ئىختىيارىي مۇخبىرلىرىمىز نىياز راھمان، ئىسكەندەر خېلىل خەۋىرى: بۇ يىل كىرگەندىن بۇيان، كۇچا ناھىيەلىك ئەدلىيە ئىدارىسى ساقساق كوچا باشقارمىسى ياردەم، تەربىيە بېرىپ باشقۇرۇش، ئورۇنلاشتۇرۇش خىزمىتىنى چىڭ تۇتۇپ ئىشلەپ، بەش يىل ئىچىدىكى جازا مۇددىتى توشۇپ قويۇپ بېرىلگەن، ئەمگەك بىلەن تەربىيەلەشتىن بوشىتىلغان 63نەپەر خادىمنىڭ ئائىلىسىگىچە بېرىپ يۈزتۇرانە تەربىيە ئېلىپ بېرىپ، تەكتىنى ئېنىقلاش ئارقىلىق ئۇلارنىڭ ئەمەلىي قىيىنچىلىقىغا ئاساسەن 48 نەپەر ئادەمنى ئىشقا تونۇشتۇردى. شەرتكە ئۇيغۇن كېلىدىغان بەش نەپەر ئادەمگە ئەرزان ئىجارىلىك ئۆي ھەل قىلىپ بەردى. 26 نەپەر خادىمنى تۆۋەن تۇرمۇش كاپالەت پۇلىدىن بەھرىمەن قىلىپ، خادىملارنىڭ ياردەم، تەربىيە بېرىپ باشقۇرۇش، ئورۇنلاشتۇرۇش ئارقىلىق ئۆزگىرىشىنى ئىلگىرى سۈردى.