ﺟﯘﯕﮕﻮﺩﺍ ﻳﯧﻘﯩﻨﻘﻰ ﺑﯩﺮ ﻗﺎﻧﭽﻪ ﻳﯩﻞ ﻣﺎﺑﻪﻳﻨﯩﺪﻩ ﻳﯜﺯ ﺑﻪﺭﮔﻪﻥ ﺑﯩﺮ ﻗﺎﺗﺎﺭ ﺗﻮﺭ ﯞﻩ ﺟﻪﻣﺌﯩﻴﻪﺗﻨﻰ ﺯﯨﻞ – ﺯﯨﻠﯩﮕﻪ ﺳﺎﻟﻐﺎﻥ ﺟﺎﻣﺎﺋﻪﺕ ﭘﯩﻜﺮﻯ ﺋﺎﺳﺎﺳﯩﺪﺍ ﺭﻭﻳﺎﭘﻘﺎ ﭼﯩﻘﻘﺎﻥ ﺋﯩﺸﻼﺭﻏﺎ ﻧﻪﺯﻩﺭ ﺳﺎﻟﯩﺪﯨﻐﺎﻥ ﺑﻮﻟﺴﺎﻕ، ﺗﻮﺭﻧﯩﯔ ﻛﯚﯞﺭﯛﻛﻠﯜﻙ ﺭﻭﻟﻰ ﯞﻩ ﺟﺎﻣﺎﺋﻪﺕ ﭘﯩﻜﺮﯨﻨﯩﯔ ﻛﯜﭼﯩﻨﻰ ﮬﻪﻗﯩﻘﯩﻲ ﺗﯜﺭﺩﻩ ﮬﯧﺲ ﻗﯩﻠﯩﭗ ﻳﯧﺘﯩﻤﯩﺰ. << ﺳﯜﻥ ﺟﯧﮕﺎﯓ ﯞﻩﻗﻪﺳﻰ >> ﺩﯨﻦ ﺗﺎﺭﺗﯩﭗ، << ﺧﺎﺭﺑﯩﻨﺪﯨﻜﻰ ﺑﺎﯞﻣﺎ ﻣﺎﺭﻛﯩﻠﯩﻖ ﻣﺎﺷﯩﻨﯩﻨﯩﯔ ﺋﺎﺩﻩﻡ ﺳﻮﻗﯘﯞﯦﺘﯩﺶ ﯞﻩﻗﻪﺳﻰ >> ﮔﯩﭽﻪ، << ﻟﻴﯘ ﻳﻮﯓ ﺋﻪﻧﺰﯨﺴﻰ >> ﺩﯨﻦ ﺗﯧﺨﻰ ﻳﯧﻘﯩﻨﺪﯨﻼ ﺟﯘﯕﮕﻮ ﺋﻪﻣﻪﺱ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﻨﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﯩﻐﺎﻥ << ﺟﻪﻧﯘﺑﯩﻲ ﺟﯘﯕﮕﻮ ﻳﻮﻟﯟﯨﺴﯩﻨﯩﯔ ﺳﯜﺭﯨﺘﻰ >> ﯞﻩﻗﻪﺳﯩﮕﯩﭽﻪ ﮬﻪﻣﻤﯩﺴﻰ ﺋﻪﯓ ﺋﺎﯞﯞﺍﻝ ﺑﯩﺮﯨﻨﭽﻰ ﺑﻮﻟﯘﭖ ﺗﻮﺭﺩﺍ ﺟﺎﻣﺎﺋﻪﺗﭽﻠﯩﻜﯩﻨﯩﯔ ﺋﺎﻟﺪﯨﻐﺎ ﺗﺎﺷﻼﻧﺪﻯ، ﺗﻮﺭ ﺋﺎﺭﻗﯩﻠﯩﻖ ﻣﯘﮬﺎﻛﯩﻤﻪ ﻗﯩﻠﯩﻨﺪﻯ، ﻣﯘﻧﺎﺳﯩﯟﻩﺗﻠﯩﻚ ﺗﺎﺭﻣﺎﻗﻼﺭﻧﯩﯔ ﺩﻩﻝ ﯞﺍﻗﺘﯩﺪﺍ ﺑﯩﺮﺗﻪﺭﻩﭖ ﻗﯩﻠﯩﺸﻰ، ﺑﯩﺮ ﺗﻪﺭﻩﭖ ﻗﯩﻠﻐﺎﻧﺪﯨﻤﯘ ﮬﻪﻗﻘﺎﻧﯩﻲ ﺋﻮﺭﯗﻧﺪﺍ ﺗﯘﺭﯗﭖ، ﺟﺎﻣﺎﺋﻪﺗﻨﯩﯔ ﻛﯚﯕﻠﻰ ﺋﺎﺭﺍﻡ ﺗﺎﭘﻘﯘﺩﻩﻙ ﺋﺎﺩﯨﻞ ﺑﯩﺮ ﺗﻪﺭﻩﭖ ﻗﯩﻠﯩﺸﯩﻨﻰ ﺗﻮﺭ ﺋﺎﺭﻗﯩﻠﯩﻖ ﺗﻪﻟﻪﭖ ﻗﯩﻠﯩﻨﺪﻯ ﯞﻩ ﻣﻪﺯﻛﯘﺭ ﺋﯩﺸﻼﺭﻧﯩﯔ ﺑﺎﺵ – ﺋﺎﺧﯩﺮﻯ ﺗﻮﺭ ﺋﺎﺭﻗﯩﻠﯩﻖ ﺟﺎﻣﻪﺗﭽﯩﻠﯩﻜﯩﻨﯩﯔ ﺗﻪﭘﺘﯩﺸﻠﯩﺸﯩﺪﻩ ﺑﻮﻟﺪﻯ. ﭘﻪﻗﻪﺕ ، ﺟﻪﻧﯘﺑﯩﻲ ﺟﯘﯕﮕﻮ ﻳﻮﻟﯟﯨﺴﻰ ﯞﻩﻗﻪﺳﯩﻨﻰ ﻣﯩﺴﺎﻟﻐﺎ ﺋﺎﻟﺴﺎﻕ، ﻣﯘﺷﯘ ﺋﯩﺶ ﺗﯜﭘﻪﻳﻠﻰ ﺩﯙﻟﻪﺕ ﺋﯩﺸﻠﯩﺮﻯ ﻣﻪﮬﻜﯩﻤﯩﺴﻰ ( ﮔﯘﯞﯗﻳﯜﻩﻥ ) ﻣﻪﺧﺴﯘﺱ ﺋﺎﺧﺒﺎﺭﺍﺕ ﺋﯧﻼﻥ ﻗﻠﯩﺶ ﻳﯩﻐﯩﻨﻰ ﺋﺎﭼﺘﻰ ﯞﻩ ﺟﺎﻣﺎﺋﻪﺗﭽﯩﻠﯩﻜﻜﻪ ﻛﯚﭘﭽﯩﻠﯩﻚ ﻗﺎﻳﯩﻞ ﺑﻮﻟﻐﯘﺩﻩﻙ ﺟﺎﯞﺍﺏ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﯩﺶ ﺑﯘﻧﯩﯖﻠﯩﻖ ﺑﯩﻠﻪﻥ ﺗﯜﮔﯩﻤﯩﺪﻯ، ﺗﻮﺭ ﺳﺎﮬﻪﺳﯩﺪﯨﻜﻰ ﺋﺎﻣﻤﺎ ﺋﯩﻜﻜﻰ ﺳﻪﭘﻜﻪ ﺑﯚﻟﯜﻧﯜﭖ ﻛﻪﺳﻜﯩﻦ ﻣﯘﻧﺎﺯﯨﺮﯨﮕﻪ ﭼﯜﺷﺘﻰ، ﺷﻪﻧﺸﻰ ﺋﯚﻟﻜﯩﻠﯩﻚ ﺋﻮﺭﻣﺎﻧﭽﯩﻠﯩﻖ ﻧﺎﺯﺍﺭﯨﺘﻰ ﯞﻩ ﺩﯙﻟﻪﺗﻠﯩﻚ ﮬﺎﻳﯟﺍﺗﺎﻧﻼﺭﻧﻰ ﻗﻮﻏﺪﺍﺵ ﻛﻮﻣﺘﯧﺘﻰ ﺩﯦﮕﻪﻧﺪﻩﻙ ﺋﻮﺭﯗﻧﻼﺭ ﺟﺎﻣﺎﺋﻪﺗﭽﯩﻠﯩﻜﻨﯩﯔ ﻗﺎﺗﺘﯩﻖ ﺗﻪﻧﻘﯩﺪﻯ ﯞﻩ ﺋﻪﻳﯩﭙﻠﯩﺸﯩﮕﻪ ﺋﯘﭼﺮﯨﺪﻯ، ﻳﻪﻧﻪ ﺑﯩﺮ ﻗﯩﺴﯩﻢ ﺷﻪﺧﺲ ﯞﻩ ﺋﻮﺭﯗﻧﻼﺭ ﻣﻪﺯﻛﯘﺭ ﺋﻮﺭﯗﻧﻼﺭ ﺋﯜﺳﺘﯩﺪﯨﻦ ﺳﻮﺗﻘﺎ ﺋﻪﺭﺯ ﻗﯩﻠﯩﭗ، ﺋﯘﻻﺭﻧﯩﯔ ﻗﺎﻧﯘﻧﯩﻲ ﺟﺎﯞﺍﺑﻜﺎﺭﻟﯩﻘﯩﻨﻰ ﺗﻪﻟﻪﭖ ﻗﯩﻠﯩﺸﺘﻰ، ﭘﯜﺗﻜﯜﻝ ﺋﯩﺸﻨﯩﯔ ﺑﺎﺵ – ﺋﺎﺧﯩﺮﻯ ﺗﻮﺭ ﺋﺎﻣﻤﯩﺴﯩﻨﯩﯔ ﻳﯧﻘﯩﻨﺪﯨﻦ ﺩﯨﻘﻘﻪﺕ ﻗﯩﻠﯩﺸﻰ، ﺗﻪﭘﺘﯩﺸﻠﯩﺸﯩﺪﻩ ﺑﻮﻟﺪﻯ، ﺋﺎﺧﯩﺮﻯ ﺑﺎﺷﺘﯩﻦ – ﺋﺎﺧﯩﺮﻯ ﺋﯚﺯﯨﻨﯩﯖﻜﯩﻨﻰ ﺭﺍﺱ ﺩﻩﭖ ﻛﻪﻟﮕﻪﻥ ﺷﻪﻧﺸﻰ ﺋﯚﻟﻜﯩﻠﯩﻚ ﺋﻮﺭﻣﺎﻧﭽﯩﻠﯩﻖ ﻧﺎﺯﺍﺭﯨﺘﻰ ﺋﯚﺯﯨﻨﯩﯔ ﺧﺎﺗﺎ ﻗﯩﻠﻐﺎﻧﻠﯩﻘﯩﻨﻰ ﺋﯧﺘﺮﺍﭖ ﻗﯩﻠﯩﺸﻘﺎ ﻣﻪﺟﺒﯘﺭ ﺑﻮﻟﺪﻯ، ساختا سۈرەت ياساپ، ھەقىقىي يولۋاسنى تارتتىم دېگەن ھېلىقى دېھقان 2 يىللىق تۈرمىگە بۇيرۇلدى… ﺩﯦﻤﻪﻛﭽﻰ، ﻧﯘﺭﻏﯘﻧﻠﯩﻐﺎﻥ ﺋﻪﻣﻪﻟﯩﻴﻪﺗﺘﻪ ﺋﯩﺸﻘﺎ ﺋﺎﺷﯘﺭﯗﺵ ﻣﯘﻣﻜﯩﻦ ﺑﻮﻟﻤﯩﻐﺎﻥ ﺋﯩﺸﻼﺭ ﺗﻮﺭ ﺋﺎﺭﻗﯩﻠﯩﻖ، ﺟﺎﻣﺎﺋﻪﺗﭽﯩﻠﯩﻜﻨﯩﯔ ﻛﻮﻟﻠﯧﻜﺘﯩﭗ ﮬﻪﺭﯨﻜﯩﺘﻰ، ﻛﯜﭼﻠﯜﻙ ﺋﺎﻣﻤﯩﯟﯨﻲ ﭘﯩﻜﯩﺮﻧﯩﯔ ﺗﯜﺭﯛﺗﻜﯩﺴﯩﺪﻩ ﺑﯩﺮﯨﻨﯩﯔ ﻛﻪﻳﻨﯩﺪﯨﻦ ﺑﯩﺮﻯ ﺭﻭﻳﺎﭘﻘﺎ ﭼﯩﻘﺘﻰ. ﻛﯚﺭﯛﯞﯦﻠﯩﺸﻘﺎ ﺑﻮﻟﯩﺪﯗﻛﻰ، ﺗﻮﺭ ﺋﺎﺭﻗﯩﻠﯩﻖ ﺑﻮﻟﯩﻨﯩﯟﺍﺗﻘﺎﻥ ﺟﺎﻣﺎﺋﻪﺕ ﭘﯩﻜﯩﺮﯨﻨﯩﯔ ﺋﯩﺠﺘﯩﻤﺎﺋﯩﻴﯩﺘﯩﻤﯩﺰ ﯞﻩ ﺳﯩﻴﺎﺳﯩﻲ ﺗﯘﺭﻣﯘﺷﯩﻤﯩﺰﻏﺎ ﻛﯚﺭﺳﯩﺘﯩﯟﺍﺗﻘﺎﻥ ﺭﻭﻟﻰ ﺑﺎﺭﻏﺎﻧﺴﯧﺮﻯ ﻛﯚﺭﯛﻧﻪﺭﻟﯩﻚ ﺑﻮﻟﯩﯟﺍﺗﯩﺪﯗ ﻳﺎﻛﻰ ﮬﯧﭻ ﺑﻮﻟﻤﯩﻐﺎﻧﺪﺍ ﺋﯩﭽﻜﯩﺮﻯ ﺋﯚﻟﻜﯩﻠﻪﺭﺩﻩ ﺷﯘﻧﺪﺍﻕ ﺑﻮﻟﯩﯟﺍﺗﯩﺪﯗ.
