<ئاقيول ئۇيغۇر تور بىكىتى سىزنى قارشى ئالىدۇ>

　 بۇ ، چارۋىلار ئابدىملىكنىڭ ئۇزۇقى ، كۈنجۈرىسى ۋە ئۇنىڭ غول ، يوپۇرماقلىرىنى يەۋېلىشتىن پەيدا بولىدىغان بىر خىل زەھەرلىنىش خاراكتېرلىك كېسەللىك بولۇپ ، بۇ خىل كېسەللىك ئادەتتە ئاندىمىلىك كۆپ تېرىلىدىغان جايلاردا كۆپرەك يۈز بېرىدۇ .3dnئاقيول تور بىكىتى

　 ئابدىمىلىكنىڭ تەركىبىدە ئىككى خىل زەھەرلىك ماددا بولۇپ ، بۇنىڭ بىرى رىتسىن . بۇ ماددا ئابدىمىلىكنىڭ ئۇرۇقىدا %2.8 - %3 ، يېغىدا %1 بولىدۇ . يەنە بىرى رىتسفىن . بۇ ماددا ئابدىمىلىكنىڭ تەركىبىدە %2 بولىدۇ . رىتسىننىڭ زەھىرى ئىنتايىن كۈچلۈك بولغانلىقتىن ، ئۇ چارۋا مالنىڭ ھەر بىر كىلوگرام تەن ئېغىرلىقىغا 0.2 مىللىگرامدىن توغرا كەلسلا چارۋا ئۆلىدۇ . رىتسىفىن بىر خىل ئالكالوئىد بولغانلىقتىن ئابدىمىلىكنىڭ پۈتۈن قىسمىدا بولسىمۇ ، زەھىرى ئاجىزراق بولىدۇ . ئۇ چارۋىنىڭ قېنىدىكى فېرىنلىق ئاقسىل ئېلېمېنتلىرىنى قاتۇرۇپ ، قىزىل قان ھۈجەيرىلىرىنى ئۇيۇتۇپ ، قاننىڭ راۋان ئايلىنىشىغا تەسىر كۆرسىتىپ ، جىددىي خاراكتېرلىك ئۈچەي ياللۇغىنى پەيدا قىلىدۇ . ئېغىر بولغاندا نەپەسلىنىش ، قان تومۇرلارنى ھەرىكەتلەندۈرۈش مەركىزى پالەچ ھالەتكە چۈشۈپ قېلىپ ، چارۋا مال ئۆلۈپ كېتىدۇ .3dnئاقيول تور بىكىتى

　 شۇڭا چارۋا ماللارنى ئابدىمىلىك ئېتىزىدا باقماسلىق كېرەك . ئەگەر چارۋا ماللار ئابدىمىلىك يەۋالسا ، تېزلىكتە - %3 - %5 لىك ناترى بىكاربونات (سودا ) ئىچكۈزۈپ ئاشقازاننى تازىلاش بىلەن بىرگە تۈز تۈرىدىكى سۈرگە دورىلىرىغا كىراخمال قوشۇپ بىر قېتىم ئىچكۈزۈش لازىم . ئېغىر دەىجىدە زەھەرلەنگەن ( چوڭ ) ماللاردىن ئالدى بىلەن 500 - 1000 مىللىلىتىر قان قويۇپ بېرىپ ، ئاندىن گلۇكوزىغا كامفورا ، نىكتامىد قاتارلىق دورىلارنى قوشۇپ يۈرەكنى كۈچەيتىپ ، نەپەسنى راۋانلاشتۇرۇدىغان دورىلارنى ئۇكۇل قىلىش كېرەك . ئابدىمىلىك يوپۇرمىقىدىن زەھەرلەنگەن قويلارغا دەرھال 50 مىللىتىر ئاق ھاراق ئىچكۈزىۋەتسە ياخشى ئۈنۈم بېرىلىدۇ .3dnئاقيول تور بىكىتى

<ئاقيول ئۇيغۇر تور بىكىتى سىزنى قارشى ئالىدۇ>