ئىراق كرىزىسى پارتلىغاندىن كىيىن، «ئىسلام دۆلىتى» ئەسەبىي تەشكىلاتىنىڭ ھەرىكىتى بۇ دۆلەتتە ۋە پۈتكۈل ئوتتۇرا شەرق رايونىدا يۇقىرى پەللىگە كۆتۈرۈلدى، خەلقئارا جەمئىيەت بولۇپمۇ ئامېرىكا بۇنىڭدىن قاتتىق ئەندىشە قىلىشقا باشلاپ، بۇ ئەسەبىي تەشكىلاتنى يوقىتىشقا ئوتتۇرا شەرق رايونىدىكى دۆلەتلەرنىڭ قاتنىشىشى ئۈستىدە ئىزدىنىشكە باشلىدى.

ئامېرىكىنىڭ دۆلەت موداپىئە مىنىستىرى خاگىل بىلەن ئامېرىكا ئارمىيەسى شتاب باشلىقلىرى بىرلەشمە كېڭىشىنىڭ رەئىسى دىمپىسى 21-ئاۋغۇست بىرلا ۋاقىتتا بەش بۇرجەكلىك بىنادا ئۆتكۈزۈلگەن مۇخبىرلار يىغىنىدا، شۇ كۈنى ئامېرىكىنىڭ، ئىسلام ئەسەبىي تەشكىلاتىنىڭ يېقىنقى يىللاردىن بۇيان ئەڭ خەتەرلىك تەشكىلات بولغانلىقىنى، ئوتتۇرا شەرق رايونىنىڭ ئىسلام دۆلىتى بىلەن قارشىلىشىدىغان ئۇزاق مۇددەتلىك كۈرەشكە قاتناشتۇرۇش كېرەكلىكىنى بىلدۈردى.

ئامېرىكىنىڭ دۆلەت موداپىئە مىنىستىرى خاگىل 21-ئاۋغۇست بەش بۇرجەكلىك بىنادا ئۆتكۈزۈلگەن مۇخبىرلار يىغىنىدا مۇنداق دېدى: ئىسلام دۆلىتىنىڭ پۈتكۈل يەر شارىنىڭ بىخەتەرلىكىگە بولغان تەھدىتى ئىلگىرىكى ھەر قانداق ۋاقىتتىكى تەھدىتلەردىن ئېشىپ كەتتى. ئۇ مۇنداق دەپ كۆرسەتتى: بۇ تەشكىلاتنىڭ قۇرال جابدۇقلىرى ئىلگىرىكى ھەر قانداق ئەسەبىي تەشكىلاتلارنىڭكىدىن تېخىمۇ ياخشى، مەشىق قىلىش ساپاسى يۇقىرى، مەبلىغىمۇ تولۇق بولماقتا.

ئۇ مۇنداق دېدى: ئۇلار ئىدولوگىيە بىلەن بىر مۇرەككەپ بولغان ئىستراتېگىيە ھەم تاكتىكىنى ھەربىي ئىشلار تەھدىتى بىلەن بىرلەشتۈرمەكتە. ئۇلار مول مەبلەغكە ئىگە. بۇ بىز ئىلگىرى ئۇچراتقان ھەر قانداق نەرسىدىنمۇ ئېشىپ كەتتى.

ئامېرىكا شتاب باشلىقلار بىرلەشمە كېڭىشىنىڭ رەئىسى ئاگاھلاندۇرۇپ مۇنداق دېدى: ئىسلام دۆلىتى تەشكىلاتى خەلىپىلىكنى قۇرۇش ئارزۇسى ئوتتۇرا شەرق رايونىنىڭ قىياپىتىنى ئۆزگەرتىدۇ ھەمدە كۆپ جەھەتلەردىن ئامېرىكىغا تەھدىتى مۇھىتىنى پەيدا قىلىدۇ.

ئۇ مۇنداق دەپ كۆرسەتتى: ئامېرىكىنىڭ كۈچىگە تايىنىپ ئىسلام دۆلىتىنى يوقاتقىلى بولمايدۇ، شۇڭا ئوتتۇرا شەرق ۋە باشقا دۆلەتلەرنىڭ قاتنىشىشغا توغرا كېلىدۇ. ئۇ يەنە مۇنداق دېدى: دەمەشق بىلەن باغداد ئارىلىقىدا تۇرمۇش كەچۈرۈۋاتقان 20 مىليون سۇننى مەزھىپىدىن بولغان ئامما بىرلىكتە قارشىلىق كۆرسەتكەندىلا، ئاندىن بۇ تەشكىلاتنىڭ كۈچىنى توسۇپ قالغىلى بولىدۇ.

ئۇنىڭ قارشىچە: ئامېرىكا ئوتتۇرا شەرق رايونىدا ئىسلام دۆلىتى تەشكىلاتى قاتارلىق تېررورچى تەشكىلاتلارغا زەربە بېرىشتە: بىرىنچىدىن بىۋاسىتە زەربە بېرىش. ئىككىنچىدىن، رايون ئىچىدە ئىتتىپاقداشلارنى ئىزدەش. ئۈچىنچىدىن ئىتتىپاقداشلىرىنىڭ ئۆزنىڭ ئەمەلىي كۈچىنى ئۆستۈرۈشىگە ياردەم بېرىشدىن ئىبارەت ئۈچ تۈرلۈك تاكتىكىنى قوللىنىدىكەن.

