Office 2016 نىڭ ئۇيغۇرچە تىل بولىقى تاماملاندى، ئەمما، ئەپسۇس تېلېفوندىن خەۋەر يوق.

NetMarketShare تەتقىقات مەركىزىنىڭ ئەڭ يېڭى مەلۇماتىدا، مىكروسوفت Windows 10 ئېلان قىلىنغاندىن بۇيان پۈتۈن دۇنيادىكى ئىشلەتكۈچىلەرگە ياخشى تەسىرلەرنى بېرىپ، دەسلەپكى بىر ئاي ئىچىدە قاچىلىنىشى 75 مىليوندىن ئېشىپ كەتتى دېيىلدى. ھازىر ئۇنىڭ ئومۇملىشىشى %5.21 بولۇپ، Windows 8 دىن ئېشىپ كەتكەن، بۇ يەنە ئالما شىركىتىنىڭ مەشغۇلات سىستېمىسىدىنمۇ يۇقىرى بولغان.

Windows 10نىڭ ئۇيغۇرچە تىل بولىقى مۇددەتتىن ئىككى ھەپتە بۇرۇن تاماملانغان بولۇپ، Groove ناخشا-مۇزىكا، XBOX قاتارلىق ئەپلەرنىڭ ئۇيغۇرچە تەرجىمىسىنى 7-ئاينىڭ 15-كۈنى تاپشۇرغان ئىدىم. 8-ئاينىڭ بېشىدا يەنە Office 2016 نىڭ ئۇيغۇرچە تىل بولىقىمۇ تاماملاندى، سۈپەت جەھەتتىنمۇ تەكشۈرۈشتىن ئۆتتى. دېمەك Office 2016 رەسمىي ئېلان قىلىنغاندا، ئۇيغۇرچە تىل بولىقىمۇ چىقىدۇ دېگەن گەپ. ئەمما Windows10 ياكى Office 2016 دىكى يېڭىدىن تەرجىمە قىلىنغان مەزمۇنلار ئىنتايىن ئاز بولۇپ، بىرنەچچە مىڭ قۇر (تەخمىنەن 10 مىڭدىن ئارتۇق سۆز) بىلەنلا تاماملاندى. مىكروسوفت شىركىتىمۇ ئىلگىرى تەرجىمە قىلىنغان تەييار ئىنگلىزچە-ئۇيغۇرچە جۈملە ئامبىرىنى ئىشلىتىدىغان بولغاچقا، تەرجىمە مىقدارى ئاز بولدى. ئاساسىي كۈچىمىز يېڭىدىن تەرجىمە قىلىنغان XBox ۋە بىرنەچچە يېڭى ئەپكە سەرپ بولدى.

ھازىر ئەڭ يېڭى Windows Phone كۆچمە مەشغۇلات سىستېمىسىنىڭ تىل بولىقىنى تەرجىمە قىلىش ۋەزىپىسى باشلىنىش ئالدىدا تۇرۇۋاتىدۇ، كۈنتەرتىپ ئىچىگە قارىسام 72 خىل تىلدىن خەۋەر كېلىپتۇ، ئەمما ئۇيغۇر تىلىغا نۆۋەت كەلمەپتۇ. قارىغاندا نۆۋەت بويىچە كېيىنكى باسقۇچقا قالغان ئوخشايدۇ، شۇنداق بولسىمۇ بۇ يىلغا تەۋە يەنە بىر ئىلتىماس قىلىشنى ئويلىشىۋاتىمەن. ئەمما بۇ ھامان چىقىدۇ، شۇڭا سەبىر قىلىپ تۇرۇڭلار. پەقەت مۇشىنچىلىكلا ئۇچۇر بېرەلەيمەن. توغرا چۈشىنىڭلار.

• يازما كۆرۈلۈشى: 6,596 قېتىم
• يوللانـغان ۋاقىت:2015-يىلى 09-ئاينىڭ 7-كۈنى pm 17:28
• ئالدىنقى يازما :The whole process of Expanding an online business perfectly into a New Region
• كېيىنكى يازما :Marriage in between the small and macro quantities of economical performance