جۇڭگونىڭ يېڭى بىر نۆۋەتلىك ھۆكۈمىتى بارلىققا كەلگەندىن بۇيان، چىرىكلىككە قارشى تۇرۇشتىن ئىبارەت بۇ مەيدان كۈرەشنى چوڭقۇر قانات يايدۇرۇپ، چىرىك ئۇنسۇرلارغا قاتتىق زەربە بەردى، بۇ دۇنيانىڭ جۇڭگوغا بولغان ئىشەنچىسىنى ۋە ئۈمىدىنى تېخىمۇ ئاشۇردى.

12-نۆۋەتلىك مەملىكەتلىك قۇرۇلتىيىنىڭ 3-يىغىنى بىلەن سىياسىي مەسلىھەت كېڭىشى مەملىكەتلىك كومىتېتىنىڭ 3-يىغىنى ئېچىلغان پەيتتە، مۇخبىر بىريۇسىلدا ياۋروپا ئەللىرى ئىتتىپاقىنىڭ ئاتاقلىق ئەقلى ئىسكىلاتى بولغان مادىرىياجا فۇندىنىڭ ئىجرائىيە رەئىسى پىئىر دىفۇئان ئەپەندىنى زىيارەتتە قىلدى. دىفۇئان ئەپەندى مۇخبىرغا ئېنىق ھالدا مۇنداق دېدى: جۇڭگو ئىسلاھات ئىلىپ بارغان ۋە ئىشىكنى ئىچىۋەتكەن 30 يىلدىن بۇيان ئاسمان-زېمىن ئۆزگىرىشلەرنى قولغا كەلتۈرۈپ، كۆپلىگەن ساھەلەردە زامانىۋىلاشتۇرۇشنى ئىشقا ئاشۇردى، بۇ جۇڭگونىڭ دۆلەت كۈچىنى ئىنتايىن زور دەرىجىدە ئاشۇرۇپلا قالماستىن، بازار ئىگىلىكى، ھۆكۈمەتنىڭ فۇنكسىيەسى ۋە جەمئىيەتنى باشقۇرۇش قاتارلىق كۆپلىگەن ساھەلەردىمۇ زور تەرەققىياتلارغا ئېرىشتى. بولۇپمۇ جۇڭگو ھەر قايسى ساھەلەر ۋە قاتلاملاردا چىرىكلەشكەن ئەمەلدارلارنى قاتتىق بىر تەرەپ قىلىشتا چىڭ تۇرۇپ، جۇڭگونىڭ يېڭى بىر نۆۋەتلىك رەھبەرلىك كوللېكتىپىنىڭ چېرىكلىككە قارشى تۇرۇشتىكى ئىرادىسىنى نامايان قىلدى.

دىفۇئان ئىلگىرى ياۋروپا ئەللىرى ئىتتىپاقىنىڭ جەنۇب ۋە شىمال مۇناسىۋىتى مەھكىمىسىنىڭ باشلىقى، ياۋروپا كومىتېتى ۋە ياۋروپا ئەللىرى ئىتتىپاقى سودا مەھكىمىسىنىڭ ئەمەلدارى قاتارلىق ۋەزىپىلەرنى ئۆتىگەن. ئۇ جۇڭگودا 20 قېتىمغا يېقىن زىيارەتتە بولغان بولۇپ، جۇڭگونىڭ ھەر قايسى ساھەلىرى بىلەن كەڭ دائىرىدە ئۇچرىشىپ، ئەمەلىي تەكشۈرۈشلەرنى ئېلىپ بېرىپ، جۇڭگونىڭ تەرەققىيات ئۆزگىرىشىنى ئۆز كۆزى بىلەن كۆرۈپ، ئاتاقلىق جۇڭگوشۇناسلىققا ئايلانغان. ئۇ مۇنداق دەپ ھېسابلىدى: جۇڭگو ھەر يىلى ئۆتكۈزۈدىغان خەلق قۇرۇلتىيى بىلەن سىياسىي مەسلىھەت كېڭىشىنىڭ يىغىنى ، پۇقرالارنىڭ ساداسىنى ۋە تەلىپىنى ئەكس ئەتتۈرىدىغان سورۇنغا ئايلاندى، خەلق قۇرۇلتىيى بىلەن سىياسىي كېڭىشىنىڭ كۆپلىگەن ۋەكىللىرى ۋە ئەزالىرى ئاساس قاتلاملاردىن كەلگەن بولۇپ، ئۇلار ئىككى يىغىنغا جەمئىيەتنىڭ ھەر قايسى ساھەلىرىنىڭ سادالىرىنى ئىلىپ كېلىپ، ھۆكۈمەتنىڭ سىياسەت بەلگىلىشىنى ئىجابىي ئەھمىيەتكە ئىگە تەكلىپ ۋە لايىھەلەر بىلەن تەمىنلەيدۇ.

