ئىز تورى-爱智网

　　  جۇڭگو ئۇيغۇرچە رادىيو تورى 11-مارت بېيجىڭ خەۋىرى: بىرلەشكەن دۆلەتلەر تەشكىلاتى خەۋپسىزلىك كېڭىشىنىڭ بۇ ئايلىق نۆۋەتچى رەئىسى، ئېلىمىزنىڭ بىرلەشكەن دۆلەتلەر تەشكىلاتى دائىمىي تۇرۇشلۇق ۋەكىلى لى باۋدۇڭ تۈنۈگۈن خەۋپسىزلىك كېڭىشىدا بايانات ئېلان قىلىپ مۇنداق دېدى: جۇڭگو سومالى تىنچلىقى، بىخەتەرلىكى ۋە تەرەققىياتىنى تېزراق ئەمەلگە ئاشۇرۇشنى ئىلگىرى سۈرىدىغان، بىر تۈرلۈك ئومومىيۈزلۈك ئىستىراتىگىيە تۈزۈش ۋە يۈرگۈزۈشنى تەشەببۇس قىلىدۇ. ئېلىمىزنىڭ تەشەببۇسى بىلەن، بىرلەشكەن دۆلەتلەر تەشكىلاتى خەۋپسىزلىك كېڭىشى شۇ كۈنى «سومالى تىنچلىقى ۋە بىخەتەرلىكىنى ئەمەلگە ئاشۇرۇشتىكى ئومومىيۈزلۈك ئىستىراتىگىيە» تېمىسىدا ئوچۇق مۇنازىرە يىغىنى ئېلىپ باردى، يىغىندا خەۋپسىزلىك كېڭىشى رەئىس باياناتىنى ماقۇللاندى. لى باۋدۇڭ مۇنداق دېدى: «جۇڭگو سومالى تىنچلىقى، بىخەتەرلىكى ۋە تەرەققىياتىنى تېزراق ئەمەلگە ئاشۇرۇشنى ئىلگىرى سۈرىدىغان، بىر تۈرلۈك ئومومىيۈزلۈك ئىستىراتىگىيە تۈزۈش ۋە يۈرگۈزۈشنى تەشەببۇس قىلىدۇ. سومالى مەسىلىسىنى ھەل قىلىدىغان ئومومىيۈزلۈك ئىستىراتىگىيەدە سومالىنىڭ ئۆز-ئۆزىگە خوجا بولۇش ھوقوقى ئىپادىلىنىشى، شۇنداقلا بىرلەشكەن دۆلەتلەر تەشكىلاتىنىڭ مۇھىم رولى تولۇق جارى قىلدۇرۇلىشى كېرەك.   پراكتىكانت تەرجىمان: ئامىنە ئابدۇراخمان