(1) ﺋﻮﺭﯗﻧﻨﻰ ﺋﯘﯞﯗﻻﺵ
ﺑﺎﺷﻨﻰ ﺋﯘﯞﯗﻻﺵ. ﺋﯩﻜﻜﻰ ﻗﻮﻟﻨﯩﯔ ﺑﺎﺵ ﺑﺎﺭﻣﯩﻘﯩﻨﯩﯔ ﺋﺎﺳﺘﯩﺪﯨﻜﻰ ﭼﻮﯓ-ﻛﯩﭽﯩﻚ ﻣﯘﺳﻜﯘﻝ (ﻳﯜﻳﺠﻰ ﭘﻪﻟﻠﯩﺴﻰ) ﺑﯩﻠﻪﻥ ﺑﺎﺷﻨﯩﯔ ﺋﯩﻜﻜﻰ ﻳﯧﻨﻰ ﺗﻪﻳﻴﺎﯓ ﭘﻪﻟﻠﯩﺴﻰ (ﭼﯧﻜﻪ) ﺩﯨﻦ ﻓﯧﯖﭽﻰ ﭘﻪﻟﻠﯩﺴﯩﮕﯩﭽﻪ ﺋﯘﯞﯗﻟﯩﻨﯩﺪﯗ. ﺋﺎﻧﺪﯨﻦ ﻛﯧﻴﯩﻦ ﺋﯩﻜﻜﻰ ﻗﻮﻟﻨﯩﯔ ﺑﺎﺵ ﺑﺎﺭﻣﺎﻕ ﺋﯘﭼﻰ ﺑﯩﻠﻪﻥ ﻓﯧﯖﭽﻰ ﭘﻪﻟﻠﯩﺴﯩﻨﻰ ﺋﯘﯞﯗﻻﭖ، ﻛﯜﭼﻠﯜﻙ ﺋﯧﭽﯩﺸﯩﭗ ﭼﯩﯖﻘﯩﻠﯩﺶ ﺳﯧﺰﯨﻤﻰ ﺑﻮﻟﯘﺵ ﺋﯚﻟﭽﻪﻡ ﻗﯩﻠﯩﻨﯩﺪﯗ.
ﻗﻮﺭﺳﺎﻗﻨﻰ ﺋﯘﯞﯗﻻﺵ. ﺋﺎﻟﯩﻘﺎﻧﻨﻰ ﻛﯩﻨﺪﯨﻚ ﺋﯜﺳﺘﯩﮕﻪ ﻗﻮﻳﯘﭖ، ﻳﻪﻧﻪ ﺑﯩﺮ ﻗﻮﻟﻨﯩﯔ ﺋﺎﻟﻘﯩﻨﻰ ﺑﯩﻠﻪﻥ ﺋﯘﻧﯩﯔ ﺋﯜﺳﺘﯩﮕﻪ ﺑﯧﺴﯩﻠﯩﺪﯗ. ﺋﺎﻟﺪﯨﺪﺍ ﻗﻮﺭﺳﺎﻕ ﻗﯩﺴﻤﻰ ﺳﺎﺋﻪﺕ ﺋﯩﺴﺘﺮﯦﻠﻜﯩﺴﻰ ﻳﯚﻧﯩﻠﯩﺸﻰ ﺑﻮﻳﯩﭽﻪ ﺋﺎﺳﺘﺎ ﯞﻩ ﺗﻪﻛﺸﻰ ﺋﯜﭺ ﻣﯩﻨﯘﺕ ﺋﯘﯞﯗﻟﯩﻨﯩﺪﯗ، ﺋﺎﻧﺪﯨﻦ ﻛﯧﻴﯩﻦ ﺳﺎﺋﻪﺕ ﺋﯩﺴﺘﺮﯦﻠﻜﯩﺴﻰ ﻳﯚﻧﯩﻠﯩﺸﯩﮕﻪ ﻗﺎﺭﺷﻰ ﻳﯚﻧﯩﻠﯩﺸﺘﻪ ﺋﯜﭺ ﻣﯩﻨﯘﺕ ﺋﯘﯞﯗﻟﯩﻨﯩﺪﯗ. ﻣﻪﺷﻐﯘﻻﺕ ﯞﺍﻗﺘﯩﻨﻰ ﺋﯚﺯﯨﻨﯩﯔ ﺋﻪﮪﯟﺍﻟﯩﻐﺎ ﻗﺎﺭﺍﭖ ﻣﯘﯞﺍﭘﯩﻖ ﺋﯘﺯﺍﺭﺗﯩﺸﻘﺎ ﺑﻮﻟﯩﺪﯗ. ﺋﯘﯞﯗﻟﯩﻐﺎﻧﺪﯨﻦ ﻛﯧﻴﯩﻦ ﻗﻮﺭﺳﺎﻕ ﻗﯩﺴﻤﻰ ﺳﻪﻝ ﻗﯩﺰﯨﺴﺎ ﻳﺎﺧﺸﻰ ﺑﻮﻟﯩﺪﯗ.

ﺋﯩﻜﻜﻰ ﻗﻮﻟﻨﻰ ﺋﯘﯞﯗﻻﺵ. ﺋﻮﯓ ﻗﻮﻝ ﺑﯩﻠﻪﻥ ﺳﻮﻝ ﻣﯜﺭﻩ ﻗﯩﺴﻤﯩﺪﯨﻦ ﺑﺎﺷﻼﭖ ﺳﻮﻝ ﻗﻮﻟﻨﯩﯔ ﺩﯛﻣﺒﯩﺴﯩﮕﯩﭽﻪ ﺋﯘﯞﯗﻻﭖ ﺳﻪﻛﻜﯩﺰ ﻗﯧﺘﯩﻢ ﺗﻪﻛﺮﺍﺭﻻﻳﺪﯗ. ﺋﻮﯓ ﻗﻮﻟﻨﻰ ﺋﯘﯞﯗﻻﺵ ﺋﯘﺳﯘﻟﻰ ﻳﯘﻗﯩﺮﯨﺪﯨﻜﯩﮕﻪ ﺋﻮﺧﺸﺎﺵ.
