ئىز تورى-爱智网

　　      6 – مارت ، تۇغما يۈرەك كېسىلى بىلەن بېيجىڭدا داۋالانغان قەيسەر ئاپىسى بىلەن بىللە ئۈرۈمچىگە قايتىپ كەلدى . شۇ كۈنى ، بېيجىڭغا بېرىپ ھەقسىز داۋالاشنى قوبۇل قىلغان تۇغما يۈرەك كېسىلىگە گىرىپتار بولغان 12 نەپەر شىنجاڭلىق ئۆسمۈر بېيجىڭ غەربىي ۋوگزالدىن T69 – قېتىملىق پويىزغا ئولتۇرۇپ ئۈرۈمچىگە يېتىپ كەلدى . ئىگىلىنىشىچە ، جۇڭخۇا خەير – ساخاۋەتچىلەر باش جەمئىيىتى ئۇيۇشتۇرغان ‹‹ غۇنچىلار قۇرۇلۇشى ›› پائالىيىتىنىڭ ياردەم مەبلىغىگە ئېرىشكەن شىنجاڭلىق 51 نەپەر تۇغما يۈرەك كېسىلىگە گىرىپتار بولغان ئۆسمۈر 2 – ئايدىن باشلاپ بېيجىڭغا بېرىپ داۋالانغان . بۇ بالىلارنىڭ  ئەڭ كىچىكى ئىككى يېرىم ياش ، ئەڭ چوڭى 13 يېرىم ياش بولۇپ ، تۆۋەن تۇرمۇش كاپالىتىدىن بەھرىمەن بولىدىغان ئائىلىلەرنىڭ بالىلىرى ئىكەن .  بۇ قېتىمقى ئوپېراتسىيە ھەققىنىڭ ھەممىسىنى جۇڭخۇا خەير – ساخاۋەت باش جەمئىيىتى ۋە ھاۋا ئامىيە باش دوختۇرخانىسى ئۆز ئۈستىگە ئالغان بولۇپ ، شىنجاڭغا قايتىپ كەلگەن بۇ 12 بالا تۇنجى تۈركۈمدە ئوپېراتسىيە قىلىنغان بالىلار ئىكەن .

 ئالتاي ۋىلايىتىدىن كەلگەن سەككىز ياشلىق خۇيزۇ قىز ما لوڭشيا پويىزغا چىقماقتا  

  شىنجاڭلىق بالىلار خىزمەتچى خادىملارنىڭ يېتەكچىلىكىدە جۇڭگو ئاۋىياتسىيە مۇزىيېنىڭ ئىچىنى  ئېكسكۇرسىيە قىلماقتا           مىراجىگۈل ئاپىسى بىلەن بىللە تىيەنئەنمىن مەيدانىنىڭ ئالدىدىن ئۆتمەكتە