ئاپتوموبىللار شەھەرچىسى تورى خەۋىرى لەگلەك تورى تەرجىمىسى.كۆپلىگەن ئائىلىلەرگە نىسبەتەن ئاپتوموبىل سېتىۋېلىش قىيىن ئەمەس، ئەمەلىيەتتە ئۇنىڭ قىيىن تەرىپى ئاپتوموبىلنى سېتىۋالغاندىن كېيىنكى ئىشلىتىش، ئاسراش، رېمونت قىلىش چىقىمى. ئۇنداقتا ئاپتوموبىل ئىشلىتىشتە ئورۇنسىز چىقىملارنى تېجىگىلى بولامدۇ؟

1. ئاسرىلىدىغان دەۋرلىنىش ۋاقتىنى توغرا بېكىتىش:

ئاسرىلىدىغان دەۋرلىنىش ۋاقتى دېگىنىمىز ئاپتوموبىللارنى ئاسرايدىغان ۋاقىت ئارىلىقى ۋە ۋاقىتنى كۆرسىتىدۇ. شوپۇرلار ئاپتوموبىللارنى ئىشلىتىش جەريانىدا، ئاپتوموبىل ئىشلەپچىقارغان زاۋۇت تونۇشتۇرغان ئاسراش دەۋر قىلىش ۋاقتى، ئاپتوموبىلنىڭ تېخنىكا ئەھۋالى ۋە ئىشلەش شارائىتىغا ئاساسەن ئاسراش ۋاقتىنى مۇۋاپىق تەڭشىسە بولىدۇ. ئادەتتە، ياخشى يول مۇھىتىدا ئىشلىتىلگەن ئاپتوموبىللارنى كەينى – كەينىدىن رېمونت قىلىش ھاجەتسىز؛ ماشىنا ھەيدەش ماھارىتىڭىز تۆۋەن ھەم ماشىنا ناچار مۇھىتتا ھەيدەلگەن بولسا، زاۋۇت بېكىتكەن ئاسراش دەۋرلىنىش ۋاقتىنى ئەڭ يۇقىرى چەك قىلىۋالماي، مۇۋاپىق ئاسراش دەۋرلىنىش ۋاقتىنى تاللىۋالسىڭىز بولىدۇ.

2.ئومۇميۈزلۈك چۇۋۇپ رېمونت قىلىشىدىن ساقلىنىش:

ئاپتوموبىلنى ئومۇميۈزلۈك چۇۋۇپ رېمونت قىلغاندا، مەلۇم زاپچاسلار ياخشى قۇراشتۇرۇلماي قېلىشى ياكى كەم قۇراشتۇرۇلۇپ قېلىشى مۇمكىن. بۇنداق بولغاندا، ئاپتوموبىل مۇددەتتىن بۇرۇن رېمونت قىلىش مەزگىلىگە كىرىپ قالىدۇ. بۇنداق بولۇشنىڭ سەۋەبى، بىرىنچىدىن، رېمونتچىنىڭ قۇراشتۇرۇش تېخنىكىسىنىڭ يۇقىرى بولماسلىقىدىن بولسا، ئىككىنچىدىن، ئىشلىتىلگەن زاپچاسلارنىڭ سۈپىتىدە مەسىلە بارلىقىدىن بولىدۇ. شۇڭا پۈتۈنلەي چۇۋۇپ رېمونت قىلدۇرۇشقا توغرا كەلسە، ئۈسكۈنىسى ئىلغار، تېخنىكىسى يۇقىرى ئىشەنچلىك رېمونتخانىلارغا بېرىپ، زۆرۈر بولمىغان رېمونتلارنى قىسقارتىپ، پۈتۈنلەي چۇۋۇپ رېمونت قىلىش ۋە بىر قىسىم زاپچاسلار پەيدا قىلىدىغان ئورۇنسىز زەخىملىنىشتىن ساقلىنىپ، ئاسراش سۈپىتىنى ئۆستۈرۈپ، چىقىمنى ئازايتىش كېرەك.

3. ھەقسىز تەكشۈرۈپ «دىياگنوز» قويۇش:

ھازىر ئاپتوموبىل زاۋۇتلىرى قانات يايدۇرۇۋاتقان ھەقسىز تەكشۈرۈپ «دىياگنوز» قويۇش پائالىيەتلىرى شوپۇرلار ئۈچۈن ناھايىتى پايدىلىق. شوپۇرلار بۇنىڭدىن ئوبدان پايدىلىنىپ، بەزى كېلىپ چىقىش ئېھتىمالى بولغان يۇقىرى چىقىملىق ئاۋارىچىلىكلەرنىڭ ئالدىنى ئېلىپ، چىقىمىنى تېجەشنى بىلىۋېلىشى كېرەك.

4. ماي سەرپىياتى مۇۋاپىق بولۇش:

ماينى مۇۋاپىق ئىشلىتىش مۇنداق ئىككى تەرەپنى ئۆز ئىچىگە ئالىدۇ: بىرىنچىسى، يېقىلغۇ مېيى، ئىككىنچىسى، سىلىقلاش مېيى. يېقىلغۇ مېيى مۇۋاپىق كەلمىسە ماي سۈزگۈچتوسۇلۇپ قېلىش ۋە ماي پۈركۈگۈچنىڭ پۈركەش ئىقتىدارى ناچار بولۇش كاشىلىلىرى كۆرۈلۈپ، موتورنىڭ سۈرئىتى توسالغۇغا ئۇچراش بىلەن ماي سەرپىياتىنى يوقىرىلىتىۋېتىش كېلىپ چىقىپ، سىلىندىرنىڭ ئۇپىرىشىنى ئېغىرلاشتۇرۇۋېتىدۇ، موتورنىڭ ئۆمرىنى قىسقارتىپ، ئاپتوموبىلنى ئاسراش ۋە رېمونت قىلىش چىقىمىنى كۆپەيتېۋېتىدۇ. ماركىسى ۋە دەرىجىسى ئوخشاش بولمىغان سىلىقلاش مايلىرىنىڭ سۈپەت ۋە باھا پەرقى چوڭ بولىدۇ. ئۇنداقتا قانداق سىلىقلاش مېيىنى سېتىۋالغاندا، باھاسى مۇۋاپىق ھەم ئۈنۈمى ياخشى بولىدۇ؟ ئۇنىڭ پىرىنسىپى مۇنداق: ئاپتوموبىللارنىڭ ئىشلىتىش تەلىپىگە ماس كېلىدىغانلىرىنى سېتىۋېلىش، توغرا سېتىۋېلىش، قىممىتىنى سېتىۋالماسلىق. مەسىلەن، موتورنىڭ ئاپتولىنى ئېلىپ ئېيتساق، دۆلىتىمىزدە ئىشلەنگەن ئاپتوموبىللارغا دۆلىتىمىزدە ئىشلەنگەن SJ دەرىجىلىك ئاپتوللارنى ئىشلىتىلەگلەك تورى ئۈندىدار سالونىنى قۇشۇۋېلىڭ ،ئىزدەش نومۇرى :LEGLEKش، ئىمپورت قىلىنغانلىرىغا ئېسىلىۋالماسلىق لازىم.