يەر شارى خەۋەر تورى 25-ئاپرېل خەۋىرى؛ لەگلەك تورى تەرجىمىسى: ئىراقنىڭ ئىئوردانىيە چېگرىسىدىكى ترايبىل چېگرا ئېغىزىدا بومبا قاچىلانغان 3 ماشىنا بىلەن ئېلىپ بېرىلغان ئۆزىنى قۇشۇپ پارتىلىتىش ھۇجۇمىدا دەسلەپكى تەكشۈرۈشكە ئاساسەن 5 كىشى ئۆلگەن، 9 كىشى يارىلانغان. ئەنبار رايۇنلۇق مەجلىس باشلىقى ساباھ كەرھۇت مۇخبىرغا قىلغا سۆزىدە، تېرور تەشكىلاتى «ئىراق ۋە شام ئىسلام دۆلىتى تەشكىلاتى»نىڭ ترايبىل چېگرا ئېغىزىغا بومبا قاچىلانغان ئۈچ ماشىنا بىلەن ھۇجۇم قىلغانلىقىنى تىلغا ئېلىپ؛ «ئىراق چېگرا مۇھاپىزەتچىلىرى چېگرا ئېغىزىغا يېقىنلاشقان ماشىنىلارغا ئوق چىقاردى، بۇ جەرياندا ئۆزىنى قۇشۇپ پارتلاتقۇچىلار ماشىنىسىنى پارتلاتتى. ۋەقەدە چېگرا مۇھاپىزەتچىلىرىدىن 5 نەپىرى ھاياتىدىن ئايرىلدى، 9 نەپىرى يارىلاندى» دېدى. كەرھۇت، ۋەقەنى سادىر قىلغانلار ھەققىدە مەلۇمات بەرمىدى.
يەنە بىر تەرەپتىن ئىئوردانىيە ئارمىيە باياناتچىىسى پولكوۋنىك مەھمۇد ئەل-ئامىرى پارتلاش ۋەقەسىنىڭ چېگرانىڭ ئىراق تەرىپىدە يۈز بەرگەنلىكىنى ئېيتتى. ئامىرى؛« چېگرادىكى ئۆزگىرىشلەرنى كۆزىتىۋاتىمىز» دېدى. ترايبىل چېگرا ئېغىزى ئىراق بىلەن ئىئوردانىيە ئارىسىدىكى بىردىنبىر چېگرا ئېغىزى ھىسابلىنىدۇ.
بۇ جەرياندا ئىراقنىڭ ئىئوردانىيە چېگرىسىدىكى ترايبىل چېگرا ئېغىزىدا بومبا قاچىلانغان ماشىنا پارتىلىتىش ۋەقەسىدىن كېيىن، ئىئوردانىيە تەرەپ ئۆز تەرىپىدىكى چېگرا ئىشىكىنى تاقىۋەتتى.