ﺋﯩﻜﻜﻰ ﭘﯘﺗﻨﻰ ﺋﯘﯞﯗﻻﺵ. ﺳﻮﻝ ﺗﻪﺭﻩﭖ ﭘﯘﺗﯩﻨﯩﯔ ﺗﯜﯞﻯ ﻗﯩﺴﻤﯩﻨﻰ ﺋﯩﻜﻜﻰ ﻗﻮﻝ ﺑﯩﻠﻪﻥ ﺗﯘﺗﯘﭖ، ﺋﯩﻜﻜﻰ ﻳﻮﺗﯩﻨﯩﯔ ﺋﯩﻜﻜﻰ ﻳﺎﻥ ﻣﯘﺳﻜﯘﻟﯩﻨﻰ ﺋﯩﻜﻜﻰ ﻗﻮﻝ ﺑﯩﻠﻪﻥ ﺋﯘﯞﯗﻟﯩﻐﺎﭺ ﭘﺎﭼﺎﻕ ﺗﻪﺭﻩﭘﻜﻪ ﺩﺍﯞﺍﻣﻼﺷﺘﯘﺭﯗﭖ، ﻳﯘﻗﯩﺮﯨﺪﯨﻦ ﺗﯚﯞﻩﻧﮕﻪ ﺗﻪﻛﺮﺍﺭ ﺗﯚﺕ ﻗﯧﺘﯩﻢ ﺋﯘﯞﯗﻟﯩﻨﯩﺪﯗ. ﺋﺎﻧﺪﯨﻦ ﻛﯧﻴﯩﻦ ﺋﻮﺧﺸﺎﺵ ﺋﯘﺳﯘﻟﺪﺍ ﺋﻮﯓ ﭘﯘﺕ ﺗﯚﺕ ﻗﯧﺘﯩﻢ ﺋﯘﯞﯗﻟﯩﻨﯩﺪﯗ.
ﻳﯘﯕﭽﯘﻩﻥ ﭘﻪﻟﻠﯩﺴﯩﻨﻰ ﺋﯘﯞﯗﻻﺵ. ﻛﻪﭼﺘﻪ ﺋﯘﺧﻼﺷﺘﯩﻦ ﺑﯘﺭﯗﻥ ﻛﺎﺭﯨﯟﺍﺕ ﺋﯘﺳﺘﯩﺪﻩ ﺋﻮﻟﺘﯘﺭﯗﭖ، ﺋﯩﻜﻜﻰ ﻗﻮﻟﻨﯩﯔ ﺑﺎﺵ ﺑﺎﺭﻣﯩﻘﻰ ﺑﯩﻠﻪﻥ ﺋﯩﻜﻜﻰ ﭘﯘﺕ ﺋﺎﻟﻘﯩﻨﯩﻨﯩﯔ ﻣﻪﺭﻛﯩﺰﯨﺪﯨﻜﻰ ﻳﯘﯕﭽﯘﻩﻥ ﭘﻪﻟﻠﯩﺴﯩﻨﻰ ﺑﺎﺳﯩﺪﯗ ﻳﺎﻛﻰ ﺋﻮﯓ ﭘﯘﺗﻨﯩﯔ ﺗﺎﭘﯩﻨﻰ ﺑﯩﻠﻪﻥ ﺳﻮﻝ ﭘﯘﺗﯩﻨﯩﯔ ﻳﯘﯕﭽﯘﻩﻥ ﭘﻪﻟﻠﯩﺴﯩﻨﻰ ﺋﯩﺸﻘﯩﻠﯩﺴﯩﻤﯘ ﺑﻮﻟﯩﺪﯗ. ﮪﻪﺭ ﺑﯩﺮﻯ 100 ﻗﯧﺘﯩﻤﺪﯨﻦ ﻳﺎﻛﻰ ﺗﯧﺨﯩﻤﯘ ﻛﯚﭖ ﺋﯘﯞﯗﻟﯩﻨﯩﺪﯗ. ﺋﯘﯞﯗﻟﯩﻐﺎﻧﺪﺍ ﭘﻪﻗﻪﺕ ﭘﯘﺕ ﺑﺎﺭﻣﯩﻘﻰ ﺑﯩﺮ ﻳﯚﻧﯩﻠﯩﺸﻜﻪ ﻗﺎﺭﺍﭖ ﺋﯩﺸﻘﯩﻠﯩﻨﯩﺪﯗ، ﺋﺎﺭﻗﯩﻐﺎ ﻗﺎﻳﺘﯘﺭﯗﭖ ﺋﯩﺸﻘﯩﻼﺷﻘﺎ ﺑﻮﻟﻤﺎﻳﺪﯗ.
ﻗﻮﻝ ﺋﺎﻟﻘﯩﻨﯩﻨﻰ ﺋﯩﺸﻘﯩﻼﺵ. ﺋﯩﻜﻜﻰ ﺋﺎﻟﯩﻘﺎﻧﻨﻰ ﺑﯩﺮ-ﺑﯩﺮﯨﮕﻪ ﭼﺎﭘﻼﭖ، ﻛﯜﭺ ﺑﯩﻠﻪﻥ ﺋﯩﺸﻘﯩﻼﭖ، ﺋﺎﻟﯩﻘﺎﻧﻨﻰ ﻗﯩﺰﯨﺘﯩﺪﯗ.
