قاپاق ئۇششاق جاراھىتى ( نەملەتۇلجەفەنى ) قاپا ققا چۈمەلە چاققابدەك ئۇششاق جاراھەت چىققابلىققا قارىتىلغان . ئۇ ، ئەتراپقا كېڭەيگۈچى ۋە قىزىل قوناق شەكلىدە ھەم ئەتراپنى يىگۈچىدىن ئىبارەت 3 خىل بولىدۇ . ئىسسىق جايلاردا ، ياز پەسىلىدە كۆپرەك ئۇچرايدۇ .
                                                                سەۋەبى
كۆيگەن سەپرانىڭ قاپاققا تەسىر قىلغانلىقدىن كېلىپ چىقىدۇ . مەزكۇر كېسەلنىڭ ئەتراپقا كېڭىيدىغىنى سۇيۇق سەپرادىن ، قىزىل قوناق شەكلىدىكىسى قويۇق سەپرادىن ، ئەتراپنى يەيدىغىنى ئۆتكۈر ۋە كۆيدۈرگۈچى سەپرادىن پەيدا بولىدۇ .
                                                                 ئالامىتى
قاپاققا پاشا ، چۈمۈلە چاققاندەك ئۇششاق جاراھەتلەر پەيدا بولىدۇ . رەڭگى سارغۇچ بولۇپ ، ئېچىشىدۇ . قاپاق قىزىرىدۇ . ئېغىرلىرىدا بەزىدە كىرپىك تۆكۈلىدۇ . كىرپىك تۈۋى يېرىلىدۇ . مەزكۇر كېسەل كۆپىنچە ئىسسىق مىزاج كىشىلەردە ، ئوتتۇرا ياشلىقلاردا كۆرۈلىدۇ . ئەمما ، ئانچە خەتەرلىك ئەمەس . 

 رەڭلىك قوڭغۇراق موزىكىلىرى 

                                                                    داۋاسى
باش ۋە يۈز ساھەسىدىكى تومۇردىن ئازراق قان ئېلىش ، سپرانى سۈرگۈچى دورىلار بىلەن بەدەننى تازىلاش لازىم . ئەينۇلا ، قارا ئۆرۈك شەربىتىنى ئىچىش ۋە تاتلىق ئانار سۈيىگە سېرىق ھەلىيلە پوستىنى چىلاپ ئىچىش ياكى قىزىلگۈل شەربىتىنى تەكرار ئىچىش ياكى سېرىق ھەلىيلە ، تەمرى ھىندى ، سانا ، شاھتەررىلەرنىڭ شەربىتىگە ئازراق سىقمۇنىيا سېلىپ ئېچىش لازىم . سەپرانى قايتۇرغۇچى ۋە سوۋۇتقۇچى تاتلىق نەرسىلەر ۋە ئانار شەربىتى ، تەمرى ھىندى ، ناخۇش ئانار شەربىتى ۋە چۈجە شۇرپىسى قاتارلىقلارنى ئىستېمال قىلىش ھەمدە سەپرا پەيدا قىلغۇچى تاماقلاردىن تۇزلانغان بېلىق ، سۈت ، سوقۇلغان  ماش قاتارلىقلاردىن پەرھىز قىلىش لازىم . گىلى مەختۇمنى يۇمغاقسۈت سۈيى بىلەن ئۇپىنى گۈل يېغى بىلەن قاواقتىكى جاراھەتكە سۈركەش لازىم . كاسىن سۈيىنى ياكى ئۇپىنى گۈل يېغى بىلەن ياكى بىر ئاز سىركە بىلەن ياكى گىلى ئەرمىنى ، رۇسۇت قاتالىقلارنى كاسىن سۈيى بىلەن سۈركەش ياكى تۆگە تاپىنى ( مامىيشا ) سۈيى ياكى سەبرى ، رۇسۇت قاتارلىقلارنى كاسىننىڭ سۈيى بىلەن ياكى قىزىلگۈل ئەرىقى بىلەن ئېرىتىپ تېڭىش لازىم . رۇسۇننى سىركە بىلەن ئېرىتىپ سۈركەش ياكى شىيافى مامىيشا ۋە سەندەللەرنى ھەمىشە باھار سۈيى ۋە ئەرىقى گۈل بىلەن سۈركەش ، پاقا يوپۇرمىقى سۈيىنى تېڭىش ، ئاچچىق ئانار پوستى ۋە مۇزىلارنى يۇمشاق سوقۇپ چېپىش لازىم .
كۆزنىڭ قۇۋۋىتىنى ئاشۇرۇش ۋە مىزاجنى نورماللاشتۇرۇش ئۈچۈن شىيافى ئەھمەرلەييىننى سۈرمە قىلىپ تارتىش لازىم .