خاگىل ئوخشاشلا ھاۋادىن ھۇجۇم قىلىشنىڭ چەكلىكلىكىنى بىلدۈردى، بىراق ئۇ ئامېرىكىنىڭ ۋەزىپىسىدىن چەتنىمەي يەنىلا ئامېرىكىنىڭ مەنپەئەتىنى قوغداپ، ئىراق ھۆكۈمىتىگە ياردەم بېرىشنى ئۆزىنىڭ ھەرىكەت نىشانى قىلىدىغانلىقىنى قايتا تەكىتلىدى.

ئۇ مۇنداق دېدى: ھاۋادىن ھۇجۇم قىلىشدىن سىرت، ئىراق يەنە بىر كەڭ قۇرساق ھۆكۈمەت تەشكىللىشى ۋە خەلقئارا جەمئىيەت بۇنىڭغا ياردەم بېرىشى كېرەك.
ئامېرىكا ئارمىيەسىنىڭ ئامېرىكىدا تۇرۇشلۇق سابىق قوماندانى ئەيلون مۇنداق دېدى: ئامېرىكا ئىسلام تەشكىلاتىنىڭ تەھدىتى زورىيىشدىن ئىلگىرى، كەسكىن تەدبىر قوللىنىپ، بۇ تەشكىلاتنى يوقىتىشى كېرەك.

ئۇ ئامېرىكا زۇڭتۇڭى ئوبامانىڭ ھازىرغىچە بىلدۈرگەن ئىراقنىڭ شىمالىي قىسىمىغا ھاۋادىن ھۇجۇم قىلىش ئىنكاسىنى ماختىدى. بىراق ئۇ مۇنداق دەپ كۆرسەتتى: ھاۋادىن ھۇجۇم قىلىش ھەرىكىتى ئىراق بىلەنلا چەكلىنىپ قالدى، ئامېرىكا سۇرىيەنىڭ غەربىي قىسىمىغا ئوخشاش ھەرىكەت قوللىنىشى كېرەك.

مەزكۇر تەشكىلات يېقىندا قوزغىغان ھۇجۇمغا ئىنكاس قايتۇرۇش ئۈچۈن، ئامېرىكا دۆلەت موداپىئە مىنىستىرلىقى 21-ئاۋغۇست، ئامېرىكا ئۇرۇش ئايروپىلانلىرىنىڭ ئىراقنىڭ شىمالىدىكى موسۇرغا يېقىن بولغان جايغا ئالتە قېتىم ھاۋادىن ھۇجۇم قىلىپ، ئامېرىكىدا ئىشلەنگەن ھەربىي ئاپتوموبىلدىن ئۈچنى، ئۇندىن باشقا بىر ئاپتوموبىل بىلەن كۆپلىگەن پارتلىتىش ئۈسكۈنىلىرىنى ۋەيران قىلغانلىقىنى جاكارلىدى. ھازىرغا قەدەر، ئامېرىكىنىڭ ئىسلام دۆلىتى تەشكىلاتىغا تەخمىنەن 90 قېتىم ھاۋادىن ھۇجۇم قىلدى. بۇ تەشكىلات ئامېرىكىنىڭ ھاۋا ھۇجۇمىدىن ئۆچ ئېلىش ئۈچۈن، ئەسىرگە ئىلىنغان ئامېرىكىنىڭ مۇخبىرىنى ئۆلتۈردى. بۇ ۋەقە ئاشكارىلانغاندىن كىيىن، ئامېرىكا ھاۋادىن 20 قېتىم ھۇجۇم قىلدى.

ئامېرىكىلىق بىر قىسىم مۇتەخەسسىسىلەر مۇنداق دەپ ھېسابلىدى : بۇ تەشكىلاتقا ئەجەللىك زەربە بېرىش ئۈچۈن، قوش لىنىيەلىك ئۇسۇل يەنى ئىراقتىن سىرت، سۇرىيەدىكى بۇ تەشكىلاتقا زەربە بېرىش كېرەك.

ئۇندىن باشقا سۇرىيەدىكى مۆتىدىل ئۆكتىچىلەر، ئىراق ھۆكۈمەت ئارمىيەسى ۋە كوردلارنى مەشىق قىلدۇرۇشنى كۈچەيتىش ھەمدە ئۇلارنى قۇرال بىلەن تەمىنلەش كېرەك.
ئامېرىكا ئاخبارات تارماقلىرىنىڭ مۆلچەرلىشىچە، ئىسلام دۆلىتى تەشكىلاتىنىڭ يۇقىرى دەرىجىلىك رەھبىرىنى ئۆلتۈرگەن بىلەنمۇ، بۇ تەشكىلاتنى مەغلۇپ قىلىش ئاسانغا چۈشمەيدىكەن. ئامېرىكا ھۆكۈمەت ئەمەلدارى مۇنداق دېدى: ئاخبارات مۇتەخەسسىسلىرى يەنە بۇ تەشكىلاتنىڭ ئەمەلىي كۈچىنى باھالىغان.