ﺟﺎﻣﺎﺋﻪﺕ ﺗﻮﺭ ﺋﺎﺭﻗﯩﻠﯩﻖ ﺟﻪﻣﺌﯩﻴﻪﺗﺘﯩﻜﻰ ﺗﯜﺭﻟﯜﻙ ﺋﯩﺶ – ﯞﻩﻗﻪﻟﻪﺭﺩﯨﻦ ﺋﻪﯓ ﺗﯧﺰ ﺳﯜﺭﺋﻪﺗﺘﻪ ﺧﻪﯞﻩﺭ ﺗﺎﭘﺎﻻﻳﺪﯗ، ﺋﯩﺸﻼﺭﻧﯩﯔ ﺑﯩﺮﺗﻪﺭﻩﭖ ﻗﯩﻠﯩﻨﯩﺶ ﺟﻪﺭﻳﺎﻧﻰ ﯞﻩ ﻧﻪﺗﯩﺠﯩﺴﯩﻨﻰ ﺗﻪﭘﺘﯩﺸﻠﯩﻴﻪﻟﻪﻳﺪﯗ. ﺋﺎﻣﻤﯩﻨﯩﯔ ﺋﺎﻛﺘﯩﭗ ﮬﺎﻟﺪﺍ ﺗﻪﭘﺘﯩﺸﻠﻪﺵ ﮬﻮﻗﯘﻗﻰ ﯞﻩ ﺋﯩﻘﺘﯩﺪﺍﺭﯨﻨﯩﯔ ﺗﻮﺭﻧﯩﯔ ﺗﯜﺭﯛﺗﻜﯩﺴﻰ ﺋﺎﺳﺘﯩﺪﺍ ﻳﻪﻧﯩﻤﯘ ﺑﯩﺮ ﺑﺎﻟﺪﺍﻕ ﻳﯘﻗﯩﺮﻯ ﻛﯚﺗﯜﺭﯛﻟﯩﺸﻰ ﺑﯩﻠﻪﻥ ، ﺟﺎﻣﺎﺋﻪﺗﭽﻠﯩﻜﯩﻨﯩﯔ ﺩﯙﻟﻪﺗﻨﯩﯔ ﺳﯩﻴﺎﺳﯩﻲ ﺋﯩﺸﻠﯩﺮﯨﻐﺎ ﺋﺎﺭﯨﻠﯩﺸﯩﺶ ﻗﯩﺰﻏﯩﻨﻠﯩﻘﻰ ﻳﯘﻗﯩﺮﻯ ﻛﯚﺗﯜﺭﯛﻟﯜﭖ، ﺧﻮﺟﺎﻳﯩﻨﻠﯩﻖ ﮬﻮﻗﯘﻗﯩﻨﻰ ﺗﯧﺨﯩﻤﯘ ﺩﺍﺩﯨﻞ ﺋﯩﺸﻠﯩﺘﯩﺪﯨﻐﺎﻥ ﮬﺎﻟﻪﺕ ﺑﺎﺭﯨﻠﯩﻘﻘﺎ ﻛﯧﻠﯩﭗ، ﮬﯚﻛﯜﻣﻪﺗﻨﯩﯔ ﺳﯩﻴﺎﺳﻪﺕ – ﺗﻪﺩﺑﯩﺮ ﺑﻪﻟﮕﯩﻠﯩﺸﯩﮕﻪ ﺋﯜﺯﻟﯜﻛﺴﯩﺰ ﺗﻪﺳﯩﺮ ﻛﯚﺭﺳﯩﺘﯩﭗ ﻛﯧﻠﯩﯟﺍﺗﯩﺪﯗ. ﭘﺎﺭﺗﯩﻴﻪ ﯞﻩ ﮬﯚﻛﯜﻣﻪﺗﻤﯘ ﺗﻮﺭﻧﯩﯔ ﺑﯘﺧﯩﻞ ﺭﻭﻟﯩﻨﻰ ﺗﻮﻏﺮﺍ ﺗﻮﻧﯘﭖ، ﺗﯧﺨﯩﻤﯘ ﻛﯚﭖ ﺋﺎﻣﻤﯩﻨﯩﯔ ﺗﻮﺭ ﺋﺎﺭﻗﯩﻠﯩﻖ ﮬﯚﻛﯜﻣﻪﺕ ﺧﯩﺰﻣﯩﺘﯩﻨﻰ ﺗﻪﭘﺘﯩﺸﻠﯩﺸﻰ ﯞﻩ ﺩﯙﻟﻪﺗﻨﻰ ﺋﯩﺪﺍﺭﻩ ﻗﯩﻠﯩﺶ ﺑﯜﻳﯜﻙ ﺋﯩﺸﯩﻐﺎ ﮬﻪﺳﺴﻪ ﻗﻮﺷﯘﺷﻘﺎ ﭼﺎﻗﯩﺮﯨﻖ ﻗﯩﻠﯩﯟﺍﺗﯩﺪﯗ.

ﺧﻮﺵ، ﮔﻪﭘﻨﻰ ﺷﯘ ﻳﻪﺭﺩﻩ ﺑﯩﺮﺩﻩﻡ ﺗﻮﺧﺘﯩﺘﯩﭗ،  ﻛﻮﻟﻠﯧﻜﺘﯩﭗ ﮬﻪﺭﯨﻜﻪﺕ ﻳﻪﻧﻰ (collective action ) ﮬﻪﻗﻘﯩﺪﻩ ﺗﻮﺧﺘﯩﻠﯩﭗ ﺑﺎﻗﺎﻳﻠﻰ.

ﻛﻮﻟﻠﯧﻜﺘﯩﭗ ﮬﻪﺭﯨﻜﻪﺕ ﺩﯦﮕﯩﻨﯩﻤﯩﺰ ، ﻳﯜﺯ ﺑﯧﺮﯨﺸﯩﻨﻰ ﻣﯚﻟﭽﻪﺭﻟﻪﺵ ﻗﯩﻴﯩﻦ ﺑﻮﻟﻐﺎﻥ ، ﺋﯚﺯﻟﯩﻜﯩﺪﯨﻦ ﻳﯜﺯ ﺑﯧﺮﯨﺪﯨﻐﺎﻥ، ﺗﻪﺷﻜﯩﻠﻠﯩﻨﯩﺸﻰ ﺗﯚﯞﻩﻥ ﺳﻪﯞﯨﻴﯩﺪﻩ ﯞﻩ ﻣﯘﻗﯩﻤﺴﯩﺰ ﺑﻮﻟﻐﺎﻥ ﺋﻪﮬﯟﺍﻝ ﺋﺎﺳﺘﯩﺪﺍ ، ﺋﻮﺧﺸﺎﺵ ﺑﻮﻟﻐﺎﻥ ﺑﯩﺮ ﺧﯩﻞ ﺗﻪﺳﯩﺮ ﻳﺎﻛﻰ ﻏﯩﺪﯨﻘﻠﯩﻨﯩﺸﻘﺎ ﻗﺎﺭﯨﺘﺎ ﺋﯩﻨﻜﺎﺱ ﺧﺎﺭﺍﻛﺘﯧﺮﯨﺪﻩ ﺳﺎﺩﯨﺮ ﻗﯩﻠﯩﻨﻐﺎﻥ ﻗﯩﻠﻤﯩﺸﻨﻰ ﻛﯚﺭﺳﯩﺘﯩﺪﯗ. ﺭﯦﺌﺎﻝ ﺗﯘﺭﻣﯘﺷﺘﺎ ﻛﻮﻟﻠﯧﻜﺘﯩﭗ ﮬﻪﺭﯨﻜﻪﺕ ﺋﻮﻣﯘﻣﻴﯜﺯﻟﯜﻙ ﻣﻪﯞﺟﯘﺩ ﺑﻮﻟﯘﭖ، ﺋﯘﻧﯩﯔ ﺗﯜﺭﻟﯩﺮﯨﻤﯘ ﻧﺎﮬﺎﻳﯩﺘﻰ ﻛﯚﭖ. ﻣﻪﺳﯩﻠﻪﻥ، ﻳﺎﻟﻐﺎﻥ ﻳﺎﯞﺩﺍﻕ ، ﺋﯚﺳﻪﻙ ﺳﯚﺯ ﺗﺎﺭﯨﻘﯩﺘﯩﺶ، ﻗﻮﺭﻗﯩﻨﭻ ، ﯞﻩﮬﯩﻤﻪ، ﺟﺎﻣﺎﺋﻪﺕ ﭘﯩﻜﯩﺮﻯ، ﻣﻮﺩﺍ ، ﻗﺎﻻﻳﻤﯩﻘﺎﻧﭽﯩﻠﯩﻚ ﭘﻪﻳﺪﺍ ﻗﯩﻠﯩﺶ، ﺋﯩﺶ ﺗﺎﺷﻼﺵ، ﻧﺎﻣﺎﻳﯩﺶ ﻗﯩﻠﯩﺶ ﮬﻪﺗﺘﺎﻛﻰ ﺋﯩﺠﺘﯩﻤﺎﺋﯩﻲ ﺗﻪﻧﺘﻪﺭﺑﯩﻴﻪ ﻗﺎﺗﺎﺭﻟﯩﻘﻼﺭﻧﯩﯔ ﮬﻪﻣﻤﯩﺴﻰ ﻛﻮﻟﻠﯧﻜﺘﯩﭗ ﮬﻪﺭﯨﻜﻪﺗﻨﯩﯔ ﺋﯩﭙﺎﺩﯨﻠﯩﻨﯩﺶ ﺷﻪﻛﯩﻠﻠﯩﺮﯨﺪﯗﺭ. ﻗﺎﺭﯨﻤﺎﻗﻘﺎ، ﻛﻮﻟﻠﯧﻜﺘﯩﭗ ﮬﻪﺭﯨﻜﻪﺕ ﻛﯚﭘﯜﻧﭽﻪ ﺋﻪﮬﯟﺍﻟﻼﺭﺩﺍ ﺗﻪﺭﺗﯩﭙﻠﯩﻚ، ﻗﯘﺭﯗﻟﻤﯩﻠﯩﻖ، ﻗﺎﺗﻼﻣﻠﯩﻖ ﺑﻮﻟﻤﺎﺳﻠﯩﻘﺘﻪﻙ ﺋﺎﻻﮬﯩﺪﯨﻠﯩﻜﻜﻪ ﺋﯩﮕﻪ ﺑﻮﻟﻐﺎﻧﺪﻩﻙ ﻛﯚﺭﯛﻧﯩﺪﯗ. ﺋﻪﻣﻤﺎ ﺋﻪﻣﻪﻟﯩﻴﻪﺗﺘﻪ ، ﭘﯜﺗﯜﻧﻠﻪﻱ ﺋﯘﻧﺪﺍﻗﻤﯘ ﺋﻪﻣﻪﺱ . ﻛﻮﻟﻠﯧﻜﺘﯩﭗ ﮬﻪﺭﯨﻜﻪﺗﻨﯩﯔ ﮬﺎﻟﻘﯩﻠﯩﻖ ﻳﯧﺮﻯ ﺷﯘﻛﻰ، ﻣﻪﻟﯘﻡ ﺑﯩﺮ ﺋﯩﺶ – ﯞﻩﻗﻪﻧﯩﯔ ﺳﺎﺩﯨﺮ ﺑﻮﻟﯘﺷﻰ ﻧﻪﺗﯩﺠﯩﺴﯩﺪﻩ، ﻛﯚﭖ ﺳﺎﻧﺪﯨﻜﻰ ﻛﯩﺸﯩﻠﻪﺭﻧﯩﯔ ﺩﯨﻘﻘﻪﺕ ﺋﯧﺘﯩﺒﺎﺭﯨﻨﯩﯔ ﺋﯘﺷﺒﯘ ﺋﯩﺶ ﺋﯜﺳﺘﯩﮕﻪ ﺟﻪﻣﻠﯩﻨﯩﺸﯩﺪﯗﺭ. ﮔﻪﺭﭼﻪ ﺑﯘﻧﺪﯨﻦ ﺑﯘﺭﯗﻥ ﺑﯘ ﺑﯩﺮ ﺗﻮﭖ ﻛﯩﺸﯩﻠﻪﺭﻧﯩﯔ ﺑﯩﺮ – ﺑﯩﺮﻯ ﺑﯩﻠﻪﻥ ﮬﯧﭽﻘﺎﻧﺪﺍﻕ ﺋﺎﻻﻗﯩﺴﻰ ﺑﻮﻟﻤﯩﺴﯩﻤﯘ ، ﺋﯘﻻﺭ ﻣﯘﺷﯘ ﺋﯩﺸﯩﻨﻰ ﻳﺎﺩﺭﻭ ﻗﯩﻠﻐﺎﻥ ﺋﺎﺳﺎﺳﺘﺎ ﺋﯚﺯ ﺋﺎﺭﺍ ﺋﺎﻻﻗﻪ ، ﭘﯩﻜﯩﺮ – ﺋﺎﻟﻤﺎﺷﺘﯘﺭﯗﺵ، ﺑﯩﺮﻟﯩﻜﺘﻪ ﺋﻪﻣﻪﻟﯩﻲ ﺋﯩﺶ ﻗﯩﻠﯩﺶ ﺟﻪﺭﻳﺎﻧﯩﺪﺍ ﻗﯩﺴﻘﺎ ﻣﯘﺩﺩﻩﺗﻠﯩﻚ ﺋﺎﻻﮬﯩﺪﻩ ﺑﯩﺮ ﺗﻮﭘﻨﻰ ﻳﻪﻧﻰ ﻛﻮﻟﻠﯧﻜﺘﯩﭙﻨﻰ ﺷﻪﻛﯩﻠﻠﻪﻧﺪﯛﺭﯨﺪﯗ. ﺑﯘ ﺗﻮﭖ ﺋﯩﭽﯩﺪﯨﻜﻰ ﺋﻪﺯﺍﻻﺭﻧﯩﯔ ﻗﯩﻠﯩﻤﯩﺸﻰ ﺋﯚﺯ ﺋﺎﺭﺍ ﭘﺎﻳﺪﯨﻠﯩﻨﯩﺶ، ﺋﯚﺯ ﺋﺎﺭﺍ ﮬﻪﻣﻜﺎﺭﻟﯩﺸﯩﺶ، ﺋﯚﺯ – ﺋﺎﺭﺍ ﺗﻪﺳﯩﺮﻟﯩﺸﯩﺶ ﺋﺎﺭﻗﯩﻠﯩﻖ ﺳﺎﺩﯨﺮ ﺑﻮﻟﯩﺪﯗ. ﻛﯚﺭﯛﯞﯦﻠﯩﺸﻘﺎ ﺑﻮﻟﯩﺪﯗﻛﻰ ، ﻛﻮﻟﻠﯧﻜﺘﯩﭗ ﮬﻪﺭﯨﻜﻪﺗﻨﯩﯔ ﻣﺎﮬﯩﻴﻪﺗﻠﯩﻚ ﺋﺎﻻﮬﯩﺪﯨﻠﯩﻜﻰ ﺋﯩﻜﻜﻰ: ﻛﯚﭖ ﺳﺎﻧﺪﯨﻜﻰ ﺷﻪﺧﺴﻠﻪﺭﺩﯨﻦ ﺗﻪﺭﻛﯩﺒﻠﯩﻨﯩﺶ ﯞﻩ ﺋﯩﺪﯨﻴﯩﺴﻰ ﻧﯩﺴﭙﯩﻲ ﺑﻮﻟﺴﯩﻤﯘ ﺑﯩﺮﻟﯩﻜﻜﻪ ﻛﯧﻠﯩﺶ . ﭘﻪﻗﻪﺕ ﻣﯘﺷﯘ ﺋﯩﻜﻜﻰ ﺷﻪﺭﺕ ﮬﺎﺯﯨﺮﻻﻧﻐﺎﻧﺪﯨﻼ ﺋﺎﻧﺪﯨﻦ ﻛﻮﻟﻠﯧﻜﺘﯩﭗ ﮬﻪﺭﯨﻜﻪﺕ ﺑﺎﺭﻟﯩﻘﻘﺎ ﻛﯧﻠﯩﺪﯗ. ﺑﯘ ﺋﯩﻜﻜﻰ ﺷﻪﺭﺗﻨﯩﯔ ﺑﯩﺮﻯ ﻛﻪﻡ ﺑﻮﻟﯩﺪﯨﻜﻪﻥ، ﻛﻮﻟﻠﯧﻜﺘﯩﭗ ﮬﻪﺭﯨﻜﻪﺗﺘﯩﻦ ﺳﯚﺯ ﺋﺎﭼﻘﯩﻠﻰ ﺑﻮﻟﻤﺎﻳﺪﯗ.

ﺷﻪﺧﺴﻠﻪﺭ ﺋﺎﺭﺍ ﻛﻮﻣﭙﻴﯘﺗﯧﺮ ﯞﻩ ﺗﻮﺭﻧﯩﯔ ﺋﻮﻣﯘﻣﻠﯩﺸﯩﺶ ﺳﯜﺭﺋﯩﺘﯩﻨﯩﯔ ﺗﯧﺰ ﺑﻮﻟﯘﺷﻰ ﻧﻪﺗﯩﺠﯩﺴﯩﺪﻩ، ﻛﯩﺸﯩﻠﻪﺭﻧﯩﯔ ﺗﻮﺭ ﺋﺎﺭﻗﯩﻠﯩﻖ ﺗﻮﭘﻠﯩﻨﯩﺸﻰ ، ﺋﯘﻻﺭﻧﯩﯔ ﺩﯨﻘﻘﯩﺘﯩﻨﻰ ﺗﻮﺭ ﺋﺎﺭﻗﯩﻠﯩﻖ ﻣﻪﻟﯘﻡ ﺑﯩﺮ ﺋﯩﺸﻘﺎ ﺟﻪﻟﺐ ﻗﯩﻠﯩﺶ ﺋﯚﺗﻤﯜﺷﺘﯩﻜﻰ ﮬﻪﺭﻗﺎﻧﺪﺍﻕ ﺯﺍﻣﺎﻧﺪﯨﻜﯩﮕﻪ ﻗﺎﺭﯨﻐﺎﻧﺪﺍ ﺋﺎﺳﺎﻥ ﺑﻮﻟﯩﯟﺍﺗﯩﺪﯗ. ﻛﯩﺸﯩﻠﻪﺭ ﭼﺎﻳﺨﺎﻧﺎ، ﻣﯘﻧﺒﻪﺭ، ﺑﯩﻠﻮﮔﻼﺭ ﺋﺎﺭﻗﯩﻠﯩﻖ ﺋﯜﺯﻟﯜﻛﺴﯩﺰ ﺗﯜﺭﺩﻩ ﺋﺎﻻﻗﯩﻠﯩﺸﯩﭗ ﺗﯘﺭﯨﯟﺍﺗﯩﺪﯗ، ﺋﯘﻻﺭﻧﯩﯔ ﺑﯩﺮ ﻳﻪﺭﮔﻪ ﺋﻮﺧﺸﺎﺵ ﺑﯩﺮ ﻣﻪﺳﯩﻠﻪ – ﻣﯘﺋﻪﻣﻤﺎ ﺋﯜﺳﺘﯩﮕﻪ ﺟﻪﻡ ﺑﻮﻟﯘﺷﻰ ﺋﻪﻣﺪﻯ ﺋﯚﺗﻤﯜﺷﺘﯩﻜﯩﺪﻩﻙ ﺟﯘﻏﺮﺍﭘﯩﻴﯩﻠﯩﻚ ﺋﻮﺭﯗﻧﻨﯩﯔ ﭼﻪﻛﻠﯩﻤﯩﺴﯩﮕﻪ ﺋﯘﭼﺮﯨﻤﺎﻳﺪﯨﻐﺎﻥ ﺑﻮﻟﺪﻯ. ﺋﺎﻣﯧﺮﯨﻜﯩﺪﯨﻜﻰ ﺋﯘﻳﻐﯘﺭ ﺑﯩﻠﻪﻥ ﻗﻪﺷﻘﻪﺭﺩﯨﻜﻰ ﺋﯘﻳﻐﯘﺭ ﺗﻮﺭ ﺋﺎﺭﻗﯩﻠﯩﻖ ﺋﻮﺧﺸﺎﺵ ﺑﯩﺮ ﻣﻪﺳﯩﻠﻪ ﺋﯜﺳﺘﯩﺪﻩ ﺑﻪﺩﺍﺷﻘﺎﻧﻨﻰ ﻗﯘﺭﯗﭖ ﺋﻮﻟﺘﯘﺭﯗﭖ ﭘﯩﻜﯩﺮ ﺋﺎﻟﻤﺎﺷﺘﯘﺭﺍﻻﻳﺪﯨﻐﺎﻥ ﺑﻮﻟﺪﻯ. ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺋﯩﭽﻰ – ﺳﯩﺮﺗﯩﺪﯨﻜﻰ ﺋﯘﻳﻐﯘﺭﻻﺭ << ﺋﯘﻳﻐﯘﺭ ﻻﺗﯩﻦ ﻳﯧﺰﯨﻘﻰ >> ﮬﻪﻗﻘﯩﺪﯨﻜﻰ ﻣﯘﮬﺎﻛﯩﻤﯩﻠﻪﺭﮔﻪ ﻗﺎﺗﻨﯩﺸﺎﻟﯩﺪﻯ، ﺋﯩﻜﻜﻰ ﺳﻪﭖ ﺑﻮﻟﯘﭖ، ﻛﻪﺳﻜﯩﻦ ﻣﯘﻧﺎﺯﯨﺮﻩ ﻗﯩﻠﯩﺸﯩﭗ، ﺋﯘﺷﺒﯘ ﻻﮬﯩﻴﯩﻨﯩﯔ ﺗﯜﺯﯛﻟﯜﺵ ﺋﯩﺸﻠﯩﺮﻯ ﯞﻩ ﺋﺎﺧﯩﺮﯨﺪﺍ ﺋﯧﻼﻥ ﻗﯩﻠﯩﻨﯩﺸﯩﻐﯩﭽﻪ ﺑﻮﻟﻐﺎﻥ ﺟﻪﺭﻳﺎﻧﻼﺭﻏﺎ ﺗﯧﮕﯩﺸﻠﯩﻚ ﺗﻪﺳﯩﺮﯨﻨﻰ ﻛﯚﺭﺳﻪﺗﺘﻰ. << ﺋﻪﺭﻛﯩﻦ ﭘﺎﻟﯟﺍﻥ >> ﯞﻩﻗﻪﺳﯩﺪﯨﻤﯘ ﺟﺎﻣﺎﺋﻪﺗﭽﯩﻠﯩﻜﻨﯩﯔ ﺗﻪﭘﺘﯩﺸﻠﻪﺵ ﮬﻮﻗﯘﻗﻰ، ﺟﺎﻣﺎﺋﻪﺕ ﭘﯩﻜﺮﯨﻨﯩﯔ ﻛﯜﭼﻰ ﻳﻪﻧﻪ ﺑﯩﺮ ﻗﯧﺘﯩﻢ ﺟﻪﯞﻻﻥ ﻗﯩﻠﺪﯗﺭﯗﻟﺪﻯ. << بىرسوم پىلانى >> ئىزدىنىش مۇنبىرىدىكى ۋاپادارىم باشچىلىقىدىكى ساخاۋەتپەرۋەر تورداشلار تەرىپىدىن يولغا قويۇلدى. تېخى يېقىندىلا دىيارىم تورى تورداشلار ئىنكاس قىلغان << گۈلى >> ماركىلىق گاندوننى بازارغا سېلىش قىلمىشىنى مۇناسىۋەتلىك تارماقلارغا يەتكۈزۈپ، مۇۋاپىق بىرتەرەپ قىلىش ھەققىدىكى جاۋابقا ئېرىشتى.  بۇلاردىن باشقا بىز يەنە داۋاملىق ھەرقايسى توربېكەتلەرنىڭ نامىدا ئاجىزلارغا ، بىمارلارغا ياردەم قولىنى سۇنۇش پائالىيەتلىرىنىڭ كەڭ يولغا قويۇلىۋاتقانلىقىنى كۆرۈمىز… ﻣﺎﻧﺎ ﺑﯘﻻﺭ ﻛﻮﻟﻠﯧﻜﺘﯩﭗ ﮬﻪﺭﯨﻜﻪﺗﻨﯩﯔ ﺋﯩﺠﺎﺑﯩﻲ ﺗﻪﺭﻩﭘﻠﯩﺮﯨﺪﯗﺭ.

ﺋﻪﻣﺪﻯ ﮔﻪﭘﻨﻰ ﺟﺎﻣﺎﺋﻪﺕ ﭘﯩﻜﯩﺮ ﺋﯜﺳﺘﯩﺪﻩ ﺩﺍﯞﺍﻡ ﺋﻪﺗﻜﯜﺯﺳﻪﻙ ، ﺗﻮﺭ ﺋﺎﺭﻗﯩﻠﯩﻖ ﺋﯩﺸﻘﺎ ﺋﯧﺸﯩﯟﺍﺗﻘﺎﻥ ﺟﺎﻣﺎﺋﻪﺕ ﭘﯩﻜﺮﯨﻨﯩﯔ ﺑﺎﺭﻟﯩﻘﻘﺎ ﻛﯧﻠﯩﺶ ﺟﻪﺭﻳﺎﻧﯩﻤﯘ ﻛﻮﻟﻠﯧﻜﺘﯩﭗ ﮬﻪﺭﯨﻜﻪﺗﻜﻪ ﺋﻮﺧﺸﯩﺸﯩﭗ ﻛﯧﯩﺘﺪﯨﻐﺎﻥ ﺋﯩﭽﯩﻜﻰ ﺟﻪﺭﻳﺎﻧﯩﻐﺎ ﺋﯩﮕﻪ . ﺗﻮﺭﻧﯩﯔ ﺟﻪﻣﺌﯩﻴﯩﺘﯩﻤﯩﺰﺩﻩ ﺋﻮﻣﯘﻣﻠﯩﺸﯩﺸﯩﺪﯨﻦ ﺑﯘﺭﯗﻥ، ﺧﻪﻟﻘﻨﯩﯔ ﺋﯚﺯ ﭘﯩﻜﺮﯨﻨﻰ ، ﻛﯚﺯ ﻗﺎﺭﺍﺷﻠﯩﺮﯨﻨﻰ ﺑﺎﻳﺎﻥ ﻗﯩﻠﯩﺶ ﻳﻮﻟﻠﯩﺮﻯ ﺋﺎﻧﭽﻪ ﻛﯚﭖ ﺋﻪﻣﻪﺱ ﺋﯩﺪﻯ. ﺗﯧﻠﯧﯟﯗﺯﯗﺭ، ﮔﯧﺰﯨﺖ – ﮊﯗﺭﻧﺎﻝ، ﺭﺍﺩﯨﺌﻮﻏﺎ ﺋﻮﺧﺸﺎﺵ ﺋﻪﻧﺌﻪﻧﯩﯟﻱ ﺗﺎﺭﺍﺗﻘﯘﻻﺭﻧﯩﯔ ﻛﯩﺸﯩﻠﻪﺭﻧﯩﯔ ﭘﯩﻜﯩﺮ ﺑﺎﻳﺎﻥ ﻗﯩﻠﯩﺶ ﺋﯧﮭﺘﯩﻴﺎﺟﯩﻨﻰ ﻗﺎﻧﺪﯗﺭﯗﺵ ﺟﻪﮬﻪﺗﺘﯩﻜﻰ ﭼﺎﻣﻰ ﭼﺎﻏﻠﯩﻖ ﺋﯩﺪﻯ. ﺗﻮﺭ ﻛﻪﯓ ﻛﯚﻟﻪﻣﺪﻩ ﺋﻮﻣﯘﻣﻠﯩﺸﯩﭗ، ﻛﯚﭖ ﺳﺎﻧﺪﯨﻜﻰ ﻛﯩﺸﯩﻠﻪﺭﻧﯩﯔ ﺭﯦﺌﺎﻝ ﺗﯘﺭﻣﯘﺷﯩﻨﯩﯔ ﻣﯘﮬﯩﻢ ﺑﯩﺮﻗﯩﺴﯩﻤﯩﻐﺎ ﺋﺎﻳﻼﻧﻐﺎﻧﺪﯨﻦ ﻛﯧﻴﯩﻦ، ﺳﺎﻻﮬﯩﻴﻪﺕ ﺳﯜﺭﯛﺷﺘﻪ ﻗﯩﻠﯩﻨﻤﺎﻳﺪﯨﻐﺎﻥ، ﺧﺎﻟﯩﻐﺎﻧﭽﻪ ﺋﯘﭼﯘﺭ ﺗﺎﺭﻗﺎﺗﻘﯩﻠﻰ ﺑﻮﻟﯘﺵ، ﺑﯩﺮ ﻗﻪﺩﻩﺭ ﺋﻪﺭﻛﯩﻦ ﺑﻮﻟﻐﺎﻥ ﻣﯘﮬﯩﺖ ﺑﻮﻟﯘﺷﺘﻪﻙ ﺋﻪﯞﺯﻩﻟﻠﯩﻜﻠﯩﺮﻯ ﺑﯩﻠﻪﻥ ﻛﯩﺸﯩﻠﻪﺭﻧﯩﯔ ﭘﯩﻜﯩﺮ – ﻛﯚﺯ ﻗﺎﺭﺍﺷﻠﯩﺮﯨﻨﻰ ﺩﺍﺩﯨﻠﻠﯩﻖ ﺑﯩﻠﻪﻥ ﺋﯩﭙﺎﺩﯨﻠﻪﻳﺪﯨﻐﺎﻥ ﻣﯘﮬﯩﻢ ﺳﻪﮬﻨﯩﺴﯩﮕﻪ ﺋﺎﻳﻼﻧﺪﻯ. ﺗﻮﺭﺩﯨﻜﻰ ﭘﻜﺮﻯ ﺋﻪﺭﻛﯩﻨﻠﯩﻚ ﻣﻪﻟﯘﻡ ﺑﯩﺮ ﺩﯙﻟﻪﺕ ﻳﺎﻛﻰ ﺭﺍﻳﻮﻧﻨﯩﯔ ﺩﯦﻤﻜﯘﺭﺍﺗﯩﻴﯩﺴﯩﻨﯩﯔ ﻗﺎﻧﭽﯩﻚ ﺭﻩﯞﯨﺸﺘﻪ ﺑﻮﻟﯩﯟﺍﺗﻘﺎﻧﻠﯩﻘﯩﻐﺎ ﺩﺍﻻﻟﻪﺕ ﻗﯩﻠﯩﺪﯨﻐﺎﻥ ﻣﯘﮬﯩﻢ ﻛﯚﺭﺳﻪﺗﻜﯜﭺ ﺑﻮﻟﯘﭖ ﻗﺎﻟﺪﻯ. ﺋﻪﻣﻪﻟﯩﻴﻪﺗﺘﻪ، ﻛﯩﺸﯩﻠﻪﺭ ﺋﻮﻣﯘﻣﻴﯜﺯﻟﯜﻙ ﺋﯚﺯ ﭘﯩﻜﺮﯨﻨﻰ ﺗﻮﻟﯘﻕ ﺋﯩﭙﺎﺩﯨﻴﻪﻟﻤﻪﻳﯟﺍﺗﻘﺎﻥ ﺷﺎﺭﺍﺋﯩﺖ ﺋﺎﺳﺘﯩﺪﺍ ﺗﻮﺭ ﻛﯩﺸﯩﻠﻪﺭﻧﻰ ﻧﯩﺴﺒﻪﺗﻪﻥ ﺋﻪﺭﻛﯩﻦ ﭘﯩﻜﯩﺮ ﻗﯩﻠﯩﺶ ، ﺗﻮﻟﯘﻕ ﭘﯩﻜﯩﺮ ﺑﺎﻳﺎﻥ ﻗﯩﻠﯩﺶ ﺷﺎﺭﺍﺋﯩﺘﻰ ﺑﯩﻠﻪﻥ ﺗﻪﻣﯩﻦ ﺋﻪﺗﺘﻰ. ﺷﯘﻧﯩﯔ ﺑﯩﻠﻪﻥ ﺟﻪﻣﺌﯩﻴﻪﺗﻨﻰ ﺗﻪﭘﺘﯩﺸﻠﻪﺵ، ﺗﯧﺰﮔﯩﻨﻠﻪﺷﻨﯩﯔ ﻳﯧﯖﻰ ﺋﻪﻧﺪﯨﺰﺳﻰ – ﺗﻮﺭ ﺋﺎﺭﻗﯩﻠﯩﻖ ﺟﺎﻣﺎﺋﻪﺕ ﭘﯩﻜﺮﯨﻨﻰ ﺑﺎﺭﻟﯩﻘﻘﺎ ﻛﻪﻟﺘﯜﺭﯛﺵ، ﺟﺎﻣﺎﺋﻪﺕ ﭘﯩﻜﺮﻯ ﺋﺎﺭﻗﯩﻠﯩﻖ ﺭﯦﯩﺌﺎﻟﻠﯩﻘﻘﺎ ﺗﻪﺳﯩﺮ ﻛﯚﺭﺳﯩﺘﯩﺶ ﺑﺎﺭﻟﯩﻘﻘﺎ ﻛﻪﻟﺪﻯ. ﻣﯘﺷﯘ ﻧﯘﻗﺘﯩﺪﯨﻦ ﭼﯩﻘﯩﺶ ﻗﯩﻠﻐﺎﻧﺪﺍ ، ﺗﻮﺭ ﺋﺎﺭﻗﯩﻠﯩﻖ ﺑﻮﻟﯩﻨﯩﯟﺍﺗﻘﺎﻥ ﺟﺎﻣﺎﺋﻪﺕ ﭘﯩﻜﺮﯨﻨﻰ ﺗﻮﺭﺩﯨﻜﻰ ﻛﻮﻟﻠﯧﻜﺘﯩﭗ ﮬﻪﺭﯨﻜﻪﺕ ﺳﯜﭘﯩﺘﯩﺪﻩ ﺋﺎﻧﺎﻟﯩﺰ ﻗﯩﻠﯩﺸﯩﻤﯩﺰﻏﺎ ﺑﻮﻟﯩﺪﯗ.

