بېلىقىز سەمەت

   ئوتتۇرا – باشلانغۇچ مەكتەپلەردە ‹‹قوش تىل›› ئوقۇتۇشىنى يولغا قويۇش دەۋر تەرەققىياتىنىڭ مۇقەررەر تەلىپى، شۇنداقلا پەن – تېخنىكا ئىگىلەپ، جەمئىيەت تەرەققىياتىنى ئىلگىرى سۈرۈشنىڭ زۆرۈر ئېھتىياجى. ئوتتۇرا – باشلانغۇچ مەكتەپلەرنىڭ ‹‹قوش تىل›› ئوقۇتقۇچىلىرى ‹‹قوش تىل›› ئوقۇتۇشىنىڭ دەرسخانىدىكى ئاساسلىق ئىجراچىلىرى بولغانلىقى ئۈچۈن، ئۇلار مەكتەپ تەلىم – تەربىيە خىزمىتىگە بىۋاسىتە يېتەكچىلىك قىلىدىغان تەشكىللىگۈچىلەر ھېسابلىنىدۇ. ‹‹قوش تىل›› ئوقۇتقۇچىلىرى ‹‹قوش تىل›› ئوقۇتۇشىنىڭ مۇۋەپپەقىيەتلىك بولۇش – بولماسلىقىدا ھەل قىلغۇچ رول ئوينايدۇ ھەمدە ئوقۇتۇشنىڭ تەشكىللىك ۋە سىستېمىلىق بولۇش ياكى بولماسلىقىغا بىۋاسىتە تەسىر كۆرسىتىدۇ. شۇڭا، ئوتتۇرا – باشلانغۇچ مەكتەپ ‹‹قوش تىل›› ئوقۇتقۇچىلىرى تۆۋەندىكى مەسىلىلەرگە دىققەت قىلىش بىلەن بىللە، پىداگوگىكا ۋە پىسخولوگىيەلىك ئوقۇتۇش ماھارەتلىرى بويىچە ئۆزىدە ئىلغار ئوقۇتۇش مېتودى ۋە يېڭى دەرسلىك ئىسلاھاتى بويىچە يېتەرلىك بىلىم ساپاسىنى ھازىرلىشى كېرەك:

   1. ‹‹قوش تىل›› ئوقۇتقۇچىلىرى ‹‹قوش تىل›› ئوقۇتۇشىنى ئاز سانلىق مىللەتلەرنىڭ مائارىپ ئىشلىرىنىڭ تەرەققىياتى ۋە گۈللىنىشىنىڭ ھەرىكەتلەندۈرگۈچى كۈچى قىلىشى، ‹‹قوش تىل›› ئوقۇتۇشىنى مىللەتلەر ئىتتىپاقلىقىنى كۈچەيتىش بىلەن زىچ بىرلەشتۈرۈپ، ‹‹قوش تىل›› ئوقۇتۇشىنى قىزغىن سۆيۈپ، پىداگوگىكىلىق ئوقۇتۇش ئۇسۇلىغا ھۆرمەت قىلىدىغان ئىلغار كەسپىي ئەخلاق ئېڭىغا ئىگە، ئۇنىۋېرسال قابىلىيەتلىك يېتەكلىگۈچىلەردىن بولۇشى كېرەك.

   2. ‹‹قوش تىل›› ئوقۇتقۇچىلىرى ‹‹قوش تىل›› ئوقۇتۇشىنىڭ ئۈنۈملۈك ئۇسۇل – چارىلىرىنى تېپىپ چىقىشتىن باشقا، يىراق مۇساپىلىك ئوقۇتۇش ۋە كۆرسەتمىلىك ئوقۇتۇش ئۇسۇللىرىدىن جانلىق پايدىلىنىشنى بىلىشى، ‹‹قوش تىل›› ئوقۇتۇشى بىلەن ئانا تىل ئوقۇتۇشنىڭ مۇكەممەل باغلىنىشى ۋە ئىچكى مۇناسىۋەتلىرىنى پۇختا ئىگىلەپ، ئەمەلىي پائالىيەتلەر ئارقىلىق ئوقۇغۇچىلارغا تەسىر كۆرسىتىشى كېرەك. ھەرقانداق ‹‹قوش تىل›› ئوقۇتقۇچىسى چوقۇم ئانا تىلىغا پىششىق بولغاندىن باشقا، ئەجدادلىرىمىزنىڭ تارىخىي تەرەققىيات جەۋھەرلىرىدىن پايدىلىنىشى، تارىخنى پىششىق بىلىشى ۋە خەنزۇ تىلىنى يۈزەكى ئەمەس، ماھىيەتلىك خۇسۇسىيەتلىرى ئارقىلىق ئەتراپلىق بىلىشى، ئوقۇش – ئوقۇتۇش ئەمەلىيىتىدە باشقىلارغا ئۈلگە كۆرسىتىشكە ئەھمىيەت بېرىپ، ‹‹قوش تىل››لىق بولۇشنىڭ قىيىن ئەمەسلىكىنى ئوقۇغۇچىلارغا ھېس قىلدۇرۇشى كېرەك.

