بۇ يىل 23 ياشقا كىرگەن ئىتالىيەلىك داڭلىق ھۇجۇمچى بالوتېللى مەيلى مۇسابىقە مەيدانىدا بولسۇن ، ياكى مەيدان سىرتىدا بولسۇن كاللىسىغا نېمە كەلسە شۇنى دەيدىغان ،شۇنداقلا ھىچكىمدىن تەپ تارتمايدىغان ئەركىن پۇتبولچى .بۇ جەھەتتە بالوتېللىنىڭ دۇنيادا نامى بار .مۇشۇ مىجەزى بىلەن ھەر ۋاقىت كىشىلەرنىڭ قىزىق نوقتىسى .ئەلۋەتتە ،ئا س مىلان كوماندىسىدىكى ئىپادىسىمۇ ياخشى .يېقىندا بالوتېللى ئالدىنقى يېرىم پەسىل كوماندىدىكى « ئەڭ مۇنەۋۋەر پۇتبولچى » بولۇپ باھالاندى .ئىتالىيە توپ مەستانىلىرى كېلەر يىلى ئۆتكۈزىلىدىغان دۇنيا پۇتبول مۇسابىقىسدە بالوتېللىدىن زور ئۈمىد كۈتىدۇ .بالوتېللىنىڭ سۆزىگە قارىغاندا ،دۇنيا لوڭقىسدا ئۆزىگە ئەڭ ئاۋارىچىلىق ئېلىپ كېلىدىغان توپچى بولسا پورتۇگالىيەلىك داڭدار چولپان كىرىستىئانو رونالدو بىلەن ئۇرۇگۋايلىق ھۇجۇمچى سۇيارېز ئىكەن .باشقا توپچىلاردىن قەتئى قورقۇپ قالمايدىكەن .ھەتتا بۇ قېتىم مېسسىنى تىلغا ئېلىپمۇ قويمىغان .بالوتېللى تەكەللۇپ قىلىپ ئولتۇرماي ئۇدۇللا قىلىپ مۇنداق دىگەن .بۇ بىر يىلدا پەقەت رونالدولا مەندىن كۈچلۈك .بىراق رونالدونى بىرازىلىيەدە بىر تەرەپ قىلىمەن .ساقلاپ تۇر پورتۇگالىيەلىك .مەرگەنلكنى ئالمىسام ھېساپ ئەمەس !

2014-يىلى يازدا ئېلىپ بېرىلىدىغان دۇنيا پۇتبول مۇسابىقىسىنىڭ گۇرۇپ مۇسابىقىسىدە ، ئىتالىيە كوماندىسى تۇنجى مەيداندا سۇيارېزنى ئۆز ئىچىگە ئالغان ئۇرۇگۋاي كوماندىسى بىلەن تۇتۇشىدۇ .ئارقىدىن ئېنگىلاند ،كوستارىكا قاتارلىق كوماندىلار بىلەن ئوينايدۇ .گۇرۇپپىدىن چىقىپ كېتەلىسە بالوتېللى ئارزۇسى بويىچە پورتۇگالىيە بىلەن ئۇچۇرشۇپ قېلىشىمۇ مۇمكىن !