تەمرەتكە كۆپ ئۇچرايدىغان ، كۆپ قوزغىلىدىغان ، داۋالاش بىر قەدەر قىيىن بولغان كېسەللىكتۇر . بۇ خىل كېسەللىك كىشىلەرنىڭ ساغلاملىقىغا ئېغىر زىيان يەتكۈزمەكتە .نۆۋەتتە دۇنيادىكى ھەر قايسى دۆلەتلەر ، بولۇپمۇ ياۋروپا ،ئامېرىكا قىتئەسىدىكى دۆلەتلەر زور مىقداردا مالىيە ۋە ئادەم كۈچى سەرپ قىلىپ تەتقىقاتقا كىرگەن بولسىمۇ ، لېكىن كېسەل پەيدا بولۇش سەۋەبى ۋە مېخانىزمى تېخى ئېنىق بولمىغان تېرە كېسەللىكىنى ئۈزۈل - كېسىل داۋالاش يەنىلا قىيىن بولۇۋاتىدۇ . مەقئەت تەمرەتكىسى تۈز ئۈچەينىڭ ئاخىرقى بۆلىكى ياكى تۈز ئۈچەي بىلەن مەقئەت مۇسكۇلىنىڭ تۇتاشقان ئورنىدا بولىدىغان بىر خىل تەمرەتكە بولۇپ ، قاتتىق قىچىشىشى بىلەن كىشىنى ئازابلايدىغان سوزۇلما كېسەللىكتۇر .

    كېسەللىك سەۋەبى
    ياخشى تازىلىق ئادىتىنىڭ بولماسلىقى ، تەرەتتىن كېيىن توپ ، چالما قاتارلىق پاكىز بولمىغان نەرسىلەرنى ئىشلىتىش ، ئۇزۇن مۇددەت لازا ، ئاچچىقسۇ ، ھاراققا ئوخشاش ئۆتكۈر غىدىقلاش تەسىرى بولغان ئىچىملىكلەرنى ئىستېمال قىلىشتىن كېلىپ چىقىدۇ .

    كېسەللىك ئالامىتى 

    دورا بىلەن داۋالاش
    ھەر كۈنى ئەتىگەندە ، كەچتە ۋە چوڭ تەرەتتىن كېيىن مار گانسوپنى 1:500 بويىچە ئىسسىق سۇدا تەڭشەپ ، بۇنىڭ بىلەن مەقئەتنى قايتا-قايت يۇيۇش ، ئۇنىڭدىن كېيىن فلۇئوتسىنولون ئاتسېتونىد(肤氢松)بىلەن تىئامىتسىنولون (去炎松) مەلھىمىنى ئارىلاشتۇرۇپ ، قىچىشقان تەمرەتكە بار ئورۇننى ياغلاش كېرەك . دور سۈركەپ بولغاندىن كېيىن يەرلىك ئورۇننى يېنىك تاتىلاش ، تاتىلاشتىن ئاۋۋال تىرناقنى ئېلىۋېتىش ، يەنى يەرلىك ئورۇننىك تېرىسىنى بۇزۇپ، يۇقۇملاندۇرۇپ قويۇشنىڭ ئالدىنى ئېلىش لازىم. ئەگەر يۇقۇملىنىپ قالسا ، ياللۇغ قايتۇرغۇچى دور قوشۇپ ئىشلىتىش كېرەك .
    دور ئىشلىتىشتىن ئاۋۋال چوڭ تەرەتنى لابوراتورىيىدە تەكشۈرۈش، تۈتۈ قۇرت تۇخۇملىرى بايقالسا ، 肠虫清片 تابلىتىدىن كۈنىگە بىر تالدىن ئۈچ قېتىم ئىچىشكە بېرىلىدۇ ھەم بۇنى تۆت ھەپتىگىچە ئۈزۈپ قويماي داۋاملاشتۇرۇش لازىم .