ﺗﻮﺭ ﺋﺎﺭﻗﯩﻠﯩﻖ ﺑﺎﺭﻟﯩﻘﻘﺎ ﻛﯧﻠﯩﯟﺍﺗﻘﺎﻥ ﺟﺎﻣﺎﺋﻪﺕ ﭘﯩﻜﺮﯨﻨﯩﯔ ﺟﻪﻣﺌﯩﻴﻪﺗﻜﻪ ﺗﻪﺳﯩﺮ ﻛﯚﺭﺳﯩﺘﯩﺶ، ﺋﻪﻣﻪﻟﯩﻴﻪﺗﻨﻰ ﺋﯚﺯﮔﻪﺭﺗﯩﺶ ﻛﯜﭼﯩﮕﻪ ﺳﻪﻝ ﻗﺎﺭﺍﺷﻘﺎ ﺑﻮﻟﻤﺎﻳﺪﯗ. 2003 – ﻳﯩﻠﯩﺪﯨﻦ ﺑﯧﺮﻯ ، ﺗﻮﺭ ﺋﺎﺭﻗﯩﻠﯩﻖ ﺑﻮﻟﯩﻨﯟﺍﺗﻘﺎﻥ ﺟﺎﻣﺎﺋﻪﺕ ﭘﯩﻜﺮﯨﮕﻪ ﺋﺎﺋﯩﺖ ﺋﯩﺶ – ﯞﻩﻗﻪﻟﻪﺭ ﻣﻪﻟﯘﻡ ﻣﻪﻧﯩﺪﯨﻦ ﺋﯧﻠﯩﭗ ﺋﯧﻴﺘﻘﺎﻧﺪﺍ، ﮬﯚﻛﯜﻣﻪﺗﻨﯩﯔ ﺗﯜﺭﯛﻟﯜﻙ ﻗﺎﻧﯘﻥ – ﻧﯩﺰﺍﻡ ، ﺳﯩﻴﺎﺳﻪﺕ ﺗﯜﺯﯛﺵ، ﺋﯩﺶ ﺑﯧﺠﺮﯨﺶ ﺋﯩﺸﻠﯩﺮﯨﻐﺎ ﺗﯜﺭﯛﺗﻜﯩﻠﯩﻚ ﺗﻪﺳﯩﺮﻟﻪﺭﻧﻰ ﺋﯧﻠﯩﭗ ﻛﻪﻟﺪﻯ. ﺑﯘ ﻳﻪﺭﺩﻩ ﺋﺎﻻﮬﯩﺪﻩ ﻗﯩﻠﯩﭗ، << ﺳﯜﻥ ﺟﯩﮕﺎﯓ ﺋﻪﻧﺰﯨﺴﻰ >> ﯞﻩﻗﻪﺳﯩﻨﻰ ﺗﯩﻠﻐﺎ ﺋﯧﻠﯩﭗ ﺋﯚﺗﯜﺵ ﻣﯘﻣﻜﯩﻦ. ﻣﻪﺯﻛﯘﺭ ﯞﻩﻗﻪ ﺑﯩﯟﺍﺳﯩﺘﻪ ﮬﺎﻟﺪﺍ ﺗﯘﺗﯘﭖ ﺗﯘﺭﯗﭖ ﺗﻪﻛﺸﯜﺭﯛﺵ ﺗﯜﺯﯛﻣﯩﻨﯩﯔ ﺑﯩﻜﺎﺭ ﻗﯩﻠﯩﻨﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﺩﻯ. ﺋﻪﻣﻪﻟﯩﻴﻪﺗﺘﻪ ، ﺑﯘ ﺧﯩﻞ ﺗﯘﺗﯘﭖ ﺗﯘﺭﯗﭖ ﺗﻪﻛﺸﯜﺭﯛﺵ ﺗﯜﺯﯛﻣﯩﻨﯩﯔ ﺋﺎﺟﯩﺰﻟﯩﻘﻠﯩﺮﻯ ﯞﻩ ﺧﺎﺗﺎﻟﯩﻘﻠﯩﺮﻯ ﺋﯜﺳﺘﯩﺪﻩ ﺋﺎﺯ ﺑﻮﻟﻤﯩﻐﺎﻥ ﻣﯘﺗﻪﺧﻪﺳﺴﯩﺴﻠﻪﺭ ﺧﯧﻠﻰ ﺋﯩﻠﮕﯩﺮﯨﻼ ﺋﯚﺯ ﭘﯩﻜﯩﺮﻟﯩﺮﯨﻨﻰ ﺑﯧﺮﯨﭗ ﺋﯚﺗﻜﻪﻥ ﺋﯩﺪﻯ، ﻛﯚﭖ ﻳﯩﻠﻼﺭﺩﯨﻦ ﺑﯧﺮﻯ ﻧﯘﺭﯗﻏﯘﻧﻠﯩﻐﺎﻥ ﻛﯩﺸﯩﻠﻪﺭ ﺋﯘﺷﺒﯘ ﺗﯜﺯﯛﻣﻨﯩﯔ ﺳﻪﻟﺒﯩﻲ ﺗﻪﺳﯩﺮﯨﮕﻪ ﺋﯘﭼﺮﺍﭖ ﻛﻪﻟﮕﻪﻥ ﺋﯩﺪﻯ، ﺋﻪﻣﻤﺎ، ﺑﯘ ﺗﯜﺯﯛﻡ ﺗﺎﻛﻰ ﺷﯘ ﻗﯧﺘﯩﻤﻠﯩﻖ ﺗﻮﺭ ﺋﺎﺭﻗﯩﻠﯩﻖ ﺑﻮﻟﯘﻧﻐﺎﻥ ﺟﺎﻣﺎﺋﻪﺕ ﭘﯩﻜﺮﻯ ﯞﻩﻗﻪﺳﯩﮕﯩﭽﻪ ﻳﺎﺧﺸﻰ ﺑﯩﺮﺗﻪﺭﻩﭖ ﻗﯩﻠﯩﻨﻤﯩﻐﺎﻥ ﺋﯩﺪﻯ. ﺗﻮﺭﻧﯩﯔ ﺟﺎﻣﺎﺋﻪﺗﻨﻰ ﺋﯚﺯ ﭘﯩﻜﯩﺮﯨﻠﯩﻨﻰ ﻛﻪﯓ – ﻛﯘﺷﺎﺩﻩ ﺑﺎﻳﺎﻥ ﺋﻪﻳﻠﻪﺵ ﭘﯘﺭﺳﯩﺘﻰ ﺑﯩﻠﻪﻥ ﺗﻪﻣﯩﻦ ﺋﯧﺘﯩﺸﻰ ﻧﻪﺗﯩﺠﯩﺴﯩﺪﻩ ، ﻛﯚﭘﻠﯩﮕﻪﻥ ﺋﺎﻣﻤﺎ ، ﺑﯘ ﮬﻪﻗﺘﻪ ﺋﯚﺯﯨﻨﯩﯔ ﺗﻪﺧﯩﺮﺳﯩﺰ ﻗﺎﺭﺍﺷﻠﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﮬﯚﻛﯜﻣﻪﺗﻨﯩﯔ ﺑﯘ ﺗﯜﺯﯛﻣﻨﻰ ﺗﯧﺰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺷﯩﻐﺎ ﺑﯩﯟﺍﺳﯩﺘﻪ ﺳﻪﯞﻩﺏ ﺑﻮﻟﺪﻯ. ﻛﯚﺭﯛﯞﯦﻠﯩﺸﻘﺎ ﺑﻮﻟﯩﺪﯗﻛﻰ، ﺗﻮﺭ ﺋﺎﺭﻗﯩﻠﯩﻖ ﺋﯩﺸﻘﺎ ﺋﺎﺷﯩﺪﯨﻐﺎﻥ ﺟﺎﻣﺎﺋﻪﺕ ﭘﯩﻜﯩﺮﯨﺪﯨﻦ ﺋﯩﺒﺎﺭﻩﺕ ﺑﯘ ﻛﻮﻟﻠﯧﻜﺘﯩﭗ ﮬﻪﺭﯨﻜﻪﺗﻨﯩﯔ ﺟﻪﻣﺌﯩﻴﻪﺗﻨﻰ ﺗﻪﭘﺘﯩﺸﻠﻪﺵ ﯞﻩ ﺋﯚﺯﮔﻪﺭﺗﯩﺶ ﻳﻮﺷﯘﺭﯗﻥ ﻛﯜﭼﻰ ﺯﻭﺭﺩﯗﺭ. ﮔﻪﭖ ﺋﯘﻧﻰ ﻗﺎﻧﺪﺍﻕ ﺟﺎﺭﻯ ﻗﯩﻠﺪﯗﺭﯗﺷﺘﺎ ….