دىفۇئان مۇنداق دەپ ھېسابلىدى: جۇڭگو ئۇزاق مۇددەت سىجىل يۇقىرى سۈرئەتتە تەرەققىي قىلغاندىن كىيىن، ئۆتكەن يىلدىن بۇيان ئىقتىسادنىڭ ئېشىشنى ئاستىلاتتى، بۇ، جۇڭگو ئىقتىسادىدا مەسىلە كۆرۈلگەنلىكىدىن بولماستىن، بەلكى جۇڭگو ھۆكۈمىتىنىڭ ئەقىل پاراسەتلىك ئىكەنلىكىنى چۈشەندۈرىدۇ. مەن، جۇڭگودا تەكشۈرۈش ئېلىپ بېرىش جەريانىدا، جۇڭگونىڭ ھەر دەرىجىلىك ھۆكۈمەتلىرىنىڭ، ئىقتىسادى تەرەققىياتتا بايلىقنى خورتۇش ۋە مۇھىيتغا بۇزغۇنچىلىق قىلىشنى بەدەل قىلىشقا بولمايدىغانلىقىنى، يۇقىرى سۈپەتلىك ئىمكانىيەتلىك سىجىل تەرەققىياتنىڭ جۇڭگونىڭ بۇندىن كىيىنكى تەرەققىيات نىشانى ئىكەنلىكىنى ئىنتايىن ئېنىق تونۇپ يەتكەنلىكىگە دىققەت قىلدىم، بۇ خىل تاللاش، جۇڭگونىڭ تەرەققىيات جەريانىدا يەكۈنلەپ چىققان ئۈنۈملۈك تەجرىبىسى، شۇنداقلا تەرەققىي قىلىۋاتقان باشقا دۆلەتلەرنى ئۆرنەك بىلەن تەمىنلىدى.

جۇڭگوچە سوتسىيالىستىك بازار ئىگىلىكىنىڭ تەرەققىي قىلىشىغا ئەگىشىپ، چىرىكلىك جۇڭگو يولۇققان بىر يېڭى خىرىسقا ئايلاندى، چېرىكلىككە قارشى تۇرۇشمۇ بۇ يىللىق ئىككى يىغىندا جۇڭگو ۋە چەتئەللەر كۆڭۈل بىلىدىغان بىر مەسىلە بولدى. دېفۇئاننىڭ قارىشىچە، جۇڭگونىڭ چېرىكلىككە قارشى تۇرۇش ھەرىكىتى بىر تۈرلۈك سىستېما قۇرۇلۇشى بولۇپ، ھەر دەرىجىلىك ئەمەلدارلار ئارىسىدا قانات يايدۇرۇلغان ھەمدە مەيلى كىمنىڭ بولۇشى، دەرىجىسىنىڭ قانچىلىك يۇقىرى بولۇشىدىن قەتئىي نەزەر كىمكى قانۇنغا خىلاپلىق قىلىپ، ھوقۇقىدىن قالايمىقان پايدىلىنىپ ئۆز نەپسىگە چوغ تارتسىلا، ئۇنىڭ قانۇن ئىنتىزامنىڭ جازاسىغا ئۇچرايدىغانلىقىنى، جۇڭگولۇقلار ئېيتقاندا چوڭ كېچىككە بىرگە زەربە بېرىش ھېسابلىنىدىغانلىقى توغرىسىدا سىگنال بېرىلگەن. ئۇ، جۇڭگو قانات يايدۇرغان چېرىكلىككە قارشى تۇرۇش ھەرىكىتىنى ماختىدى، ھەمدە چېرىكلىككە قارشى تۇرۇش جۇڭگونىڭ دۇنيادىكى ئابرۇيىنى تېخىمۇ يۇقىرى كۆتۈردى، جۇڭگوغا بولغان ئىشىنىشنى يەنىمۇ كۈچەيتتى دېدى.

دىفۇئان يەنە مۇنداق دېدى: جۇڭگو، جۇڭگو كومپارتىيەسىنىڭ ئىچكى قىسمىدا چېرىكلىككە قارشى تۇرۇشنى كۈچەيتىپلا قالماستىن، يەنە ھۆكۈمەت ئىشلىرىنى زامانىۋىلاشتۇرۇش ئارقىلىق ھۆكۈمەتنىڭ مەمۇرىيەتنى يولغا قويۇش ئۈنۈمىنى ئۆستۈردى، بۇ چىرىكلىك ھادىسىلىرىنىڭ يۈز بېرىش مۇمكىنچىلىكىنى تۆۋەنلەتتى. ئۇ يەنە مۇنۇلارنى تەكىتلىدى: بۇنىڭ جاپالىق ۋە مۇرەككەپلىكىنى كۆزدە تۇتۇپ، چىرىكلىككە قارشى تۇرۇشتا سىياسەت ۋە ئۇنىڭ قەرەللىك ئۈنۈمىنى باھالاشتا باشتىن ئاخىرى چىڭ تۇرۇش كېرەك.

ئۇ شۇنىڭ بىلەن بىر ۋاقىتتا مۇنداق دەپ ھېسابلىدى: نۆۋەتتە چىرىكلىك يالغۇزلا جۇڭگو يولۇقىۋاتقان مەسىلە بولماستىن، شۇنداقلا دۇنيادىكى ھەر قايسى دۆلەتلەر يولۇقۇۋاتقان مەسىلە، خەلقئارا جەمئىيەت چېرىكلىككە قارشى تۇرۇش جەھەتتىكى ھەمكارلىقنى كۈچەيتىشى كېرەك . نۆۋەتتە جۇڭگو چېرىكلىككە قارشى تۇرۇشتا خەلقئارانىڭ ياردىمى ئۈستىدە ئىزدىنىشكە باشلىدى. ئۇ يەنە مۇنداق دەپ كۆرسەتتى: چېرىكلىككە قارشى تۇرۇشنىڭ يەنە بىر ئاچقۇچى خەلقئارا ھەمكارلىق ئارقىلىق باجدىن ئۆزىنى قاچۇرۇشقا زەربە بېرىشتىن ئىبارەت، چۈنكى بۇنىڭدا ھەر قايسى دۆلەتلەردىكى چىرىك ئۇنسۇرلارنىڭ ھارام پۇلى ۋە قانۇنسىز مال-مۈلكىنى يۆتكەيدىغان ئاساسلىق ئورۇن بولۇپ، بۇ يولنى قەتئىي تاقاش كېرەك.