مۇخبىرنىڭ يېقىندا ئۈرۈمچى شەھەرلىك ئادەم كۈچى بايلىقى ۋە ئىجتىمائىي كاپالەت نازارىتىدىن ئىگىلىشىچە، ئاپتونوم رايونلۇق ئادەم كۈچى بايلىقى ۋە ئىجتىمائىي كاپالەت نازارىتى، ئۈرۈمچى شەھەرلىك ئادەم كۈچ بايلىقى ۋە ئىجتىمائىي كاپالەت ئىدارىسى 2015-يىلى ئۈرۈمچىدىكى ئالىي مەكتەپنى پۈتتۈرىدىغان 9000 نەپەر ئوقۇغۇچىغا قارىتا ئىگىلىك تىكلەش كۇرسى ئېچىشنى پىلانلىغان.
ئىگىلىنىشىچە، ئىگىلىك تىكلەش ئازۇسى بارلار شۇنداقلا 2015-يىلى ئوقۇش پۈتتۈرىدىغان ئىستۇدېنتلار بۇ قېتىمقى كۇرسنىڭ ئاساسلىق تەربىيەلەش ئوبيېكتى قىلىنىدىكەن.ئۇلار ئىگىلىك تىكلەش ئېڭىنى يېتىلدۈرۈش، ئىگىلىك تىكلەش پىلانىنى تۈزۈش، ئەمەلىي ئىقتىدارىنى يېتىلدۈرۈش قاتارلىق جەھەتلەردىن تەربىيەلىنىدىكەن. ئۈرۈمچى شەھىرىدىكى بۇ يىل ئالىي مەكتەپنى پۈتكۈزىدىغان ئوقۇغۇچىلاردىن ئىگىلىك تىكلەش بويىچە تەربىيەلەش پىلانىغا كىرگۈزۈلگەنلەرنىڭ تەربىيەلىنىش ھەققىنى ئاپتونوم رايونلۇق ئادەم كۈچى بايلىقى ۋە ئىجتىمائىي كاپالەت نازارىتى بىلەن ئۈرۈمچى شەھەرلىك ئىشقا ئورۇنلاشتۇرۇش ۋە قايتا ئىشقا ئورۇنلاشتۇرۇش ئورنى ئۈستىگە ئالىدىكەن، ھەر بىر قارار كۇرسنىڭ تولۇقلىما پۇلى 12 مىڭ 500 يۈەن بولۇپ، بۇ ھەممىباب ئىقتىدارنى يېتىلدۈرۈش تولۇقلىمىسىنى ئۆز ئىچىگە ئالمايدىكەن.
شىنجاڭ ئۇنىۋېرسىتېتى، شىنجاڭ يېزا ئىگىلىك ئۇنىۋېرسىتېتى، شىنجاڭ مالىيە-ئىقتىساد ئۇنىۋېرسىتېتى، شىنجاڭ پىداگوگىكا ئۇنىۋېرسىتېتى، شىنجاڭ تېببىي ئۇنىۋېرسىتېتى، شىنجاڭ ئۇنىۋېرسىتېتى ئىلىم-پەن ئۇچۇر ئىنىستىتۇتى، شىنجاڭ سانائەت-قۇرۇلۇش ئىنىستىتۇتى، شىنجاڭ كەسپىي ئۇنىۋېرسىتېتى، ئۈرۈمچى كەسپىي ئۇنىۋېرسىتېتى، شىنجاڭ قاتناش كەسپىي تېخنىكا ئىنىستىتۇتى، شىنجاڭ يېنىك سانائەت كەسپىي تېخنىكا ئىنىستىتۇتى، شىنجاڭ پېداگوگىكا ئالىي تېخنىكومى، شىنجاڭ قۇرۇلۇش كەسپىي تېخنىكا ئىنىستىتۇتى، شىنجاڭ ئېنېرگىيە كەسپىي تېخنىكا ئىنىستىتۇتى، شىنجاڭ تەڭرىتاغ كەسپىي تېخنىكا ئىنىستىتۇتى، شىنجاڭ سەنئەت ئىنىستىتۇتى قاتارلىق مەكتەپلەرنىڭ ئوقۇغۇچىلىرى مەكتەپنىڭ بۇ ھەقتىكى ئالاقىدار خەۋەرلىرىگە دىققەت قلىپ تۇرۇشى، ئىگىلىك تىكلەش كۇرسىغا قاتنىشىدىغان ئوقۇغۇچىلار «شىنجاڭدىكى ئالىي مەكتەپلەرنى پۈتتۈرىدىغان ئوقۇغۇچىلارنىڭ كەسپىي ساھەگە كىرىش ئىقتىدارىنى تەربىيەلەش » مەخسۇس تورى (xj.tynlpx.com)غا كىرىپ تور ئارقىلىق ئۆگەنسە بولىدىكەن.