يېقىنلىشىدۇ. (تەپسىلاتىنى بۇ يەردىن كۆرۈۋېلىڭ ?p=2494)، ئەمما سىز بۇنى مەكتەپلەردىكى ئالدىن مۇقىم تەييارلىۋالغان 12 قېتىملىق دەرسكە ئوخشاتماڭ، بەلكى 12 قېتىملىق ئەمەلىي نەپ بېرىدىغان جانلىق لېكسىيە دەپ بىلىڭ. بۇ قېتىم ئاچماقچى بولغان سىنىپتا مۇنداق يېڭى ئالاھىدىلىك بار.

(1) دەرسلەرنى توردا سۆزلەيمەن.
خىزمىتىمىزنىڭ ئالدىراشلىقىدىن بۇ يىل مۇنتىزىم سىنىپ ئېچىشقا ۋاقتىم چىقمىغۇدەك. ئەمما ھەر ئىككى كۈندە 2 سائەت مۇنتىزىم دەرس سۆزلەشكە ۋاقتىم چىقىدۇ. شۇڭا توردا تەربىيەلەشنى ئاساس قىلماقچى بولدۇم.

(2) باسقۇچلارغا بۆلۈپ تەربىيەلەيمەن.
ئالدىنقى 3 قارارلىق بولۇپمۇ ئۆتكەن يىلىدىكى 3-قارارلىق تەربىيەلەشتە يەكۈنلىگەن تەجرىبەمگە ئاساسەن باسقۇچىلار بويىچە تەربىيەلەيمەن يەنى بىرىنچى باسقۇچتا مەلۇم پىروگرامما لايىھەلەش تىلىغا پۇختا ئاساس سالىمەن. بۇ مەلۇم بىر تىلنى 0 باشلاپ ئۆگەنگۈچىلەرگە ۋە پۇختا ئاساس سالغۇچىلارغا بەكمۇ ماس كېلىدۇ. ئەگەر بۇ باسقۇچلاردىن ئوڭۇشلۇق ئۆتۈپ مەلۇم بىر يۇمشاق دېتالنى مۇستەققىل تاماملاشنى ئويلىشىدىغانلار چىقسا دەرھال 2-باسقۇچنى داۋاملاشتۇرماقچى. 2-باسقۇچ چېنىقتۇرۇش باسقۇچى بولۇپ، بىزنىڭ ئەمەلىي ئىشلىگەن خىزمەتلىرىمىز ئاساسىدا مەلۇم بىرنەچچە تۈرنى بىرنەچچە گۇرۇپپىلارغا ئايرىپ قايتىدىن ئىشلەش ياكى مۇكەممەللەشتۈرۈش ئاساسىي مەقسەت قىلىمەن.

(3) دەرس ۋاقتى ۋە ئوقۇش پۇلى
ھازىرچە ھەپتىنىڭ دۈشەنبە، چارشەنبە، جۈمە كۈنلىرى ئۈرۈمچى ۋاقتى كەچ 6:30 دىن 8:30 نى ئويلاشتىم، ئەمما كۆپچىلىكنىڭ پىكىرى بويىچە بولىدۇ. ھەر بىر باسقۇچنىڭ تەربىيەلەش مۇددىتى 4 ھەپتە بولۇپ، ئوقۇش پۇلى 1000~1800 يۈەن ئارىلىقىدا بولىدۇ، بۇ تىزىملاتقان ئوقۇغۇچىلارنىڭ سانى ۋە تور مەكتىپىگە تاپشۇرىدىغان رەسمىيەت ھەققى بىلەن مۇناسىۋەتلىك بولۇپ، ئەگەر ھەرئىككى باسقۇچلۇق ئوقۇشقا بىراق تىزىملاتسىڭىز يەنىمۇ ئەرزان بولۇشى مۇمكىن، ھازىرچە 20~25 ئەتراپىدا ئوقۇغۇچى قوبۇل قىلىشنى ئويلاشتىم.

