تونۇلغان ئەدىب، شائىر، تىلشۇناس، ئەدەبىي تەرجىمان، يېڭى دەۋر ئۇيغۇر نەشرىياتچىلىقىنىڭ ئۇل سالغۇچىلىرىدىن بىرى، ئۇيغۇر مەدەنىيەت تارىخى تەتقىقاتچىسى ھاجى ئىمىن تۇرسۇن ئەپەندى2011 –يىلى 2-ئاينىڭ 24-كۈنى87 يىشىدا بىز بىلەن مەڭگۈلۈك ۋىدالاشتى . ئالىمنىڭ ۋاپاتى بىز ئۈچۈن تولدۇرغۇسىز يوقىتىشتۇر. مەن تەۋەررۈك سۈپەت ئالىمنىڭ ۋاپاتىغا قاتتىق قايغۇرۇش بىلەن بىرگە، ئۇنىڭ «شېئىرنىڭ مونولوگى» ناملىق شېئىرىنى دىققىتىڭلارغا سۇندۇم.

سەن ئىزھار قىلمىغان نازۇك ھېكمەت يوق،
ھەر مەنا سەندىكى چېچىلغان ئۇرۇق.
رەنا سەن ئالەمدە رەنالار ئارا،
يۈرىكىم پۈتۈندۇر، روھلىرىممۇ توق.
ھەر مۆچەڭ باغرىمدۇر سۆيگۈگە سوغراق،
مۆچەڭدىن كەچكىچە ئۆلگىنىم خوپراق.