ﺗﻮﺭ ﺟﺎﻣﺎﺋﻪﺕ ﭘﯩﻜﺮﯨﻨﯩﯔ ﺋﯩﺠﺎﺑﯩﻲ ﺭﻭﻟﯩﻨﻰ ﺗﻮﻟﯘﻕ ﺟﺎﺭﻯ ﻗﯩﻠﺪﯗﺭﺷﺘﯩﻜﻰ ﻳﻪﻧﻪ ﺑﯩﺮ ﻣﯘﮬﯩﻢ ﻧﯘﻗﺘﺎ ﺷﯘﻛﻰ، ﺟﺎﻣﺎﺋﻪﺕ ﭘﯩﻜﺮﯨﻨﯩﯔ ﻣﻪﺭﻛﯩﺰﯨﺪﻩ ﺗﯘﺭﯨﯟﺍﺗﻘﺎﻥ ﺋﯘﺷﺒﯘ ﻣﻪﺳﯩﻠﯩﮕﻪ ﻣﯘﻧﺎﺳﯩﯟﻩﺗﻠﯩﻚ ﺷﻪﺧﺲ ﻳﺎﻛﻰ ﺗﺎﺭﻣﺎﻗﻨﯩﯔ ﺟﺎﻣﺎﺋﻪﺕ ﭘﯩﻜﯩﺮﯨﮕﻪ ﻗﺎﻧﭽﯩﻠﯩﻚ ﺩﻩﺭﯨﺠﯩﺪﻩ ﺋﯧﺘﯩﺒﺎﺭ ﺑﯧﺮﯨﺸﯩﺪﯗﺭ. ﺟﺎﻣﺎﺋﻪﺕ ﭘﯩﻜﺮﻯ ﻳﯧﺘﻪﺭﻟﯩﻚ ﺩﻩﺭﯨﺠﯩﺪﻩ ﺗﻮﭘﻼﻧﻐﺎﻥ، ﻣﻪﺯﻛﯘﺭ ﻣﯘﺋﻪﻣﻤﺎ ﮬﻪﻗﻘﯩﺪﯨﯩﻜﻰ ﻏﯘﻟﻐﯘﻻ ﺧﯧﻠﻰ ﻗﺎﻳﻨﯩﻐﺎﻥ ﺑﻮﻟﺴﯩﻤﯘ ﻳﻪﻧﯩﻼ ﺋﺎﻻﻗﯩﺪﺍﺭ ﺗﺎﺭﻣﺎﻕ ﻳﺎﻛﻰ ﺷﻪﺧﺴﻨﯩﯔ ﺋﯧﺘﯩﺒﺎﺭﯨﻐﺎ ﺋﯧﺮﯨﺸﻪﻟﻤﯩﺴﻪ ، ﺟﻪﻣﺌﯩﻴﻪﺗﺘﻪ ﺋﻪﻛﺲ ﺗﻪﺳﯩﺮ ﺋﯧﻠﯩﭗ ﻛﯧﻠﯩﺸﻰ، ﺷﻪﺧﺲ ﻳﺎﻛﻰ ﺗﺎﺭﻣﺎﻕ ﺟﺎﻣﺎﺋﻪﺗﻨﯩﯔ ﺑﺎﻏﺮﯨﺪﯨﻦ ﺋﺎﻳﺮﯨﻠﯩﭗ ﻗﯧﻠﯩﺸﻰ ، ﺷﯘﻧﯩﯔ ﺑﯩﻠﻪﻥ ﺋﺎﺭﯨﺪﯨﻜﻰ ﺋﺎﺭﯨﻠﯩﻖ ﺯﻭﺭﯨﻴﯩﭗ ﻛﯜﺗﻤﯩﮕﻪﻥ ﻳﯧﯖﻰ ﺯﯨﺪﺩﯨﻴﻪﺗﻠﻪﺭ ﻣﻪﻳﺪﺍﻧﻐﺎ ﭼﯩﻘﯩﺸﻰ ﻣﯘﻣﻜﯩﻦ. << ﺋﻪﺭﻛﯩﻦ ﭘﺎﻟﯟﺍﻥ >> ﯞﻩﻗﻪﺳﯩﺪﻩ ﻧﺎﺧﺸﯩﭽﯩﻤﯩﺰ ﺋﻪﺭﻛﯩﻦ ﺳﻪﻣﯩﻤﯩﻴﻠﯩﻚ ﺑﯩﻠﻪﻥ ﺟﺎﻣﺎﺋﻪﺗﻨﯩﯔ ﺗﻪﻧﻘﯩﺪﻯ ﭘﯩﻜﺮﯨﻨﻰ ﻗﻮﺑﯘﻝ ﻗﯩﻠﯩﭗ، ﻛﻪﺳﻜﯩﻦ ﻗﺎﺭﺍﺭ ﭼﯩﻘﯩﺮﯨﭗ، ﺗﻪﻳﻴﺎﺭ ﺑﻮﻟﻐﺎﻥ ﭘﯩﻼﺳﺘﯩﻨﻜﯩﻨﻰ ﺑﺎﺯﺍﺭﻏﺎ ﺳﯧﻠﯩﺸﺘﯩﻦ ﺗﻮﺧﺘﯩﺘﯩﭗ ﻗﺎﻟﺪﻯ، ﺷﯘ ﺋﺎﺭﻗﯩﻠﯩﻖ ﺟﺎﻣﺎﺋﻪﺗﻨﯩﯔ ﻗﻮﻟﻠﯩﺸﻰ ﯞﻩ ﮬﯚﺭﻣﯩﺘﯩﮕﻪ ﺳﺎﺯﺍﯞﻩﺭ ﺑﻮﻟﺪﻯ. ﺗﻮﺭ ﺋﺎﻣﻤﯩﺴﻰ  بىرقسىم نامى چىققان ئىلىم ئەھلى ، زەكىيلىرىمىز ﮬﻪﻗﻘﯩﺪﯨﻜﻰ ﻣﯘﻧﺎﺯﯨﺮﯨﻠﻪﺭﮔﻪ ﻗﺎﻧﭽﯩﻠﯩﻚ ﺋﯚﺯﻟﯩﺮﯨﻨﻰ ﺋﯘﺭﯗﺷﻤﯩﺴﯘﻥ ، ﺑﯘ  ﺯﺍﺗﻰ ﻣﯘﺑﺎﺭﻩكلەر ﺗﻮﺭ ﺋﺎﺭﻗﯩﻠﯩﻖ ﺋﯚﺯ ﺧﻪﻟﻘﻰ ﺑﯩﻠﻪﻥ ﻳﯜﺯمۇ – ﻳﯜﺯ ﺳﯚﮬﺒﻪﺗﻠﯩﺸﯩﺸﺘﯩﻦ ﻳﺎﻟﺘﺎﻳﺪﻯ، ﻣﯘﻧﺪﺍﻗﭽﻪ ﻗﯩﻠﯩﭗ ﺋﯧﻴﺘﻘﺎﻧﺪﺍ ﺟﺎﻣﺎﺋﻪﺕ ﭘﯩﻜﺮﯨﺪﯨﻦ ﺋﯚﺯﯨﻨﻰ ﺋﻪﭘﻘﺎﭼﺘﻰ، ﺷﯘﻧﯩﯔ ﺑﯩﻠﻪﻥ ﺗﯧﺨﯩﻤﯘ ﻛﯚﭖ ﻛﯩﺸﯩﻠﻪﺭﻧﯩﯔ ﻗﻪﻟﺒﯩﺪﯨﻜﻰ ﭼﯩﮕﯩﺸﻠﻪﺭ ، ﻗﺎﻳﯩﻞ ﺑﻮﻟﻤﺎﺳﻠﯩﻘﻼﺭ ﺋﺎﯞﯗﭖ ﻛﻪﺗﺘﻰ … ﺧﻪﻟﻘﻨﯩﯔ ﺧﻮﺟﺎﻳﯩﻨﻠﯩﻖ ﮬﻮﻗﯘﻗﻰ، ﺳﯚﺯ ﺋﻪﺭﻛﯩﻨﯩﻠﯩﻜﻰ، ﺩﯦﻤﯘﻛﺮﺍﺗﯩﻴﻪ ﻗﺎﺗﺎﺭﻟﯩﻖ ﺗﯜﺭﻟﯜﻙ ﭘﯘﻗﺮﺍﻟﯩﻖ ﮬﻮﻗﯘﻗﻠﯩﺮﯨﻨﻰ ﺗﻮﺭ ﺋﺎﺭﻗﯩﻠﯩﻖ ﺩﺍﺩﯨﻞ ﺋﯩﺸﻠﯩﺘﯩﭗ، ﺩﯙﻟﻪﺗﻨﯩﯔ ﺳﯩﻴﺎﺳﯩﻲ ﺋﯩﺸﻠﯩﺮﯨﻐﺎ ، ﮬﺎﻛﯩﻤﯩﻴﻪﺕ ﺋﯩﺸﻠﯩﺮﯨﻐﺎ ﻳﻪﻧﯩﻤﯘ ﺩﺍﺩﯨﻞ ﺋﺎﺭﯨﻠﯩﺸﺸﺘﻪﻙ ﺋﻪﮬﯟﺍﻟﻼﺭ ﺋﯩﭽﻜﯩﺮﻯ ﺋﯚﻟﻜﯩﻠﻪﺭﺩﯨﻜﻰ ﻛﯩﺸﯩﻠﻪﺭﺩﻩ ﺋﺎﺩﻩﺗﺘﯩﻜﻰ ﺩﺍﺋﯩﻤﻠﯩﻖ ﺋﯩﺸﻼﺭ ﺟﯜﻣﻠﯩﺴﯩﮕﻪ ﺋﺎﻳﻼﻧﻐﺎﻥ ﺑﻮﻟﺴﯩﻤﯘ، ﺭﺍﻳﻮﻧﯩﻤﯩﺰﺩﺍ ﺗﯧﺨﻰ ﺑﯘ ﮬﻪﻗﺘﯩﻜﻰ ﻣﯩﺴﺎﻟﻼﺭ ﻳﻮﻕ ﺩﯨﻴﻪﺭﻟﯩﻚ ، ﺑﻮﻟﯘﭘﻤﯘ ﺋﯘﻳﻐﯘﺭﻻﺭﺩﺍ ﺑﯘ ﮬﻪﻗﺘﯩﻜﻰ ﺋﯘﭼﯘﺭ ﻧﯚﻟﮕﻪ ﻳﯧﻘﯩﻨﻠﯩﺸﯩﺪﯗ. ﻣﻪﻟﯘﻡ ﺑﯩﺮ ﺋﻮﺭﯗﻧﻨﯩﯔ ﺗﯧﺨﻰ ﺋﯘﻳﻐﯘﺭ ﺗﻮﺭ ﺋﺎﻣﻤﯩﺴﯩﺪﯨﻦ ﻣﻪﻟﯘﻡ ﻣﻪﺳﯩﻠﻪ ﺋﯜﺳﺘﯩﺪﻩ ﺗﻮﺭ ﺋﺎﺭﻗﯩﻠﯩﻖ ﭘﯩﻜﯩﺮ ﺋﺎﻟﻐﯩﻨﯩﻨﻰ ﻛﯚﺭﻣﯩﺪﯗﻕ، ﻛﯚﺭﮔﯩﻨﯩﻤﯩﺰ ﭘﻪﻗﻪﺕ ﺗﯧﻠﻜﻮﻣﻨﯩﯔ ﺋﯩﻤﻼ ﺗﯜﺯﻩﺵ ﮬﻪﻗﻘﯩﺪﯨﻜﻰ ﭘﯩﻜﯩﺮ ﺗﻮﭘﻼﺵ ﺗﻪﻛﻠﯩﭙﻰ ﺧﺎﻻﺱ، ﺋﯘﻳﻐﯘﺭ ﺗﻮﺭ ﺋﺎﻣﻤﯩﺴﯩﻨﯩﯔ ﺋﺎﭘﺘﻮﻧﻮﻡ ﺭﺍﻳﻮﻧﻨﯩﯔ ﺗﯜﺭﻟﯜﻙ ﺧﯩﺰﻣﻪﺗﻠﯩﺮﻯ ﮬﻪﻗﻘﯩﺪﯨﻜﻰ ﭘﯩﻜﯩﺮ – ﻗﺎﺭﺍﺷﻠﯩﺮﯨﻨﻰ ﺗﻮﺭ ﻳﯜﺯﯨﺪﻩ ﺑﺎﻳﺎﻥ ﻗﯩﻠﻐﺎﻧﻠﯩﻘﻰ ﻳﺎﻛﻰ ﺩﯨﻴﺎﺭﯨﻤﯩﺰﺩﯨﻜﻰ ﻣﯘﻧﺎﺳﯩﯟﻩﺗﻠﯩﻚ ﺗﺎﺭﻣﺎﻗﻼﺭﻧﯩﯔ ﺑﯘ ﭘﯩﻜﯩﺮﻟﻪﺭﮔﻪ ﻗﺎﻧﺪﺍﻕ ﭘﻮﺯﯨﺘﯩﺴﯩﻴﯩﺪﻩ ﺑﻮﻟﻐﺎﻧﻠﯩﻘﻰ ﮬﻪﻗﻘﯩﺪﻩ ، ﺧﯘﺳﯘﺳﻪﻥ ﻛﻪﻣﯩﻨﯩﻨﯩﯔ ﺋﯩﮕﯩﻠﯩﮕﻪﻥ ﺋﯘﭼﯘﺭﻯ ﻳﻮﻕ ﺩﯦﻴﻪﺭﻟﯩﻚ. ﻛﯚﺭﯛﻧﯜﭖ ﺗﯘﺭﯗﭘﺘﯩﻜﻰ ، ﺗﻮﺭ ﺟﺎﻣﺎﺋﻪﺕ ﭘﯩﻜﺮﻯ ﮬﻪﻗﻘﯩﺪﻩ ، ﺗﻮﺭ ﺋﺎﻣﻤﯩﺴﻰ ﺋﯚﺯﯨﻨﯩﯔ ﺋﺎﺳﺎﺳﯩﻲ ﻗﺎﻧﯘﻥ ﺑﻪﺭﮔﻪﻥ ﮬﻮﻗﯘﻗﻨﻰ ﺗﻮﻧﯘﭖ ﻳﯧﯩﺘﯩﺸﻰ ﯞﻩ ﺋﯘﻧﻰ ﺗﻮﺭ ﺋﺎﺭﻗﯩﻠﯩﻖ ﺗﯧﺨﯩﻤﯘ ﺩﺍﺩﯨﻞ ﺋﯩﺸﻠﯩﺘﯩﺸﻰ ﻛﯧﺮﻩﻛﻠﯩﻜﯩﺪﯨﻦ ﺑﺎﺷﻘﺎ، ﻳﻪﻧﻪ ﻣﯘﻧﺎﺳﯩﯟﻩﺗﻠﯩﻚ ﮬﯚﻛﯜﻣﻪﺕ ﺗﺎﺭﻣﺎﻗﻠﯩﺮﯨﻤﯘ ﺗﻮﺭﺩﯨﻦ ﺋﯩﺒﺎﺭﻩﺕ ﺑﯘ ﺋﯘﭼﯘﺭ ﺳﻪﮬﻨﯩﺴﯩﻨﯩﯔ ﺧﻪﻟﻖ ﺑﯩﻠﻪﻥ ﮬﯚﻛﯜﻣﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﻛﯚﯞﺭﯛﻛﻠﯜﻙ ﺭﻭﻟﯩﻨﻰ ﺗﻮﻏﺮﺍ ﺗﻮﻧﯘﭖ ﻳﯧﺘﯩﺸﻰ ﻛﯧﺮﻩﻙ. ﺗﻮﺭ ﻳﯜﺯﯨﺪﻩ ﺑﻮﻟﯩﯟﺍﺗﻘﺎﻥ ﭘﯩﻜﯩﺮ – ﻣﯘﻻﮬﺰﯨﻠﻪﺭﮔﻪ ﻳﯧﻘﯩﻨﺪﯨﻦ ﻗﯘﻻﻕ ﺳﯧﻠﯩﺸﻰ ، ﻣﯘﯞﺍﭘﯩﻖ ﭘﯩﻜﯩﺮ – ﺗﻪﻛﻠﯩﭙﻠﻪﺭﻧﻰ ﯞﺍﻗﺘﯩﺪﺍ ﻗﻮﺑﯘﻝ ﻗﯩﻠﯩﭗ، ﺧﯩﺰﻣﻪﺗﻠﻪﺭﻧﯩﯔ ﺋﯜﻧﯜﻣﯩﻨﻰ ﺗﯧﺨﯩﻤﯘ ﻳﯘﻗﯩﺮﻯ ﻛﯚﺗﯜﺭﯛﺵ ﺋﯜﭼﯜﻥ ﺗﯩﺮﯨﺸﯩﺶ ﻛﯧﺮﻩﻙ.

ﺋﻪﻣﺪﻯ ﺑﯩﺰ ﻣﻪﺭﻛﻪﺯ ﺭﻩﮬﺒﻪﺭﻟﯩﺮﯨﻨﯩﯔ ﺗﻮﺭ ﺟﺎﻣﺎﺋﻪﺕ ﭘﯩﻜﺮﯨﮕﻪ ﺑﻮﻟﻐﺎﻥ ﻗﺎﺭﯨﺸﻰ ﮬﻪﻗﻘﯩﺪﻩ ﻗﯩﺴﻘﯩﭽﻪ ﺗﻮﺧﺘﯩﻠﯩﭗ ﺋﯚﺗﻪﻳﻠﻰ .

ﻧﻮﭘﯘﺯﻟﯘﻕ ﺋﻮﺭﯗﻧﻼﺭﻧﻰ ﺳﺘﺎﺗﯩﺴﺘﯩﻜﯩﻠﯩﻖ ﻣﻪﻟﯘﻣﺎﺗﯩﺪﯨﻦ ﻛﯚﺭﻩ، ﺟﯘﯕﮕﻮﺩﯨﻜﻰ ﺗﻮﺭ ﺋﺎﻣﻤﯩﺴﻰ 100 ﻣﯩﻠﻴﯘﻧﻠﯘﻕ ﺋﯚﺗﻜﻪﻟﺪﯨﻦ ﺑﯚﺳﯜﭖ ﺋﯚﺗﯜﭖ ﺑﯘ ﻳﯩﻞ 111 ﻣﯩﻠﻴﯘﻧﻐﺎ ﻳﯧﺘﯩﭗ، ﺩﯗﻧﻴﺎﺩﯨﻜﻰ ﺗﻮﺭ ﺋﺎﻣﻤﯩﺴﯩﻨﯩﯔ 11 ﭘﯩﺮﺳﻪﻧﺘﯩﻨﻰ ﺋﯩﮕﯩﻠﯩﮕﻪﻥ، ﺗﻮﺭﺩﯨﻦ ﺋﯩﺒﺎﺭﻩﺕ ﺑﯘ ﺋﯘﭼﯘﺭ ﺳﯘﭘﯩﺴﻰ ﺧﻪﻟﻘﻨﻰ ﺗﯧﺨﯩﻤﯘ ﻗﻮﻻﻱ ﺑﻮﻟﻐﺎﻥ ﺋﯩﺠﺘﯩﻤﺎﺋﯩﻲ ﯞﻩ ﺋﯩﻘﺘﯩﺴﺎﺩﯨﻲ ﺋﯩﺸﻼﺭﻏﺎ ﺋﺎﺭﯨﻠﯩﺸﯩﺶ، ﻗﺎﺭﺍﺷﻠﯩﺮﯨﻨﻰ ﺑﺎﻳﺎﻥ ﻗﯩﻠﯩﺶ – ﺳﯚﺯ ﻗﯩﻠﯩﺶ ﭘﯘﺭﺳﯩﺘﻰ ﺑﯩﻠﻪﻥ ﺗﻪﻣﯩﻦ ﺋﯧﺘﯩﭗ، ﺟﺎﻣﺎﺋﻪﺕ ﭘﯩﻜﯩﺮﯨﻨﯩﯔ ﮬﺎﺯﯨﺮﻟﯩﻨﯩﺸﯩﺪﺍ ﺗﯧﺨﯩﻤﯘ ﺗﯧﺰ ﯞﻩ ﻗﯘﻻﻳﻠﯩﻖ ﺑﻮﻟﻐﺎﻥ ﺑﯩﺮ ﺳﻪﮬﻨﻪ ﺑﯩﻠﻪﻥ ﺗﻪﻣﯩﻦ ﺋﻪﺗﻜﻪﻥ. ﺗﻮﺭﻧﯩﯔ ﺟﺎﻣﺎﺋﻪﺕ ﭘﯩﻜﺮﯨﻨﯩﯔ ﺑﺎﺭﻟﯩﻘﻘﺎ ﻛﯧﻠﯩﺶ، ﺭﺍﯞﺍﺟﻠﯩﻨﯩﺶ ﺳﻮﺭﯗﻧﻰ ﺑﻮﻟﯘﺷﺘﻪﻙ ﺋﺎﻻﮬﯩﺪﯨﻠﯩﻜﻰ ﺑﺎﺭﻏﺎﻧﺴﯧﺮﻯ ﺟﯘﯕﻨﻪﻧﺨﻪﻳﺪﯨﻜﻰ ﻳﯘﻗﯩﺮﻯ ﻗﺎﺗﺎﻻﻡ ﺭﻩﮬﺒﻪﺭﻟﻪﺭﻧﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﯩﻐﺎﻥ.

ئەلباش خۇ جىنتاۋ  بۇ يىل 6- ئاينىڭ 2 – كۈنى چۈشتىن بۇرۇن خەلق تورى دۆلەتنى قۇدرەت تاپقۇزۇش مۇنبىرى ( 强国论坛 ) ئارقىلىق تورداشلار بىلەن سۆھبەتتە بولىدۇ. بۇ جەرياندا، ئۇ ئوتئەجدەر ئاتلىق تورداشنىڭ << خۇ ئەلباش تورداشلار تور ئارقىلىق سۇنغان تەكلىپ – پىكىرلەرنى  كۆرەلەمسىز ؟ >>  دېگەن سۇئالغا جاۋاب بېرىپ مۇنداق دېدى : << مەن دائىم تورغا چىقىپ تۇرىمەن. بىرى مەملىكەت ۋە خەلقئارا خەۋەرلەرنى كۆرۈپ تۇرىمەن، ئىككىنچىدىن ، تور ئارقىلىق تور ئاممىسىنىڭ ئەھۋالىنى ئىگىلەپ، ئۇلار كۆڭۈل بۆلىدىغان مەسىلىلەر ، ئۇلارنىڭ كۆز قاراشلىرىنى چۈشىنىمەن، ئۈچىنچىدىن، تور ئاممىسىنىڭ پارتىيە ۋە ھۆكۈمەت خىزمىتىگە قارىتا قانداق تەكلىپ – پىكىرلىرى بارلىقىنى ئىگىلەيمەن >> .
يەنە بىر تورداشنىڭ << سىز ئادەتتە قايسى تورلارنى كۆرۈپ تورىسىز ؟ >> دېگەن سۇئالىغا مۇنداق دەپ جاۋاب بېرىدۇ: << مېنىڭ خىزمىتىم ئادەتتە ئالدىراش بولسىمۇ ، ھەر كۈنى تور ئارىلىيالمىساممۇ، ئەمما ئىمكانقەدەر ۋاقىت چىقىرىپ تورغا چىقىپ تۇرىمەن. ئالاھىدە تىلغا ئېلىپ ئۆتىدىغىنىم شۇكى، << دۆلەتنى قۇدرەت تاپقۇزۇش مۇنبىرى >> مەن دائىم چوقۇم كۆرۈدىغان توردۇر.
