ئاتا–ئانىلار يىغىنى شەكىلگە ئايلىنىپ قالمىسۇن

   غالىب مۇھەممەد قارلۇق

    ھەممىمىزگە مەلۇم، ھازىر بىر قىسىم مەكتەپلەردە سىنىپ مەسئۇللىرىنىڭ ئاتا–ئانىلار يىغىنى ئېچىش قارىشىنىڭ ئېنىق بولمىغانلىقى سەۋەبلىك ئاتا–ئانىلار يىغىنى شەكىلگىلا ئېچىلىدىغان، مەسىلە ھەل قىلىنمايدىغان، بۇنىڭ بىلەن ئاتا – ئانىلار نارازى بولۇپ يىغىنغا قاتناشمايدىغان ياكى كۆڭۈلشىمەيدىغان ئەھۋال شەكىللەنمەكتە. مېنىڭچە، بۇنداق ئەھۋالنىڭ كېلىپ چىقىشىدىكى سەۋەبنى مەكتەپتىن، بولۇپمۇ سىنىپ مەسئۇلىدىن ئىزدىگۈلۈك. شۇ سەۋەبلىك سىنىپ مەسئۇللىرى ئاتا–ئانىلار يىغىنىنى قانداق ئېچىش ھەققىدە ئەتراپلىق، چوڭقۇر ئويلىنىشى، ئاتا– ئانىلار يىغىنى ئېچىشتىن بۇرۇن يىغىننىڭ مەقسىتى ۋە تەلىپى بويىچە سۆھبەت مەزمۇنى ۋە شەكلىنى ئالدىن ئويلىشى، يىغىننىڭ ئوڭۇشلۇق ئېچىلىشى ئۈچۈن تەييارلىقنى پۇختا قىلىشى، يىغىن ئېچىشتىكى مەقسەت، يەتمەكچى بولغان نىشان، ئاتا–ئانىلاردىن كۈتىدىغان ئۈمىد، تەلەپ قاتارلىق ھەر بىر نۇقتىنى تولۇق، ئېنىق ئىپادىلىشى لازىم. ئەگەر يىغىندىن بۇرۇنقى تەييارلىق ياخشى بولمىسا، سىنىپ مەسئۇلى كۆزلىگەن نىشانغا يېتەلمەيدۇ–دە، ئاتا– ئانىلار يىغىنىنىڭ ئۈنۈمى بولمايدۇ. سىنىپ مەسئۇلى ئاتا–ئانىلارغا ئوقۇغۇچىلارنىڭ ياخشى ئەمەسلىكى ھەققىدە قىلمىش–ئەتمىشلىرىنى تېخىمۇ كونكرېتنى كۆرسىتىپ، ئاتا–ئانىلارنىڭ بۇ جەھەتتە ماسلىشىشىنى قولغا كەلتۈرىشى، مۇھىم نۇقتىلار ئۈستىدە ئەتراپلىق توختىلىپ، ئاتا–ئانىلار بىلەن كۆپرەك پىكىر ئالماشتۇرۇشى، ۋاقىتنىڭ بىھۇدە ئىسراپ بولۇشى ۋە يىغىننىڭ سوزۇلۇپ كېتىشىنىڭ ئالدىنى ئېلىشى كېرەك.

    باشقىلارنىڭ مەيلى قانداق ئورۇندا خىزمەت قىلىشى، بىلىم سەۋىيەسىنىڭ يوقىرى–تۆۋەن بولۇشىدىن قەتئىينەزەر، ئۇلارنى ھۆرمەتلەش ئوقۇتقۇچىلىق كەسپىي ئەخلاقىنىڭ مۇھىم مەزمۇنلىرىنىڭ بىرى. ئوقۇتقۇچى ئادەم تەربىيەلىگۈچى، ئۇ ئۆزىنىڭ گەپ–سۆزى، ئىش–ھەرىكىتى ئارقىلىق ئوقۇغۇچىلارنى تەسىرلەندۈرىدۇ ھەم ئۇلارنى تەربىيەلەيدۇ. شۇنداق بولغاندىلا، ئوقۇتقۇچى ئۆزىنىڭ تەلىم–تەربىيە خىزمىتى بىلەن شۇغۇللىنىشتىن ئىبارەت ئۇلۇغۋار ۋەزىپىسىنى ئوڭۇشلۇق، ياخشى ئادا قىلالايدۇ.

(تەھرىر : admin)

• دەرىسخانىدا ئوقۇغۇچىلارنى سۇئال ئارقىل
• بىرىنچى بۆلەك . تۆت ئەمەل ئارىلاش ھېساپ
• ھۆرمەتلەش ۋە ھۆرمەتلىنىش
• [تەرجىمە]جۇڭگو مائارىپى بالىلارنى قاندا
• سىنىپ مۇدىرىنىڭ ئوقۇغۇچىلار بىلەن پارا
• ئوقۇغۇچلارنىڭ ئۈگۈنۈش ئادىتىنى يىتىلدۇ
• ئەخلاقتا ئارقىدا قالغان ئوقۇغۇچىلارنى
• قانداق قىلغاندا سىنىپ مۇدىرلىق خىزمىتى
• ئوقۇتقۇچىلارنىڭ ئۇلۇغلۇقى قەيەردە
• باشلانغۇچ مەكتەپ 5-يىللىق 2-ماۋسۇم ماتىم
• باشلانغۇچ مەكتەپ 5-يىللىق 2-ماۋسۇم ماتىم
• نۇتۇق قابىلىيىتىڭىزگە سەل قارىماڭ
• ئوقۇغۇچىلىرىمىز باراۋەر تەربىيەلىنىشى
• ئاتا–ئانىلار يىغىنى شەكىلگە ئايلىنىپ
• تولۇق ئوتتۇرا مەكتەپ مائارىپى ۋە ئوقۇغۇ
• ئوقۇغۇچىلاردا ساغلام پىسخىكىلىق ھالەت