ﻧﻪﭘﻪﺳﻨﻰ ﺑﻮﻳﻼﺵ. ﺋﯩﻜﻜﻰ ﻗﻮﻟﻨﻰ ﻛﯚﻛﺮﻩﻙ ﺋﯜﺳﺘﯩﮕﻪ ﻗﻮﻳﯘﭖ، ﺋﺎﻟﯩﻘﺎﻧﻨﻰ ﻛﯚﻛﺮﻩﻛﻜﻪ ﭼﯩﯔ ﺗﯩﺮﻩﭖ، ﺑﯘﺭﯗﻥ ﺋﺎﺭﻗﯩﻠﯩﻖ ﭼﻮﯕﻘﯘﺭ ﻧﻪﭘﻪﺱ ﺋﺎﻟﯩﺪﯗ، ﺋﺎﺭﻗﯩﺪﯨﻨﻼ ﺋﯧﻐﯩﺰ ﺋﺎﺭﻗﯩﻠﯩﻖ ﻧﻪﭘﻪﺱ ﭼﯩﻘﯩﺮﯨﻠﯩﺪﯗ. ﺋﯩﻜﻜﻰ ﻗﻮﻝ ﺑﯩﻠﻪﻥ ﻧﻪﭘﻪﺱ ﭼﯩﻘﯩﺮﯨﺶ ﻳﯚﻧﯩﻠﯩﺸﯩﻨﻰ ﺑﻮﻳﻼﭖ ﺩﻭﯞﺳﯘﻥ ﺋﯜﺳﺘﯩﮕﯩﭽﻪ ﺋﺎﺳﺘﺎ-ﺋﺎﺳﺘﺎ ﺳﯩﻠﯩﻨﯩﺪﯗ. ﺋﯜﭺ ﻗﯧﺘﯩﻢ ﺗﻪﻛﺮﺍﺭﻻﺵ ﻛﯧﺮﻩﻙ.
ﺑﺎﺷﻨﻰ ﻗﯘﺭﯗﻕ ﺗﺎﺭﺍﺵ. ﺋﻮﻟﺘﯘﺭﯗﭖ ﺋﯩﻜﻜﻰ ﻗﻮﻟﻨﯩﯔ ﺋﻮﻥ ﺑﺎﺭﻣﯩﻘﻰ ﺑﯩﻠﻪﻥ ﭼﺎﭼﻨﯩﯔ ﺋﺎﻟﺪﻯ ﭼﯧﮕﺮﺍﺳﯩﺪﯨﻦ ﺋﺎﺭﻗﺎ ﭼﯧﮕﺮﺍﺳﯩﻐﯩﭽﻪ، ﺋﺎﺯ ﺩﯦﮕﻪﻧﺪﻩ ﺗﻮﻗﻘﯘﺯ ﻗﯧﺘﯩﻢ ﻗﯘﺭﯗﻕ ﺗﺎﺭﺍﺵ ﻛﯧﺮﻩﻙ.
ﻗﻮﻝ ﺋﺎﻟﯩﻘﯩﻨﯩﻨﻰ ﺋﯘﯞﯗﻻﺵ. ﻗﺎﻥ ﺑﯧﺴﯩﻤﻰ ﺟﯩﺪﺩﯨﻲ ﺋﯚﺭﻟﻪﭖ ﻛﻪﺗﻜﻪﻧﺪﻩ، ﻗﻮﻝ ﺋﺎﻟﯩﻘﯩﻨﯩﻨﯩﯔ ﺋﻮﺗﺘﯘﺭﯨﺴﯩﻨﻰ ﺑﯧﺴﯩﺸﻨﻰ ﻗﺎﻥ ﺑﯧﺴﯩﻤﯩﻨﻰ ﺟﯩﺪﺩﯨﻲ ﺗﯚﯞﻩﻧﻠﯩﺘﯩﺶ ﺗﻪﺩﺑﯩﺮﻯ ﻗﯩﻠﯩﺸﻘﺎ ﺑﻮﻟﯩﺪﯗ. ﺋﯘﻧﯩﯔ ﭼﺎﺭﯨﺴﻰ ﻣﯘﻧﺪﺍﻕ ﺑﻮﻟﯩﺪﯗ: ﺋﺎﻟﺪﯨﺪﺍ ﺋﻮﯓ ﻗﻮﻟﺪﯨﻦ ﺑﺎﺷﻼﭖ، ﺳﻮﻝ ﻗﻮﻟﻨﯩﯔ ﺑﺎﺵ ﺑﺎﺭﻣﯩﻘﻰ ﺑﯩﻠﻪﻥ ﺋﻮﯓ ﻗﻮﻝ ﺋﺎﻟﯩﻘﯩﻨﯩﻨﯩﯔ ﺋﻮﺗﺘﯘﺭﯨﺴﻰ ﺑﯧﺴﯩﻠﯩﺪﯗ ﮪﻪﻣﺪﻩ ﺋﺎﻟﯩﻘﺎﻧﻨﯩﯔ ﺋﻮﺗﺘﯘﺭﯨﺴﯩﺪﯨﻦ ﺋﯩﺰﭼﯩﻞ ﻳﯘﻗﯩﺮﯨﻐﺎ ﺋﯚﺭﻟﻪﭖ، ﻗﻮﻝ ﺑﺎﺭﻣﯩﻘﯩﻨﯩﯔ ﺋﯘﭼﯩﻐﯩﭽﻪ ﺑﯧﺴﯩﻠﯩﺪﯗ، ﺋﺎﻟﯩﻘﺎﻧﻨﯩﯔ ﮪﻪﺭ ﻗﺎﻳﺴﻰ ﺋﻮﺭﯗﻧﻠﯩﺮﯨﺪﯨﻦ ﺑﺎﺷﻼﭖ ﮪﻪﺭ ﺑﯩﺮ ﺑﺎﺭﻣﺎﻗﻨﯩﯔ ﺋﯘﭼﯩﻐﯩﭽﻪ ﺋﻮﻣﯘﻣﻴﯘﺯﻟﯜﻙ، ﻗﺎﻟﺪﯗﺭﻣﺎﻱ ﺑﯧﺴﯩﻠﯩﺪﯗ، ﺋﺎﻧﺪﯨﻦ ﻛﯧﻴﯩﻦ ﺋﻮﺧﺸﺎﺵ ﺋﯘﺳﯘﻟﺪﺍ ﺳﻮﻝ ﻗﻮﻟﻨﯩﯔ ﺋﺎﻟﯩﻘﯩﻨﻰ ﺑﯧﺴﯩﻠﯩﺪﯗ.