ئوقۇغۇچى قوبۇل قىلىشتا باشقا ھېچقانداق شەرت قويمايمەن، ئوقۇش قىزغىنلىقى يۇقىرى بولسىلا بولىدۇ، ئەمما ئۆيىڭىزدە تورغا چىقالايدىغان كومپيۇتېر بولۇشى ، تور سۈرئىتىڭىز 1Mbs دىن يۇقىرى بولسۇن، رەسمىي باشلىنىشتىن ئىلگىرى بىر-ئىككى قېتىم سىناق قىلىمىز، شۇڭا Visual Studio 2013 Express نى توردىن چۈشۈرگەچ تۇرۇڭ.

تەۋسىيە قىلىدىغىنىم ئالدى بىلەن 1-باسقۇچقا ئايرىم ھەق تاپشۇرۇپ ئوقۇپ بېقىڭ، بىر باشقا ئېلىپ چىقىشقا كۆزىڭىز يەتسە، 2-باسقۇچقا تىزىملاتسىڭىزمۇ بولىدۇ. ئەمما 1-باسقۇچنى تاماملىمىغانلارنىڭ بىۋاسىتە 2-باسقۇچقا قاتنىشىشىنى تەۋسىيە قىلمايمەن.

بۇنىڭدىن كېيىن مۇنتىزىم سىنىپ ئېچىش ئېھتىماللىقىم بەك تۆۋەن، ئۇنىڭ ئۈستىگە كومپيۇتېردا ئوقۇتۇشمۇ پۈتۈنلەي تورغا يۈزلىنىۋاتىدۇ. بۇنداق بولغاندا نۇرغۇن كىشىلەرنىڭ ۋاقتى، پۇلى تېجىلىپ قالىدۇ. مەن مەخسۇس ئىشلەنگەن توردا ئوقۇتۇش دېتالى بىلەن دەرس سۆزلەيمەن (ھەرگىزمۇ QQ,YY ئەمەس)، بۇ سىستېما ئاپتوماتىك يوقلىما قىلىدۇ. ئۆيىڭىزدە تۇرۇپمۇ ئالىم مۇئەللىمنىڭ دەرسنى ئاڭلىيالايسىز، چۈشەنمىگەن جايلار بولسا توردا تۇرۇپ ۋاقتىدا سوراپ بىلىۋالالايسىز. مەن ھەرقېتىم نەق مەيداندا سۆزلىگەن دەرسىم سىنغا ئېلىنىدۇ، سىز ئۆگىنىپ بولغۇچە قايتا -قايتا ئاڭلىسىڭىز بولىدۇ. يۇقىرىدا مەن ئويلىغانلىرىمنى يېزىپ باقتىم، ھازىرچە چوڭ جەھەتتىن ئۆزگىرىش بولمايدۇ.

تىزىملىتىش ھازىردىن باشلاپ كۈچكە ئىگە، بىزگە تېلېفون قىلىپ، ئىسىم-فامىلىڭىز ۋە تېلېفون نومۇرىڭىزنى قالدۇرسىڭىزلا بولىدۇ، ئاندىن پات-پات بۇ بىلوگىمغا دىققەت قىلىپ تۇرۇڭ، سان توشقان ھامان پۇل تاپشۇرۇش ھەققىدە ئايرىم ئۇقتۇرۇش قىلىمەن، 3 كۈن ئىچىدە تىزىملاتقانلارنىڭ سانى بىز ئويلىغاندىنمۇ كۆپ بولدى. بۈگۈندىن باشلاپ پۇل تاپشۇرۇش رەسمىي باشلاندى، تىزىملاتقاندا قالدۇرغان تېلېفونىڭىزغا قىسقا ئۇچۇر شەكىلدە ئۇقتۇرۇش ئەۋەتىلىدۇ. مۇشۇ ئۇقتۇرۇش بويىچە ئۆزىڭىزگە قولاي بولغان شەكىلدە پۇل تاپشۇرسىڭىز بولىدۇ، رەھمەت! ناۋادا بۈگۈن كەچ بولغۇچە پۇل تاپشۇرۇش ھەققىدىكى ئۇچۇرنى تاپشۇرۇپ ئالالمىسىڭىز، تۆۋەندىكى ئالاقىلاشقۇچىلار بىلەن ۋاقتىدا ئالاقىلىشىڭ. پىلانىمدا كېلەر ئاينىڭ تۇنجى دۈشەنبە كۈنى دەرس باشلاشنى ئويلىشىۋاتىمەن.

1-باسقۇچ: پىروگرامما تىلىغا ئاساس سېلىش باسقۇچى:

Visual Studio 2013 Express دىكى Visual Basic ئاساس قىلىنىپ سۆزلىنىدۇ. ھەرھەپتىنىڭ دۈشەنبە، چارشەنبە ۋە جۈمە كۈنلىرى ئۈرۈمچى ۋاقتى 6:30 دىن 8:30 گىچە دەرس سۆزلىنىدۇ، جەمئىي 12 قېتىملىق لېكسىيە شەكلىدە ئېلىپ بېرىلىدۇ.

ئوقۇش پۇلى: 1500 يۈەن

2-باسقۇچ: باشقۇرۇش يۇمشاق دېتاللىرىنى ياساش باسقۇچى:

مەلۇم بىرنەچچە تۈرنى مىسال ئېلىپ تۇرۇپ، 0 دىن باشلاپ ياساش ئۆگىتىلىدۇ. ھەرھەپتىنىڭ دۈشەنبە، چارشەنبە ۋە جۈمە كۈنلىرى ئۈرۈمچى ۋاقتى 6:30 دىن 8:30 گىچە دەرس سۆزلىنىدۇ، جەمئىي 12 قېتىملىق لېكسىيە شەكلىدە ئېلىپ بېرىلىدۇ.

ئوقۇش پۇلى: 1400 يۈەن

ناۋادا ھەرئىككى باسقۇچنى ئۆگىنىپ كېتەلەيدىغان ئىشەنچىڭىز بولسا، بىرلا قېتىمدا تاپشۇرسىڭىز، 200 يۈەن ئېتىبار قىلىنىپ، جەمئىي 2700 يۈەن بولىدۇ. پۇل سېلىۋەتكەن ھامان تىزىملىغاندا قالدۇرغان تېلېفونىڭىز بىلەن بىز ئەۋەتكەن قىسقا ئۇچۇرغا جاۋاب قايتۇرۇپ ئەسكەرتىش بەرگەيسىز، رەھمەت.

پۇل تاپشۇرۇش مۇددىتى بۈگۈندىن باشلاپ، 4-ئاينىڭ 30-كۈنىگىچە بولىدۇ.

تىزىملىتىش ئورنى: قىزىلبايراق يولى كومپيۇتېر بازىرى 4-قەۋەت 35-دۇكان (بۇرۇنقى 4319-نومۇر)
تېلېفون: 2813300، 2839871-0991
تىزىملىغۇچى: مۇرات، ئارزۇگۈل
ئۈرۈمچى ۋاقتى: چۈشتىن بۇرۇن 9:00 دىن كەچ 5:00 گىچە.

• يازما كۆرۈلۈشى: 21,946 قېتىم
• يوللانـغان ۋاقىت:2014-يىلى 04-ئاينىڭ 15-كۈنى pm 15:04
• ئالدىنقى يازما :ئۇيغۇرسوفت ماقالە سىستېمىسى 2.0 (ژۇرنال تەھرىر بۆلۈمى ئۈچۈن)
• كېيىنكى يازما :ئۇيغۇرسوفت تور دەرسخانىسىدا (سىناق) دەرس سۆزلەندى