ئۈرۈمچى كەچلىك گېزىتى خەۋىرى:
تېببىي ساھەدىكى ئالىملار تەتقىق قىلىش ئارقىلىق ئۇزاق ۋاقىت ئۆيدە ئولتۇرۇپ سىرتقا ناھايىتى كەم چىقىدىغان كىشىلەرنىڭ تېنىدە ۋىتامىن D كەمچىل بولىدىغانلىقىنى بايقىدى. ئۇنىڭ ئىپادىسى-تەن زەئىپلىشىش، سۆڭەك شالاڭلىشىش ئىكەن.
ئۇلارنىڭ قارىشىچە، ياشانغانلار ئادەتتە تەركىبىدە ۋىتامىنD مول بولغان كالا سۈتى، ھايۋانات جىگىرى، تۇخۇم سېرىقى قاتارلىق يېمەكلىكلەرنى ئىستېمال قىلىپش ۋىتامىن D نى تولۇقلاپ تۇرسىمۇ، بۇ كۆپ ھاللاردا تەننىڭ ۋىتامىن D غا بولغان ئېھتىياجىنى تولۇق قاندۇرۇپ كېتەلمەيدىكەن، پەقەت قۇياش نۇرى تەركىبىدىكى ئۇلترا بىنەپشە نۇرلا ئادەم تېنىنىڭ ۋىتامىن D غا بولغان ئېھتىياجنى تولۇقلاپ كېتەلەيدىكەن. شۇڭا، ياشانغانلار قىش پەسلىدە پات-پات سىرتقا چىقىپ ئاپتاپقا قاقلىنىپ بېرىشى كېرەك ئىكەن.