ﻳﯘﻗﯩﺮﯨﺪﺍ ﺗﻮﻧﯘﺷﺘﯘﺭﯗﻟﻐﺎﻥ ﺋﻮﺭﯗﻧﻨﻰ ﺋﯘﯞﯗﻻﺵ ﺋﯘﺳﯘﻟﻰ ﭘﻪﻟﻠﯩﻨﻰ ﺋﯘﯞﯗﻻﺵ ﺋﯘﺳﯘﻟﯩﻐﺎ ﻗﺎﺭﯨﻐﺎﻧﺪﺍ ﺋﺎﺩﺩﯨﻲ ﯞﻩ ﺋﻮﯕﺎﻱ ﺑﻮﻟﯘﭖ، ﻳﯘﻗﯩﺮﻯ ﻗﺎﻥ ﺑﯧﺴﯩﻤﻰ ﻛﯧﺴﯩﻠﻰ ﺑﯩﻤﺎﺭﻟﯩﺮﻯ ﺋﯚﺯﯨﻨﻰ ﺋﯚﺯﻯ ﺋﯘﯞﯗﻟﯩﻴﺎﻻﻳﺪﯗ، ﺑﺎﺷﻘﺎ ﺋﺎﺩﻩﻣﻨﻰ ﺋﯘﯞﯗﻻﭖ ﻗﻮﻳﯘﺷﻘﺎ ﺗﻪﻛﻠﯩﭗ ﻗﯩﻠﺴﯩﻤﯘ ﺑﻮﻟﯩﺪﯗ. ﭘﻪﻗﻪﺕ ﺗﺎﻟﻼﭖ ﻗﻮﻟﻠﯩﻨﯩﭗ ﺋﯘﺯﺍﻗﻘﯩﭽﻪ ﻗﻪﺗﺌﯩﻲ ﺩﺍﯞﺍﻣﻼﺷﺘﯘﺭﺳﯩﻼ، ﻳﯘﻗﯩﺮﻯ ﻗﺎﻥ ﺑﯧﺴﯩﻤﻰ ﻛﯧﺴﻪﻟﻠﯩﻜﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﯞﻩ ﺩﺍﯞﺍﻻﺷﺘﺎ ﻧﺎﮪﺎﻳﯩﺘﻰ ﻳﺎﺧﺸﻰ ﺋﯜﻧﯜﻡ ﺑﯧﺮﯨﺪﯗ.
(2) ﭘﻪﻟﻠﯩﻨﻰ ﺋﯘﯞﯗﻻﺵ
ﺋﻮﻟﺘﯘﺭﯗﭖ ﺋﯘﯞﯗﻻﺵ. ﺗﻪﻳﻴﺎﺭﻟﯩﻖ: ﻛﯚﺯﻧﻰ ﻳﯘﻣﯘﭖ ﭘﯜﺗﯜﻥ ﺑﻪﺩﻩﻥ ﺑﻮﺷﺎﺷﺘﯘﺭﯨﻠﯩﺪﯗ. ﭘﻪﻟﻠﻪ ﺋﯧﻠﯩﺶ: ﺗﻪﻳﻴﺎﯓ، ﻓﯧﯖﭽﻰ، ﻓﯧﯖﻔﯘ (ﮔﻪﺟﮕﻪ ﻗﯩﺴﻤﯩﺪﺍ، ﭼﺎﭼﻨﯩﯔ ﻛﻪﻳﻨﻰ ﭼﻪﺕ ﺋﻮﺗﺘﯘﺭﯨﺴﯩﺪﯨﻦ ﺗﯜﺯ ﻳﯘﻗﯩﺮﯨﻐﺎ ﺑﯩﺮ ﺳﻮﯓ ﺋﯚﺭﻟﻪﭖ، ﮔﻪﺟﮕﻪ ﺳﯩﺮﺗﻘﻰ ﺩﯙﯕﭽﯩﺴﯩﺪﯨﻦ ﺋﯘﺩﯗﻝ ﮔﻪﺟﮕﻪ ﺋﻮﻳﻤﯩﻨﯩﻐﺎ ﭼﯜﺷﻜﻪﻥ ﻳﻪﺭﺩﻩ. ﺗﯜﺯ ﺋﻮﻟﺘﯘﺭﯗﭖ ﺑﺎﺷﻨﻰ ﺳﻪﻝ ﺋﺎﻟﺪﯨﻐﺎ ﺋﯧﯖﯩﺸﺘﯜﺭﯛﭖ ﭘﻪﻟﻠﻪ ﺋﯧﻠﯩﻨﯩﺪﯗ)، ﺷﯘﻩﻳﮕﯘ (ﺑﺎﺵ ﻗﯩﺴﻤﯩﺪﺍ، ﻗﯘﻻﻗﻨﯩﯔ ﺋﯘﭼﯩﺪﯨﻦ ﻳﯘﻗﯩﺮﻯ ﺋﯚﺭﻟﻪﭖ، ﭼﺎﭼﻨﯩﯔ ﭼﯧﺘﯩﺪﯨﻦ 1.5 ﺳﻮﯓ ﺋﯩﭽﻜﯩﺮﯨﺪﻩ، ﺟﯩﻴﺎﯞﺳﯜﻧﻨﯩﯔ ﺋﯘﺩﯗﻝ ﻳﯘﻗﯩﺮﯨﺴﯩﺪﺍ. ﺗﯜﺯ ﺋﻮﻟﺘﯘﺭﯗﭖ ﻳﺎﻛﻰ ﻳﯧﻨﯩﭽﻪ ﻳﯧﺘﯩﭗ ﭘﻪﻟﻠﻪ ﺋﯧﻠﯩﻨﯩﺪﯗ)، ﺟﻴﻪﻧﺠﯩﯔ (ﻣﯜﺭﻩ ﺋﯘﺳﺘﯩﺪﻩ، ﺋﺎﻟﺪﯨﻐﺎ ﺋﯘﺩﯗﻝ ﺋﻪﻣﭽﻪﻛﻜﻪ ﺑﺎﺭﯨﺪﯨﻐﺎﻥ ﺋﻮﺗﺘﯘﺭﺍ ﺳﯩﺰﯨﻘﺘﺎ، ﺩﺍﺟﯜﻱ ﭘﻪﻟﻠﯩﺴﻰ ﺑﯩﻠﻪﻥ ﺟﯩﻴﻪﻧﻔﯧﯔ ﭘﻪﻟﻠﯩﺴﯩﻨﻰ ﺗﯘﺗﺎﺷﺘﯘﺭﯨﺪﯨﻐﺎﻥ ﺳﯩﺰﯨﻘﻨﯩﯔ ﺋﻮﺗﺘﯘﺭﺍ ﻧﯘﻗﺘﯩﺴﯩﺪﺍ)، ﺟﯘﯕﻔﯘ (ﻛﯚﻛﺮﻩﻙ ﺗﯧﻤﯩﻨﯩﯔ ﺳﯩﺮﺗﻘﻰ ﻳﯘﻗﯩﺮﯨﻘﻰ ﺗﻪﺭﯨﭙﯩﺪﻩ، ﻳﯘﻧﻤﯧﻦ ﭘﻪﻟﻠﯩﺴﯩﺪﯨﻦ ﺑﯩﺮ ﺳﻮﯓ ﺗﯚﯞﻩﻧﺪﻩ، ﺑﯩﺮﯨﻨﭽﻰ ﻗﻮﯞﯗﺭﻏﺎ ﺋﺎﺭﯨﻠﯩﻘﯩﺪﺍ، ﺋﺎﻟﺪﻯ ﺋﻮﺗﺘﯘﺭﺍ ﺳﯩﺰﯨﻘﺘﯩﻦ ﺋﺎﻟﺘﻪ ﺳﻮﯓ ﻳﯩﺮﺍﻗﻠﯩﻘﺘﺎ، ﺋﻮﯕﺪﺍ ﻳﯧﺘﯩﭗ ﭘﻪﻟﻠﻪ ﺋﯧﻠﯩﻨﯩﺪﯗ)، ﭼﯘﻳﭽﻰ، ﻧﯧﻴﮕﯘﻩﻥ، ﺧﯧﮕﯘ، ﻻﯞﮔﯘﯓ ﻗﺎﺗﺎﺭﻟﯩﻖ ﭘﻪﻟﻠﯩﻠﻪﺭ ﺋﯧﻠﯩﻨﯩﺪﯗ. ﻣﺎﮪﺎﺭﻩﺕ: ﻧﯘﻗﺘﯩﻨﻰ ﺑﯧﺴﯩﺶ ﺋﯘﺳﯘﻟﻰ، ﺋﯩﺸﻘﯩﻼﺵ ﺋﯘﺳﯘﻟﻰ، ﺋﯘﯞﯗﻻﺵ ﺋﯘﺳﯘﻟﻰ، ﺗﯩﺘﺮﯨﺘﯩﺶ ﺋﯘﺳﯘﻟﻰ ﻗﺎﺗﺎﺭﻟﯩﻘﻼﺭ.
