بەزىدە بوش ۋاقىتىڭىز چىققاندا بەلكىم سىزمۇ بۈگۈنكى كۈندە تارىختا قانداق ئىشلار يۈز بەرگەن بولغىيدى دەپ ئويلايدىغانسىز .ئۇنداقتا بىز تارىختىكى بۈگۈن يەنى 20-ئاۋغۇستقا نەزەر سېلىپ باقايلى :

1995-يىلى بۈگۈنكى كۈندە، يەرشارى ئاپتومۇبىل تېلېفونى سېستىمىسى ئىشقا كىرىشتۈرۈلگەن. بۇ سېستىمىنىڭ ئابونتلىرى ماشىنا ئارقىلىق ھەرقانداق يەردە يەرشارى بويىچە خەۋەرلەشسە بولىدۇ. بۇ سېستىمىدا 14 خىل مۇلازىمەت بار بولۇپ، مىنۇتىغا 4 تىن 6 غىچە ئامېرىكا دوللىرى ئالىدۇ. ئاساسلىقى جىددىي قۇتقۇزۇش ئەھۋالىدا ئىشلىتىلىدۇ.

1988-يىلى بۈگۈنكى كۈندە، ئېراق بىلەن ئېران ئومۇميۈزلۈك ئۇرۇش توختاتقان. ئىككى تەرەپنىڭ رەھبەرلىرى ئۇرۇش توختاتقانلىقىنى جاكارلىغاندا ئەسكەرلەر خوشاللىقىدىن ۋارقىراپ كەتكەن.

1968-يىلى بۈگۈنكى كۈندە، سوۋىت ئىتتىپاقى چېخقا ھۇجۇم قىلغان. چېخنىڭ ئىچكى ئىشلىرىگە ئارىلاشقان. چېخ ئىسلاھات ئېلىپ بارغاندىن كېيىن، ئىقتىسادى تەرەققىي قىلدى. سوۋىت ئىتتىپاقى بۇنىڭغا نارازى بولۇپ، سوتسىيالىزىملىق دىموكراتىيە دائىرىسىدىن ئېشىپ كەتتى دېدى. 7-ئاينىڭ ئوتتۇرىلىرىدا سوۋىت ئىتتىپاقى، پولشا، ۋېنگىرىيە، گېرمانىيە، بۇلغارىيە قاتارلىق بەش دۆلەت ۋارشاۋادا يىغىن ئېچىپ، «ھەرىكەت نىزامنامىسى» نى قۇرغان. بۇ چېخنىڭ رەددىيەسىگە ئۇچرىغان. شۇنىڭ بىلە بۇ بەش دۆلەت چېخقا ھۇجۇم قىلدى. سوۋىت ئىتتىپاقىنىڭ ئىشغال قىلىۋېلىشىنى قانۇنلاشتۇردى. سوۋىت ئىتتىپاقى چېخنىڭ ئىچكى ئىشلىرىغا ئارىلاشقانلىقتىن، ھەر قايسى دۆلەتلەرنىڭ ئەيىپلىشىگە ئۇچرىدى.

1940-يىلى بۈگۈنكى كۈندە، 8-ئارمىيە «يۈز تۈەنلىك ئۇرۇش»نى قوزغىغان. 8-ئارمىيە پېڭ دېخۈەينىڭ قوماندانلىقىدا 115 تۈەندىكى 400 مىڭغا يېقىن ئەسكەرنى باشلاپ، 2500 كىلومېتىرلىق ئۇرۇش لىنىيەسىدا، شىمالىي جۇڭگودىكى ياپون ئارمىيىسىغا كەك كۆلەملىك ھۇجۇم قىلغان. جەمئىي 10 مىڭ 645 ياپون ئەسكىرىنى ئېتىپ ئۆلتۈرگەن، ياپون جاھانگارلىرىنىڭ 2993 ئۇۋىسىنى بىتچىت قىلغان، زور مىقداردا ھەربىي لازىمەتلىكلەرگە ئېرىشكەن. يۈز تۈەنلىك ئۇرۇش ياپون جاھانگىرلىرىغا ئەجەللىك زەربە بەرگەن ئۇرۇش ھېسابلىنىدۇ.