يەر شارى خەۋەر تورى 23-ئاپرېل خەۋىرى؛ لەگلەك تورى تەرجىمىسى: Facebook نىڭ 2015-يىلى دەسلەپكى ئۈچ ئايدا ئاكتىپ ئىشلەتكۈچى ئابونتلىرىنىڭ سانى 1 مىليارد 400 مىليوندىن ئېشىپ كەتتى. سېلىشتۇرغاندا Facebook نىڭ ئابونت سانى جۇڭگونىڭ نۇپۇس سانىدىن ئېشپ كەتكەن. شىركەتنىڭ بۇ يىل دەسلەپكى ئۈچ ئ‍ايدىكى كىرىمى 3.54 مىليارد دوللارغا يەتتى.
ئىنتېرنىتتىكى «ئەركىن ئىمپرىيە» دەپ ئاتالغان دۇنيادىكى ئەڭ چوڭ ئىجتىمائى ئالاقە تورى Facebook، كومپىيۇتېر ۋەياكى كۆچمە ئۈسكىنىلەر ئارقىلىق ھەر ئايدا ئاز دىگەندە بىر قېتىم تور بەتكە كىرگەن ئىشلەتكۈچى سانىنى 1 مىليارد 440 مىليونغا يەتكۈزدى. Facebook مۇنداقچە سېلىشتۇرغاندا 1 مىليارد 390 مىليون نۇپۇسقا ئىگە دۇنيادىكى ئادەم سانى ئەڭ كۆپ بولغان جۇڭگودىن ئېشىپ كەتتى.
Facebook ئېلان قىلغان ئۇچۇرلارغا ئاساسلانغاندا، Facebook ئابونتلىرى شىمالى ئامېرىكىدا 210 مىليون، ياۋرۇپادا 310 مىليون، ئاسىيا رايۇنىدا 417 مىليون ۋە دۇنيانىڭ باشقا رايۇنلىرىدىكى ئۇمۇمى ئىشلەتكۈچى ئابونتى 453 مىليون ئىكەن. Facebook كۆچمە ئۈسكىنىلەردىكى كۈچىنى ئاشۇرۇپ 2014-يىلىدىكى 526 مىليون كۆچمە ئۈسكىنە ئابونتى بۇ يىل 581 مىليونغا يەتتى. 2015-يىلى مارتتا Facebook نىڭ كۈنلۈك ئاكتىپ ئابونت سانى يۈزدە 17% نىسبەتتە كۆپىيىپ 936 مىليونغا يەتكەن، ئايلىق ئاكتىپ ئابونت سانى يۈزدە 13% نىسبەتتە كۆپەيگەن. Facebook ئامېرىكىدىكى ھەر بىر ئىشلەتكۈچى ئابونتنىڭ ھەر بەش مىنۇت ۋاقىتنىڭ بىر مىنۇتىنى Facebook ئۈچۈن سەرپ قىلىدىغانلىقىنى بىلدۈردى، ئىجتىمائى ئالاقە قۇرالى Instagram نىڭ كۈندىلىك ئاكتىپ ئابونت سانى 22 مىليون بولۇپ، ئىشلەتكۈچى ئابونتلار رەسىم يوللاش ۋە بەھرىلىنىش ئۈچۈن ئوتتۇرا نىسبەتتە 21 مىنۇت ۋاقتىنى سەرپ قىلىدىكەن.