رەناگۈل خۇدابەردىنىڭ ئاپتونوم رايونلۇق مائارىپ نازارىتىدىن ئۇقۇشىچە، بۇ يىل ئاپتونوم رايونىمىزدا 69 ئىمتىھان رايونى، 191 ئىمتىھان نۇقتىسى، 7323 ئىمتىھان مەيدانى تەسىس قىلىنغان بولۇپ، 6- ئاينىڭ7- كۈنى ئاپتونوم رايون بويىچە 183 مىڭ 700 ئوقۇغۇچى 2017-يىللىق ئادەتتىكى ئالىي مەكتەپ ئىمتىھانىغا قاتنىشىدىكەن، بۇ يىل 2016- يىلىدىكىگە قارىغاندا 17 مىڭ 600 ئوقۇغۇچى كۆپەيگەن.
ئاپتونوم رايونلۇق مائارىپ نازارىتى ھەرقايسى ئىدارە- ئورۇن ۋە خىزمەتچىلەردىن ھەمكارلىقنى كۈچەيتىپ، بۇ يىللىق ئالىي مەكتەپ ئىمتىھانىنىڭ بىخەتەرلىك خىزمىتىنى ياخشى ئىشلەشنى؛ تىنچ ئىمتىھان مۇھىتى يارىتىپ، ئىمتىھان سوئالى ۋە جاۋابلىرىنىڭ مۇتلەق بىخەتەرلىكىنى كاپالەتكە ئىگە قىلىشنى؛ ئىمتىھانغا تەشكىللەشنىڭ قائىدىلىك، تەرتىپلىك بولۇشىنى؛ تاسادىپىي ۋەقەلەرنى ۋاقتىدا بىر تەرەپ قىلىپ، ئىمتىھاننىڭ ئادىل، تەرتىپلىك، بىخەتەر بولۇشىغا كاپالەتلىك قىلىشنى تەلەپ قىلدى.