يەر شارى تورى خەۋىرى لەگلەك تورى تەرجىمىسى.روسىيە ئۇكرائىنا مەسىلىسى 2014- يىلى كىرگەندىن بۇيان ۋە  ئۇنىڭدىن ئىلگىرىمۇ ھەممە كىشىنىڭ دىققىتىنى تارتىۋاتقان مۇھىم مەسىلىلەرنىڭ بىرى بۇلۇپ قالدى . روسىيە ۋە ئۇكرائىنا مەسىلىسىنى قانداق ھەل قىلىش كېرەك , ئىككى دۆلەت ئوتتۇرسىدىكى تۈپ زىددىيەت زادى نېمە ,دېگەنگە ئوخشاش مەسىلىلەر ھەر قايسى خەلقئارلىق تەشكىلات ۋە دۆلەتلەرنىڭ بېشىنى ئاغرىتىدىغان قىيىن مەسىلە بۇلۇپ قالدى . ئەلۋەتتە ياۋروپا ئىتتىپاقى بۇ مەسىلىلەرگە جاۋاپ تېپىشقا بەكرەك ئالدىرايدۇ .

ياۋروپا ئىتتىپاقىغا ئەزا دۆلەت رەھبەرلىرى شۇ جاي ۋاقتى 18-دېكابىر بېريوسىلدا بۇ يىلقى ئەڭ ئاخىرقى قېتىملىق چوققا يىغىنىغا قاتناشقان ئىدى .ھەمدە ياۋروپا ئىتتىپاقىنىڭ روسىيە ئىستىراتېگىيىسىگە بىردەك مۇئامىلە قىلىشنى ئوتتۇرىغا قويدى.

يېڭىدىن تەيىنلەنگەن ياۋروپا كېڭىشىنىڭ مۇئاۋىن رەئىسى شۇ كۈنى كەچقۇرۇن ئېچىلغان ئاخبارات ئېلان قىلىش يىغىنىدا ئۇكرائىنا مەسىلىسىنىڭ ئۇزۇن مەزگىللىك ھەل قىلىش لايىھىسىنى تېپىپ چىقىمىز دەيدىكەنمىز مۇكەممەل ھەم بىرلىككە كەلگەن ياۋروپا نۇقتىسىدا تۇرۇپ روسىيە ئىستىراتېگىيىسىگە مۇئامىلە قىلىش كېرەك دېدى ئۇ يەنە مۇنداق دېدى :‹.ئۇكرائىنا كىرزىسىغا تاقابىل تۇرۇش ئۇسۇلىمىز بىزنىڭ نىشانىمىز ۋە ئەمەلىي كۈچىمىزگە ئۇيغۇن كېلىشى كېرەك ،ئىنكاس قايتۇرۇش ۋە مۇداپىئەلىنىش بىلەنلا چەكلىنىپ قالسا بولمايدۇ ،ياۋروپا كۈچلۈك ئەۋزەللىك بىلەن ئۆز رولىنى جارى قىلدۇرۇشى كېرەك ›.

ياۋروپا ئىتتىپاقى چوققا يىغىنى ئاخىرلاشقاندىن كېيىنكى باياناتتا ،ياۋروپا ئىتتىپاقى ۋە ياۋروپا ئىتتىپاقىغا ئەزا دۆلەتلەرنىڭ ئۇكرائىنانىڭ ئىسلاھات مۇساپىسىنى قوللايدىغانلىقى ،ياۋروپا ئىتتىپاقى كومىتېتنىڭ ئوكرائىناغا بېرىدىغان ئىنسانپەرۋەرلىك ياردىمىنى تېخىمۇ كۈچەيتىدىغانلىقىنى بىلدۈردى .باياناتتا يەنە ئۇكرائىنانىڭ شەرقىي ۋەزىيىتىگە يۈكسەك ئەھمىيەت بېرىلىۋاتقانلىقى بىلدۈرۈلدى .ھەمدە روسىيەنى ئۆز ئىچىگە ئالغان ھەر قايسى تەرەپلەرگە مىنسك كېلىشىمنى قەتئىي ئىجرا قىلىش مۇراجىئەت قىلىندى .

ئۇنىڭدىن ئىلگىرى ياۋروپا ئىتتىپاقى ئوكرائىناغا تەخمىنەن بىر مىليارد 600 مىليون ياۋرو پۇل مۇئامىلە ياردىمى قەرزى بېرىش كېلىشىمى ئىمزالىغان بۇلۇپ ،ئۇكرائىنانىڭ كېلىشىمدىكى مەزمۇنلار بويىچە ئالاقىدار ئىسلاھاتلارنى ئىلگىرى سۈرۈش قەرز پۇل بېرىشنىڭ ئالدىنقى شەرتى قىلىنغان .

ئۇكرائىنانىڭ قىيىن ئەھۋالدا قالغان ئىقتىسادىي ۋەزىيىتى ۋە قۇرۇلما ئىسلاھاتىنى ئىلگىرى سۈرۈش بولسا ياردەم مەقسىتى قىلىنغان .

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى :LEGLEK