ﺋﻮﯕﺪﺍ ﻳﯧﺘﯩﭗ ﺋﯘﯞﯗﻻﺵ. ﺗﻪﻳﻴﺎﺭﻟﯩﻖ: ﻛﻪﻣﻪﺭﻧﻰ ﻳﯧﺸﯩﭗ، ﻛﯚﺯﻧﻰ ﻳﯘﻣﯘﭖ، ﭘﯜﺗﯜﻥ ﺑﻪﺩﻩﻥ ﺑﻮﺷﺎﺷﺘﯘﺭﯨﻠﯩﺪﯗ. ﭘﻪﻟﻠﻪ ﺋﯧﻠﯩﺶ: ﺩﺍﺟﯜﻱ (ﺑﻮﻳﯘﻧﻨﯩﯔ ﺗﯚﯞﻩﻧﻜﻰ ﻗﯩﺴﻤﯩﺪﺍ، ﺋﺎﺭﻗﺎ ﺋﻮﺗﺘﯘﺭﺍ ﺳﯩﺰﯨﻖ ﺋﯘﺳﺘﯩﺪﻩ، ﻳﻪﺗﺘﯩﻨﭽﻰ ﺑﻮﻳﯘﻥ ﺋﻮﻣﯘﺭﺗﻘﯩﺴﻰ ﺩﯙﯕﭽﯩﺴﯩﻨﯩﯔ ﺋﺎﺳﺘﻰ ﺗﻪﺭﻩﭖ ﺋﻮﻳﻤﯩﻨﯩﺪﺍ، ﺗﯜﺯ ﺋﻮﻟﺘﯘﺭﯗﭖ ﺑﺎﺷﻨﻰ ﺳﺎﯕﮕﯩﻼﺗﻘﺎﻥ ﻳﺎﻛﻰ ﺩﯛﻡ ﻳﺎﺗﻘﺎﻥ ﮪﺎﻟﻪﺗﺘﻪ ﭘﻪﻟﻠﻪ ﺋﯧﻠﯩﻨﯩﺪﯗ)، ﺟﯩﻴﯩﯔ ﭘﯘﺗﻨﯩﯔ ﻛﯩﭽﯩﻚ ﺑﺎﺭﻣﯩﻘﻰ ﺋﺎﺧﯩﺮﻗﻰ ﺑﻮﻏﯘﻣﯩﻨﯩﯔ ﺳﯩﺮﺗﻘﻰ ﻳﯧﻨﯩﺪﺍ، ﭘﯘﺕ ﺗﯩﺮﻧﯩﻘﯩﺪﯨﻦ ﺑﯩﺮ ﺳﻮﯓ ﭘﻪﺳﺘﻪ)، ﻣﯩﯖﻤﯧﻦ (ﺑﻪﻝ ﻗﯩﺴﻤﯩﺪﺍ، ﺋﺎﺭﻗﺎ ﺗﻮﻏﺮﺍ ﺳﯩﺰﯨﻖ ﺋﯜﺳﺘﯩﺪﻩ، ﺋﯩﻜﻜﯩﻨﭽﻰ ﺑﻪﻝ ﺋﻮﻣﯘﺭﺗﻘﯩﺴﻰ ﺩﯙﯕﭽﯩﺴﯩﻨﯩﯔ ﺋﺎﺳﺘﻰ ﺗﻪﺭﻩﭖ ﺋﻮﻳﻤﯩﻨﯩﺪﺍ، ﺩﯛﻡ ﻳﺎﺗﻘﺎﻥ ﻳﺎﻛﻰ ﺗﯜﺯ ﺋﻮﻟﺘﯘﺭﻏﺎﻥ ﮪﺎﻟﻪﺗﺘﻪ ﭘﻪﻟﻠﻪ ﺋﯧﻠﯩﻨﯩﺪﯗ)، ﺷﯩﻨﻴﯜﻱ (ﺩﯛﻣﺒﻪ ﻗﯩﺴﻤﯩﺪﺍ، ﺗﯚﺗﯩﻨﭽﻰ ﻛﯚﻛﺮﻩﻙ ﺋﻮﻣﯘﺭﺗﻘﯩﺴﻰ ﺩﯙﯕﭽﯩﺴﯩﻨﯩﯔ ﺋﺎﺳﺘﯩﺪﯨﻦ 1.5 ﺳﻮﯓ ﻳﺎﻥ ﺗﻪﺭﻩﭘﺘﻪ)، ﮔﻪﻧﻴﯜﻱ (ﺩﯛﻣﺒﻪ ﻗﯩﺴﻤﯩﺪﺍ، ﺗﻮﻗﻘﯘﺯﯨﻨﭽﻰ ﻛﯚﻛﺮﻩﻙ ﺋﻮﻣﯘﺭﺗﻘﯩﺴﻰ ﺩﯙﯕﭽﯩﺴﯩﻨﯩﯔ ﺋﺎﺳﺘﯩﺪﯨﻦ 1.5 ﺳﻮﯓ ﻳﺎﻥ ﺗﻪﺭﻩﭘﺘﻪ)، ﺷﯧﻨﻴﯜﻱ، ﺧﯘﻩﻧﺘﺎﯞ (ﻳﻮﺗﯩﻨﯩﯔ ﺳﯩﺮﺗﻘﻰ ﻳﺎﻥ ﻗﯩﺴﻤﯩﺪﺍ، ﻳﯧﻨﯩﭽﻪ ﻳﯧﺘﯩﭗ ﻳﻮﺗﯩﻨﻰ ﺋﻪﮔﻜﻪﻧﺪﻩ ﻳﻮﺗﺎ ﺳﯚﯕﯩﻜﻰ ﭼﻮﯓ ﺋﺎﻳﻼﻧﻤﯩﺴﯩﻨﯩﯔ ﺋﻪﯓ ﺗﻮﻣﭙﯩﻴﯩﭗ ﭼﯩﻘﻘﺎﻥ ﻧﯘﻗﺘﯩﺴﻰ ﺑﯩﻠﻪﻥ ﺗﻮﻗﻘﯘﺯ ﻛﯚﺯ ﻗﺎﻧﯩﻠﻰ ﻳﯧﺮﯨﻖ ﺗﯚﺷﯜﻛﯩﻨﻰ ﺗﯘﺗﺎﺷﺘﯘﺭﯨﺪﯨﻐﺎﻥ ﺳﯩﺰﯨﻘﻨﯩﯔ ﺳﯩﺮﺗﻘﻰ ﺋﯜﭼﺘﯩﻦ ﺑﯩﺮ ﺟﺎﻳﻰ ﺑﯩﻠﻪﻥ ﺋﻮﺗﺘﯘﺭﺍ ﺋﯜﭼﺘﯩﻦ ﺑﯩﺮ ﺟﺎﻳﯩﻨﯩﯔ ﻛﯧﺴﯩﺸﻜﻪﻥ ﻧﯘﻗﺘﯩﺴﯩﺪﺍ)، ﭼﯧﻨﺸﻪﻥ (ﭘﺎﻗﺎﻟﭽﺎﻕ ﺋﺎﺭﻗﺎ ﺗﻪﺭﯨﭙﯩﻨﯩﯔ ﺩﻩﻝ ﺋﻮﺗﺘﯘﺭﯨﺴﯩﺪﺍ، ﯞﯦﻴﺠﯘﯓ ﭘﻪﻟﻠﯩﺴﻰ ﺑﯩﻠﻪﻥ ﻛﯘﻧﻠﯘﯓ ﭘﻪﻟﻠﯩﺴﯩﻨﯩﯔ ﺋﻮﺗﺘﯘﺭﯨﺴﯩﺪﺍ، ﭘﺎﻗﺎﻟﭽﺎﻗﻨﻰ ﺳﻮﺯﻏﺎﻧﺪﺍ ﻳﺎﻛﻰ ﺗﺎﭘﺎﻧﻨﻰ ﻳﯘﻗﯩﺮﯨﻐﺎ ﻛﯚﺗﯜﺭﮔﻪﻧﺪﻩ ﻳﺎﻥ ﭘﺎﻗﺎﻟﭽﺎﻕ ﻣﯘﺳﻜﯘﻟﯩﻨﯩﯔ ﻗﻮﺭﺳﯩﻘﻰ ﺋﺎﺳﺘﯩﺪﺍ ﭘﻪﻳﺪﺍ ﺑﻮﻟﻐﺎﻥ ﺋﯚﺗﻜﯜﺭ ﺑﯘﻟﯘﯕﻠﯘﻕ ﺋﻮﻳﻤﯩﻨﯩﺪﺍ)، ﻳﯘﯕﭽﯘﻩﻥ ﻗﺎﺗﺎﺭﻟﯩﻖ ﭘﻪﻟﻠﯩﻠﻪﺭ ﺋﯧﻠﯩﻨﯩﺪﯗ. ﻣﺎﮪﺎﺭﻩﺕ: ﻧﯘﻗﺘﯩﻨﻰ ﺑﯧﺴﯩﭗ ﺋﯘﯞﯗﻻﺵ، ﺋﺎﻟﯩﻘﺎﻥ ﺑﯩﻠﻪﻥ ﺋﯘﯞﯗﻻﺵ، ﻣﯘﺟﯘﺵ ﺋﯘﺳﯘﻟﻰ، ﺋﯩﺸﻘﯩﻼﺵ ﺋﯘﺳﯘﻟﻰ، ﭼﯧﻜﯩﺶ ﺋﯘﺳﯘﻟﻰ، ﺗﯩﺘﺮﯨﺘﯩﺶ ﺋﯘﺳﯘﻟﻰ ﻗﺎﺗﺎﺭﻟﯩﻘﻼﺭ.
ﺋﻮﯕﺪﺍ ﻳﯧﺘﯩﭗ ﺋﯘﯞﯗﻻﺵ. ﺗﻪﻳﻴﺎﺭﻟﯩﻖ: ﻛﯚﺯﻧﻰ ﻳﯘﻣﯘﭖ ﭘﯜﺗﯜﻥ ﺑﻪﺩﻩﻧﻨﻰ ﺑﻮﺷﺎﺷﺘﯘﺭﯨﺪﯗ. ﭘﻪﻟﻠﻪ ﺋﯧﻠﯩﺶ: ﺟﯘﯕﯟﻩﻥ (ﻗﻮﺭﺳﺎﻕ ﺋﺎﻕ ﺳﯩﺰﯨﻘﯩﻨﯩﯔ ﺋﻮﺗﺘﯘﺭﯨﺴﯩﺪﺍ، ﻛﯩﻨﺪﯨﻜﺘﯩﻦ ﺗﯚﺕ ﺳﻮﯓ ﻳﯘﻗﯩﺮﯨﺪﺍ)، ﻳﺎﯕﻠﯩﯖﭽﯘﻩﻥ (ﭘﺎﭼﺎﻗﻨﯩﯔ ﺳﯩﺮﺗﻘﻰ ﺗﻪﺭﯨﭙﯩﺪﻩ، ﻳﺎﻥ ﭘﺎﭼﺎﻕ ﺳﯚﯕﯩﻜﯩﻨﯩﯔ ﺋﺎﻟﺪﻯ ﺗﯚﯞﻩﻧﻜﻰ ﺗﻪﺭﻩﭖ ﺋﻮﻳﻤﯩﻨﯩﺪﺍ، ﺗﯜﺯ ﺋﻮﻟﺘﯘﺭﯗﭖ ﺗﯩﺰﻧﻰ ﺋﻪﮔﻜﻪﻥ ﻳﺎﻛﻰ ﺋﻮﯕﺪﺍ ﻳﺎﺗﻘﺎﻥ ﮪﺎﻟﻪﺗﺘﻪ ﭘﻪﻟﻠﻪ ﺋﯧﻠﯩﻨﯩﺪﯗ). ﭼﯩﺨﻪﻱ (ﺗﯚﯞﻩﻧﻜﻰ ﻗﻮﺭﺳﺎﻕ ﻗﯩﺴﻤﯩﺪﺍ، ﺋﺎﻟﺪﻯ ﺋﻮﺗﺘﯘﺭﺍ ﺳﯩﺰﯨﻖ ﺋﯜﺳﺘﯩﺪﻩ، ﻛﯩﻨﺪﯨﻜﺘﯩﻦ 1.5 ﺳﻮﯓ ﺗﯚﯞﻩﻧﺪﻩ)، ﺯﯗﺳﻪﻧﻠﻰ ﻗﺎﺗﺎﺭﻟﯩﻖ ﭘﻪﻟﻠﯩﻠﻪﺭ ﺋﯧﻠﯩﻨﯩﺪﯗ. ﻣﺎﮪﺎﺭﻩﺕ: ﻧﯘﻗﺘﯩﻨﻰ ﺋﯘﯞﯗﻻﺵ، ﺋﺎﻟﯩﻘﺎﻥ ﺑﯩﻠﻪﻥ ﺋﯘﯞﯗﻻﺵ، ﺳﯩﻼﺵ ﺋﯘﺳﯘﻟﻰ، ﺗﯩﺘﺮﯨﺘﯩﺶ ﺋﯘﺳﯘﻟﻰ ﻗﺎﺗﺎﺭﻟﯩﻘﻼﺭ.
