شىنخۇا تورى مېكسىكا شەھىرى 7 ــ مارت تېلېگراممىسى : مېكسىكىنىڭ شىمالىي قىسمىدىكى تاماۋلىپاس ئىشتاتىدا 7 ــ مارت قوراللىق ئېتىشىش ۋەقەسى يۈز بېرىپ 18 ئادەم قازا قىلغان .
تاماۋلىپاس ئىشتاتى ئاممىۋى بىخەتەرلىك مەركىزىدىكى مۇناسىۋەتلىك خادىملارنىڭ تونۇشتۇرىشىچە ، بۇ ئىشتاتنىڭ ئاۋاسالو شەھىرىدە 7 ــ مارت قاش قارايغان چاغدا قوراللىق ئېتىشىش ۋەقەسى يۈز بەرگەن . ساقچى تەرەپ : ئىككى ئۆز ئارا قارمۇ ــ قارشى قوراللىق گورۇھنىڭ كونترول ھوقۇق تالىشىپ ئۆز ئارا ئېتىشقان بولۇشى مۇمكىنلىكىنى ئېيتقان . نۆۋەتتە ۋەقەنىڭ تەپسىلاتى ئاشكارىلانمىغان ، ئۆلگۈچىلەرنىڭ سالاھىيىتى ئېنىق بېكىتىلمىگەن .
فېدراتسىيە ئەمەلدارى ۋە بۇ ئىشتاتتىكى ھۆكۈمەت خادىملىرى دەرھال نەق مەيدانغا يېتىپ بېرىپ ئاممنى تارقاقلاشتۇرغان ھەمدە كەسكىن ۋەزىيەتنى پەسەيتكەن . تاماۋلىپاس ئىشتاتلىق ھۆكۈمەت : ھۆكۈمەت باش كاتىپىنىڭ بۇ ئىشتاتقا قاراشلىق ھەر قايسى شەھەرلەرنىڭ باشلىقلىرى ياكى فېدراتسىيە تارماقلىرى بىلەن ئالاقىلىشىپ ، بۇ ئىش توغرۇلۇق تەكشۈرۈشنى قانات يايدۇرۇشنى تەلەپ قىلغان .
تاماۋلىپاس ئىشتاتى مېكسىكا چېگرىسى تەرەپكە جايلاشقان بولۇپ ، مېكسىكىدىكى قانۇنسىز قوراللىق ھەرىكەتلەر بىر قەدەر كۆپ يۈز بېرىدىغان رايونلارنىڭ بىرى . نەچچە ئايدىن بۇيان ، تاماۋلىپاس ئىشتاتى تەۋەسىدىكى قانۇنسىز گورۇھلار ھوقۇق تالىشىپ نەچچە قېتىم توقۇنۇشقان ، ئۇنىڭدىن باشقا ، زەھەرلىك چېكىملىك چېكىدىغانلارنى تۇتىدىغان مېكسىكا ھەربىي تەرەپ بىلەن نەچچە قېتىم قوراللىق ئېتىشقان .
