HTC سۇلياۋ نۇسخىدىكى M8 Ace يانفونى چىقىرىدۇ

سىنا پەن-تېخنىكىسىنىڭ 30-ئاپرېل خەۋىرى: بۇرۇن، سامسۇڭ قاتارلىق شىركەتلەرنىڭ يانفونىدا سۇلياۋ ئىشلىتىلىشى HTC نىڭ ئىزچىل مەسخىرە قىلىدىغان ئوبيېكتى بولۇپ كەلگەن ئىدى، بىراق يېقىنقى ئۇچۇرلاردا دېيىلىشىچە، پەقەت مېتال سىرتقى قاپ لايىھىسى ئىشلىتىدىغان بۇ تەيۋەن شىركىتىمۇ سۇلياۋ قاپلىق يانفون چىقىرىدىكەن.

Evleaks نىڭ ئاشكارلىشىغا ئاساسلانغاندا، HTC شىركىتى Butterfly ئىشلەپچىقىرىش لىنىيىسىدە ئۆزى تۆۋەن دەرىجىلىك دەپ قارايدىغان لايىھىنى ئىشلەتمەيدىكەن، سۇلياۋ قاپ يېڭى يانفونى HTC M8 Ace دا ئىشلىتىلىدىكەن.  بۇ خىلدىكى يانفونغا سۇلياۋ بىرگەۋدىلەشكەن سىرتقى قاپ لايىھىسى قوللىنىدىغان بولۇپ، ئەسلىدىكى ئاليۇمىن قېتىشمىلىك ماتېرىيالنىڭ ئورنىنى ئالىدىكەن. قىزىقارلىق بولغىنى M8 Ace نىڭ قاتتىق دېتال سەپلىمىسى سامسۇڭ Galaxy S5 بىلەن پۈتۈنلەي بىردەك ئىكەن: 5 دىيۇملۇق 1080p ئېكران، كۋولكوم 4 يادرولۇق 2.5GHz سنەپجراگون801 بىر تەرەپ قىلغۇچى سەپلەنگەن.

بۇنىڭدىن سىرت، M8 Ace يانفونىدا M8 يانفونىدىكى كامېرا بار. M8 Ace نىڭ سېتىلىش باھاسى تېخىمۇ تۆۋەن بولۇپ، پەقەت 3000 يۈەن خەلق پۇلى بولىدىكەن، بۇ سامسۇڭ Galaxy S5 غا غايەت زور تەھدىت پەيدا قىلىشى مۇمكىن.

تەرجىمان: ئوكيان