بۇلتۇر ئاپتونوم رايونىمىزدا ئاساسىي قاتلامدىكى 468 كادىر خىزمەت ئۈستىدە جىنايەت ئۆتكۈزگەنلىكى ئۈچۈن تەكشۈرۈلدى.
ئاپتونوم رايونلۇق خەلق تەپتىش مەھكىمىسى يېقىندا ئۇقتۇرۇش چىقىرىپ مۇنداق دېدى: «ئاساسىي قاتلامنىڭ ئاساسىي خىزمىتى ساھەسىدىكى ۋە يېزا ئىگىلىكىگە چېتىشلىق خىزمەت ئۈستىدە جىنايەت ئۆتكۈزۈش گەۋدىلىك بولغاچقا، ئاپتونوم رايونىمىزىدىكى تەپتىش ئورگانلىرى ئاساسىي قاتلامدىكى خىزمەت ئۈسىتىدە جىنايەت ئۆتكۈزۈش قىلمىشلىرىنى تەكشۈرۈپ بىر تەرەپ قىلىش ھەرىكىتىنى مارتتىن باشلاپ بىر يىل مەركەزلىك قانات يايدۇرىدۇ».
«كەنت ئەمەلدارلىرى»، بولۇپمۇ كەنت پارتىيە ياچېكىسىنىڭ شۇجىسى، كەنت ئاھالىلەر كومىتېتى مۇدىرىنىڭ خىزمەت ئۈستىدە جىنايەت ئۆتكۈزۈش دېلولىرى، ئۇرۇقلۇق تولۇقلىمىسى، يېزا ئىگىلىك ماشىنىلىرىنى سېتىۋېلىش تولۇقلىمىسى، يېزا ئىگىلىك ماددىي ئەشيالىرى ئۇنىۋېرسال تولۇقلىمىسى، ئائىلە ئېلېكتىر ئۈسكۈنىلىرىنى يېزىلاردا ئومۇملاشتۇرۇش مەبلىغى قاتارلىق يېزا ئىگىلىكىنى قوللاش، دېھقانلارغا نەپ يەتكۈزۈش مالىيە تولۇقلىمىسىغا مۇناسىۋەتلىك؛ يېزىلارنىڭ سۈيىنى ياخشىلاش، خەتەرلىك ئۆيلەرنى ئۆزگەرتىش، تاشيول قاتنىشى قاتارلىق نۇقتىلىق ئاساسىي قاتلام ئەسلىھەلىرى قۇرۇلۇشىدىكى؛ يېزا مائارىپى، مەدەنىيەت، داۋالاش-سەھىيە، ئىجتىمائىي كاپالەت قاتارلىق ئىجتىمائىي ئىشلار ساھەسىدىكى؛ تېرىلغۇ يەرلەنى ئورمانغا، ئوتلاققا قايتۇرۇش قاتارلىق ئېكولوگىيەلىك مۇھىتنى قوغداش ساھەسىدىكى چىرىكلىشىش دېلولىرى نۇقتىلىق تەكشۈرۈپ بىر تەرەپ قىلىنىدىكەن.