سالاھىيىتىنى ئاشكارىلاشنى خالىمايدىغان مەلۇماتچىلارنىڭ كورىيە بىرلەشمە ئاگېنتلىقى مۇخبىرىغا ئېيتىپ بېرىشىچە ، توپقا تۇتۇش ۋەقەسىدىن كېيىن ، ھەربىي تەرەپ يېڭى بىر ئەۋلاد ئۇرۇش ئايروپىلانى تەتقىق قىلىپ ياساشنىڭ مۇھىم نۇقتىسىنى كۆرۈنمەس ئۇرۇش ئايروپىلانى ياساشقا ئۆزگەرتكەن .
2015–يىلىدىن 2020–يىلىغىچە ‹‹ كورىيە ›› بەلگىلىك ئۇرۇش ئايروپىلانى ئاساسىي ئۇقۇمىنى ‹‹ كۆرۈنمەس ›› ئۇرۇش ئايروپىلانى ياساشقا ئۆزگەرتىپ ، دۇشمەننىڭ رادار سىستېمىسىدىن ئۆزىنى قاچۇرىدىكەن . يەنپىڭ ئارىلىدا توپقا تۇتۇش ۋەقەسى يۈز بەرگەندىن كېيىن ، بۇ ئۇقۇم تېخىمۇ ئايدىڭلاشقان .
مەلۇماتچىلار : ‹‹ كورىيە ھەربىي تەرەپ ئىچكى قىسىمدا چاۋشيەنگە تەھدىت سالىدىغان بىر خىل كۆرۈنمەس ئۇرۇش ئايروپىلانى ياساپ چىقىپ ، چاۋشيەنگە ئېغىر روھىي بېسىم ھاسىل قىلىش توغرىسىدا ئورتاق تونۇش ھاسىل قىلدى ›› دېدى .
كورىيە 2000–يىلىدىن بۇيان ، نەچچە مىليارد ئامېرىكا دوللىرى مەبلەغ سېلىپ ، 2020–يىلدىن بۇرۇن ‹‹ＫＦ—１６›› بەلگىلىك كۆپ ئىقتىدارلىق ئۇرۇش ئايروپىلانى ياساپ چىقماقچى . بۇ تۈرنىڭ ۋاكالەت نومۇرى ‹‹ ＫＦ—Ｘ ›› .
23–نويابىر ، چاۋشيەن–كورىيە تالاش–تارتىشىدىكى ‹‹ شىمالىي رايون چېگرىسى ›› ئەتراپىدىكى دېڭىز تەۋەلىكىدە توپقا تۇتۇش ۋەقەسى يۈز بېرىپ ، كورىيە دېڭىز ئارمىيەسىنىڭ قۇرۇقلۇقتا جەڭ قىلىش قىسمىنىڭ ئىككى جەڭچىسى ۋە ئىككى پۇقرا قازا قىلغان ، 18 ئادەم يارىلانغان .
كورىيەنىڭ چاۋشيەن يېرىم ئارىلىنىڭ غەربىي دېڭىز تەۋەلىكىدە ئامېرىكا بىلەن ئېلىپ بارغان كەڭ كۆلەملىك بىرلەشمە ھەربىي مانېۋىرى چاۋشيەن يېرىم ئارىلىنىڭ ۋەزىيىتىنى تېخىمۇ جىددىيلەشتۈرۈۋەتكەن .