سۆھبەت جەريانىدا ئۇ يەنە مۇنداق دەيدۇ: << تورداشلار ئوتتۇرىغا قويغان تەكلىپ – پىكىرلەرگە بىز ئىنتايىن ئەھمىيەت بېرىمىز. بىز ئادەمنى ئاساس قىلىشنى تەكىتلەيمىز، خەلق ئۈچۈن ھاكىمىيەت يۈرگۈزىمىز. شۇڭلاشقا ، ئىش قىلغاندا، تەدبىر بەلگىلىگەندە،  خەلق ئاممىسىنىڭ پىكرىنى – ساداسىنى تىڭشاش، خەلقنىڭ ئەقىل – پاراسىتىنى جەملەش كېرەك.  بۇنىڭدا  تور ئارقىلىق ئاۋامىنىڭ ھالىنى چۈشىنىش، خەلقنىڭ ئەقىل – پاراسىتىنى جۇغلاشمۇ مۇھىم يولدۇر. >>.

ﺯﯗﯕﻠﻰ ( ئىشباش ) ﯞﯦﻦ ﺟﻴﺎﺑﺎﯞ ﻣﻪﻣﯩﻠﯩﻜﻪﺕ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ، ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﯩﺪﺍ ، ﺗﻮﺭﻧﯩﯔ ﺋﺎﻣﻤﯩﻨﯩﯔ ﭘﯩﻜﯩﺮﯨﻨﻰ ﮬﯚﻛﯜﻣﻪﺗﻜﻪ ﻳﻪﺗﻜﯜﺯﯛﺷﺘﯩﻜﻰ ﺑﯩﯟﺍﺳﯩﺘﯩﻠﯩﻖ ﺭﻭﻟﯩﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﺗﻮﻟﯘﻕ ﻣﯘﺋﻪﻳﻴﻪﻧﻠﻪﺷﺘﯜﺭﮔﻪﻥ. ﺋﯘ ﺋﻮﭼﯘﻕ ﻗﯩﻠﯩﭗ، << ﺋﯩﻜﻜﻰ ﻳﯩﻐﯩﻦ ﺋﯩﺰﭼﯩﻞ ﺗﯜﺭﺩﻩ ﺋﺎﻣﻤﯩﻨﯩﯔ ﻳﯜﻛﺴﻪﻙ ﺩﻩﺭﯨﺠﯩﺪﯨﻜﻰ ﺩﯨﻘﻘﻪﺕ – ﺋﯧﺘﯩﺒﺎﺭﯨﻨﻰ ﻗﻮﺯﻏﺎﭖ ﻛﻪﻟﺪﻯ، ﺗﻮﻟﯘﻕ ﺑﻮﻟﻤﯩﻐﺎﻥ ﺳﯩﺘﺎﺗﯩﺴﺘﯩﻜﯩﻐﺎ ﺋﺎﺳﺎﺳﻼﻧﻐﺎﻧﺪﺍ، ﺧﻪﻟﻖ ﺗﻮﺭﻯ، ﺷﻨﻼﯓ ﺗﻮﺭﻯ، ﺳﻮﺧﯘ ﺗﻮﺭﻯ، ﻣﻪﺭﻛﯩﺰﯨﻲ ﺗﯧﻠﯩﯟﯨﺰﯨﻴﻪ ﺧﻪﻟﻘﺌﺎﺭﺍﻟﯩﻖ ﺗﻮﺭﻯ ﻗﺎﺗﺎﺭﻟﯩﻖ ﺗﻮﺭﻻﺭ ﺋﺎﺭﻗﯩﻠﯩﻖ ﮬﯚﻛﯜﻣﻪﺕ ﺧﯩﺰﻣﯩﺘﯩﮕﻪ ﺑﯧﺮﯨﻠﯩﮕﻪﻥ ﺗﻪﻛﻠﯩﭗ ﭘﯩﻜﯩﺮﻟﻪﺭ ﻧﻪﭼﭽﻪ ﺋﻮﻧﻤﯩﯖﻐﺎ ﻳﻪﺗﻜﻪﻥ. ﻣﻪﻥ ﺋﺎﻣﻤﯩﻨﯩﯔ ﭘﯩﻜﯩﺮﻟﯩﺮﯨﺪﯨﻦ ﺧﻪﻟﻘﻨﯩﯔ ﮬﯚﻛﯜﻣﻪﺕ ﺧﯩﺰﻣﯩﺘﯩﮕﻪ ﺑﻮﻟﻐﺎﻥ ﺋﯩﻨﺘﯩﺰﺍﺭﻟﯩﻖ ، ﺋﯘﻧﯩﯖﺪﯨﻦ ﻛﯜﺗﯩﯟﺍﺗﻘﺎﻥ ﺋﯜﻣﯩﺪﻯ ﯞﻩ ﻗﺎﻣﭽﯩﺴﯩﻨﻰ ﻛﯚﺭﮔﻪﻧﺪﻩﻙ ﺑﻮﻟﺪﯗﻡ، ﺷﯘﻧﺪﺍﻗﻼ ، ﺑﯩﺮ ﺧﯩﻞ ﺋﯩﺸﻪﻧﭻ ﯞﻩ ﻛﯜﭼﻨﻰ ﻛﯚﺭﺩﯛﻡ … >>
ﺑﯘﻧﯩﯖﻐﺎ ﻗﺎﺭﯨﺘﺎ ﺗﻮﺭﺩﺍﺷﻼﺭ ﻣﯘﮬﺎﻛﯩﻤﻪ ﻗﯩﻠﯩﭗ: << ﻛﯚﺭﯛﯞﯦﻠﯩﺸﻘﺎ ﺑﻮﻟﯩﺪﯗﻛﻰ ، ﺯﯗﯕﻠﻰ ﺗﻮﺭﻧﻰ ﺗﻮﻟﯘﻕ ﭼﯜﺷﯩﻨﯩﺪﯨﻜﻪﻥ، ﺩﺍﺋﯩﻢ ﺗﻮﺭﻏﺎ ﭼﯩﻘﯩﭗ ﺗﯘﺭﯨﺪﯨﻜﻪﻥ. ﺗﻮﺭ ﺟﯘﯕﮕﻮ ﺩﯦﻤﯘﻛﺮﺍﺗﯩﻴﻪ ﺳﯩﻴﺎﺳﯩﻲ ﺗﻪﺭﻩﻗﻘﯩﻴﺎﺗﯩﻨﻰ ﻳﯧﯖﻰ ﺗﻪﺭﻩﻗﻘﯩﻴﺎﺕ ﭘﯘﺭﺳﯩﺘﻰ ﺑﯩﻠﻪﻥ ﺗﻪﻣﯩﻦ ﺋﻪﺗﺘﻰ ، ﭘﺎﺭﺗﻴﯩﻤﯩﺰﻧﯩﯔ ﺳﯩﻴﺎﺳﯩﻲ ﺋﻪﻗﯩﻞ ﭘﺎﺭﺍﺳﯩﺘﻰ ﯞﻩ ﮬﺎﻛﯩﻤﻠﯩﻖ ﭘﺎﺭﺍﺳﯩﺘﻰ ( ﮬﺎﻛﯩﻤﯩﻴﻪﺕ ﻳﯜﺭﮔﯜﺯﯛﺵ ﭘﺎﺭﺍﺳﯩﺘﻰ ) ﺩﻩﻝ ﻣﺎﻧﺎ ﻣﯘﺷﯘﻧﺪﺍﻕ ﺗﻮﺧﺘﯩﻤﺎﻱ ﺋﯚﮔﯩﻨﯩﺶ ﯞﻩ ﺋﯚﮔﯩﻨﯩﺸﻜﻪ ﻣﺎﮬﯩﺮ ﺑﻮﻟﯘﺷﺘﺎ، ﺩﻩﯞﺭ ﺑﯩﻠﻪﻥ ﺗﻪﯓ ﺋﯩﻠﮕﯩﺮﯨﻠﻪﭖ، ﮬﻪﻗﯩﻘﻪﺗﻨﻰ ﺋﻪﻣﻪﻟﯩﻴﻪﺗﺘﯩﻦ ﺋﯩﺰﺩﻩﺵ ﺭﻭﮬﯩﺪﺍ ﺋﯩﭙﺎﺩﯨﻠﯩﻨﯩﺪﯗ. >> << ﺯﯗﯕﻠﯩﻨﯩﯔ ﺋﻮﭼﯘﻗﻠﯩﻤﯩﺴﻰ ﺋﯩﻠﯩﻤﯩﺰ ﻳﯘﻗﯩﺮﻯ ﻗﺎﺗﻼﻡ ﺭﻩﮬﺒﻪﺭﻟﯩﺮﯨﻨﯩﯔ ﺗﻮﺭ ﺟﺎﻣﺎﺋﻪﺕ ﭘﯩﻜﺮﯨﮕﻪ ﺋﻪﮬﻤﯩﻴﻪﺕ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﭗ ﺑﻪﺭﺩﻯ، ﺑﯘ ﺋﻪﻟﯟﻩﺗﺘﻪ ﻧﺎﮬﺎﻳﯩﺘﻰ ﻳﺎﺧﺸﻰ ﺋﻪﮬﯟﺍﻝ! ﺑﯘ ﺟﯘﯕﻨﻪﻧﺨﻪﻳﻨﯩﯔ ﺗﻮﺭ ﺋﺎﺭﻗﯩﻠﯩﻖ ﺩﯦﻤﻜﯘﺭﺍﺗﯩﻴﯩﻨﻰ ﺋﯩﻠﮕﯩﺮﻯ ﺳﯜﺭﯛﺩﯨﻐﺎﻧﻠﯩﻘﻰ، ﺋﺎﻣﻤﯩﻨﯩﯔ ﺋﻪﮬﯟﺍﻟﯩﻨﻰ ﻳﯘﻗﯩﺮﯨﻐﺎ ﻳﻪﺗﻜﯜﺯﺵ، ﺋﺎﯞﺍﻡ ﺭﺍﻳﻰ ، ﺟﺎﻣﺎﺋﻪﺕ ﭘﯩﻜﺮﯨﻨﯩﯔ ﺋﯚﺯ – ﺋﺎﺭﺍ ﺗﻪﺳﯩﺮﻟﯩﺸﯩﺸﻨﯩﯔ ﻳﯧﯖﻰ ﺗﺎﺭﯨﺨﻲ ﺩﻩﯞﺭﻯ ﻳﯧﺘﯩﭗ ﻛﻪﻟﮕﻪﻧﻠﯩﻜﯩﺪﯨﻦ ﺩﯦﺮﻩﻙ ﺑﯧﺮﯨﺪﯗ … >> ﺩﯦﻴﯩﺸﺘﻰ.

ئۇلارنىڭ تور ھەققىدە ئېيتقانلىرى گەرچە تولىمۇ قىسقا بولسىمۇ ، خۇ ئەلباشنىڭ ئاتايىن ۋاقىت چىقىرىپ تورداشلار بىلەن ئۈلپەت – ئەسرارلىشىشى، ۋىن جىياباۋنىڭ ئەستايىدىل جاۋابلىرى دۆلەت ئاتىسى ۋە ئىشباشىنىڭ تور ۋە تور ئاممىسىغا ئالاھىدە كۆڭۈل بۆلىدىغانلىقىنى، تور ئاممىسىنىڭ قەلىب تىۋىشىغا زەڭ سالىدىغانلىقىنى نامايەن قىلىپ بەردى. بۇ  بىزگە ئوخشاش كەڭ تورداشلارغا زور ئىلھام بېغىشلايدۇ ئەلۋەتتە.