ياش تۆكتى يۇرۇڭقاش،تەۋرەپ كوئېنلۈن
(ئاتاقلىق شائىر تىيىپجان ئىلىيۇپ ۋاپاتىنىڭ 25 يىللىقىغا ئاتايمەن)
مۇھەممەد كامال خۇشخۇي
ئۆتتىڭىز ئالەمدىن شائىر تىيىپجان،
بەرگىدىن ۋاقىتسىز غازاڭ چۈشكەندەك.
زۇلمەتكە چۆمۈلدى پىغاندا يۈرەك،
كۆكتىكى بىر نۇرلۇق يۇلتۇز ئۆچكەندەك.
بىز قالدۇق ھەسرەتتە يېتىم قوزىدەك،
كۆز ئەمەس يۈرەكتىن سىرغىتىپ قان-ياش.
تەۋرىدى تەڭرى ۋە كوئېنلۈن تېغى،
مۇسىبەت شارابى ئىچتى يۇرۇڭقاش.
ئاتمىشقا ئۇلاشقان بىلەن يېشىڭىز،
ئۇقچىيتتى ھېسسىيات بۇلاقتەك تىنماي.
كەۋسەردىن تەم ئالغان ئاشۇ بۇلاقتىن،
ئىچەتتۇق شەربەتلەر يېنىشلاپ قانماي.
ئاھ،ئىسىت خەلقىمنىڭ كۈيچى بۇلبۇلى،
بىز ئەندى كىم بىلەن ئوقۇيمىز ناخشا.
بەرگەندە يۈرەككە<<باھار ئىلھامى>>①
كىم بىلەن توقۇيمىز<<تۈگىمەس ناخشا>>②
شوخ بۇلبۇل كۆز يۇمۇپ كۈيسىز قالدى باغ،
چۆمدى ئاھ،سۈكۈتكە بىر پۈتۈن دۇنيا.
ئەلۋىدا! ۋەتەننىڭ كۈيچى شائىرى،
ھاياتسىز،دىللاردا ياشايسىز گۇيا!
1989-يىلى فىۋرال، گۇما.
②① شائىرنىڭ شېئىرى توپلاملىرى
- يازما سانى: 530 پارچە
- باھا سانى: 90 پارچە
- تۈر سانى: 6 پارچە
- خەتكۈش سانى: 24 پارچە
- قۇرۇلغان ۋاقىت:
- تور بېكەت ئېچىلغىلى 16526 كۈن بولدى
- يېڭىلانغان ۋاقتى: 2015-03-25