ﺩﯨﻘﻘﻪﺕ ﻗﯩﻠﯩﺪﯨﻐﺎﻥ ﺋﯩﺸﻼﺭ: ﺑﯩﺮﯨﻨﭽﯩﺪﯨﻦ، ﻳﺎﺷﺎﻧﻐﺎﻥ، ﺗﯧﻨﻰ ﺋﺎﺟﯩﺰ ﺑﯩﻤﺎﺭﻻﺭﻧﻰ ﺩﺍﯞﺍﻟﯩﻐﺎﻧﺪﺍ ﻣﺎﮪﺎﺭﻩﺕ ﻳﯩﻨﯩﻚ ﯞﻩ ﺳﯩﻠﯩﻖ ﺑﻮﻟﯘﺷﻰ، ﮪﻪﺭﮔﯩﺰ ﻗﺎﺭﯨﻐﯘﻻﺭﭼﻪ ﻛﯜﭺ ﺋﯩﺸﻠﻪﺗﻤﻪﺳﻠﯩﻚ ﻻﺯﯨﻢ. ﺋﯩﻜﻜﯩﻨﭽﯩﺪﯨﻦ، ﺑﯩﻤﺎﺭ ﺋﺎﺩﻩﺗﺘﻪ ﺗﯘﺭﻣﯘﺷﯩﻨﻰ ﻗﺎﻧﯘﻧﯩﻴﻪﺗﻠﯩﻚ ﺋﯚﺗﻜﯜﺯﯛﭖ ﺋﯜﻣﯩﺪﯞﺍﺭﻟﯩﻘﻨﻰ ﺳﺎﻗﻠﯩﺸﻰ، ﺭﻭﮪﯩﻲ ﺟﯩﺪﺩﯨﻴﻠﯩﻚ ﯞﻩ ﺯﯨﻴﺎﺩﻩ ﭼﺎﺭﭼﺎﺷﺘﯩﻦ ﺳﺎﻗﻠﯩﻨﯩﺸﻰ ﻻﺯﯨﻢ. ﻳﯧﻤﻪﻙ-ﺋﯩﭽﻤﻪﻙ ﺗﯘﺯﺳﯩﺰ ﯞﻩ ﺳﯘﻳﯘﻕ-ﺳﻪﻟﻪﯓ ﺑﻮﻟﯘﺷﻰ، ﮪﻪﺭ ﯞﺍﺧﻠﯩﻖ ﺗﺎﻣﺎﻗﻨﻰ ﺗﻮﻗﻘﯘﺯ ﺋﯜﻟﯜﺵ ﺗﻮﻳﯘﻧﯘﺷﻨﻰ ﺋﯚﻟﭽﻪﻡ ﻗﯩﻠﯩﭗ ﻳﯧﻴﯩﺸﻰ، ﺋﻪﯓ ﻳﺎﺧﺸﯩﺴﻰ ﺗﺎﻣﺎﻛﺎ ﭼﻪﻛﻤﻪﺳﻠﯩﻜﻰ، ﮪﺎﺭﺍﻕ ﺋﯩﭽﻤﻪﺳﻠﯩﻜﻰ ﻛﯧﺮﻩﻙ. ﺋﯜﭼﯩﻨﭽﯩﺪﯨﻦ، ﺋﻪﮔﻪﺭ ﺑﯩﻤﺎﺭ ﻗﯩﺰﯨﻘﺴﺎ، ﺋﯚﺯﯨﮕﻪ ﻣﯘﯞﺍﭘﯩﻖ ﻛﯧﻠﯩﺪﯨﻐﺎﻥ ﻳﻪﻝ ﮔﯘﻣﭙﯩﺴﯩﻨﻰ ﻣﻪﺷﻖ ﻗﯩﻠﺴﺎ ﻳﯘﻗﯩﺮﻯ ﻗﺎﻥ ﺑﯧﺴﯩﻤﻰ ﻛﯧﺴﻪﻟﻠﯩﻜﯩﮕﻪ ﻗﺎﺭﯨﺘﺎ ﻣﯘﺋﻪﻳﻴﻪﻥ ﺩﺍﯞﺍﻻﺵ ﺭﻭﻟﻰ ﺑﻮﻟﯩﺪﯗ.

ﻛﯩﺘﺎﺑﺘﯩﻦ ﺋﯧﻠﯩﻨﺪﻯ.