   3. ‹‹قوش تىل›› ئوقۇتقۇچىسى ئوقۇتۇش جەريانىدا ‹‹قوش تىل›› ئوقۇتۇش ئۇسۇللىرىدىن جانلىق پايدىلىنىپ، ئوقۇتۇش ئۈنۈمىنى ئۆستۈرۈشى، دەۋر بىلەن تەڭ ئىلگىرىلەپ، يول ئېچىپ يېڭىلىق يارىتىش روھىنى ھازىرلىشى، ئوقۇتۇش جەريانىدا يولۇققان مەسىلىلەرنى توغرا بىر تەرەپ قىلالايدىغان، ھەرقايسى تىللار ئارىسىدىكى ئوخشاشلىق بىلەن پەرقنى تېپىپ چىقالايدىغان ئىقتىدارنى يېتىلدۈرۈشى كېرەك.

   4. ‹‹قوش تىل›› ئوقۇتقۇچىلىرى ئوقۇتۇش جەريانىدا ئوقۇغۇچىلارنىڭ پىسخىك ھالىتى ۋە سەزگۈ ئىدراكلىرىنى ماھىرلىق بىلەن كۆزىتىپ، ئۇلارنىڭ تىل ئۆگىنىشكە بولغان تونۇشىنى ئايدىڭلاشتۇرۇپ، ئوقۇغۇچىلارنىڭ ‹‹قوش تىل›› ئۆگىنىشكە بولغان قىزغىنلىقىنى ھەرۋاقىت ئۇرغۇتۇشى، ئوقۇغۇچىلارغا ئىلھام بېرىشى، ئارقىدا قالغانلارنى يېتەكلىشى ۋە ئۇلارغا سەمىمىيلىك بىلەن ياردەم بېرىشى كېرەك.

   5. ‹‹قوش تىل›› ئوقۇتقۇچىلىرى ئوقۇتۇش جەھەتتە يۇقىرى ماھارەتلىرى بىلەن مۇكەممەل ۋە ئۈنۈملۈك ‹‹قوش تىل›› ئوقۇتۇش ئۇسۇلى جەھەتتە پائال ئىزدىنىپ، ئۈنۈم ھاسىل قىلىشقا ئەھمىيەت بېرىشى كېرەك.

(ئاپتور: مارالبېشى ناھىيەسى سېرىقبۇيا بازارلىق ئوتتۇرا مەكتىپىدىن)

(تەھرىر : admin)

• « يەتتە تال برىليانت » دەرسنىڭ دوكلاد لا
• كىتاب ئەقىل چىرىقى
• باشلانغۇچ تۆۋەن يىللىق تىل-ئەدەبىياتدە
• ئەدەبىيات دەرسلىكىدە يېڭى دەرسكە باشلا
• ئۇچۇر تېخنىكا دەرسىنىڭ -سائەتلىك دەرس ت
• چاقىرىق:ئانا تىل - ئۇيغۇر تىلىدا ساۋات چ
• گۈزەل -سەنئەت نەزىرىيەسى پايدىلىنىش مات
• سىز قايسى ئۇسۇلنى مۇۋاپىق كۆردىڭىز ؟
• باشلانغۇچ 5- يىللىق ئۇچۇر دەرسلىكى پىلان
• باشلانغۇچ 6- يىللىق دەرسلىك پىلان ئۇچۇر
• ئوقۇتقۇچىلارنىڭ مائارىپ قارىشىنى يېڭىل
• يېڭى دەرسلىك ئىسلاھاتىدا ئوقۇتقۇچىلار
• ئوقۇغۇچىلارنىڭ خەنزۇ تىلى سەۋىيەسىنى ئ
• خەنزۇ تىلى ئوقۇتۇشىدا ھېس قىلغانلىرىم
• ‹‹قوش تىل›› ئوقۇتقۇچىلىرى دىققەت قىل
• ئولۇغ تىراگىدىيە