قورساق ئاغرىش بالىلاردا كۆپ كۆرۈلىدىغان كېسەللىك، ئەمما ئامېرىكىلىق مۇتەخەسسىس ۋالكىر مۇنداق دېدى: ‹‹بۇ خىل بالىلارنىڭ قورامىغا يەتكەندىن كېيىن تەشۋىشلىنىش ياكى خامۇشلۇق كېسىلىگە گىرىپتار بولۇش خەۋپى يۇقىرى بولىدۇ، بالىلىقىدا قورسىقى كۆپ ئاغرىيدىغان 20 ياشلاردىكى 332 كىشىنى ھەر تەرەپلىمە تەكشۈرۈش نەتىجىسى شۇنى دەلىللىدىكى، قورسىقى ئاساسەن ئاغرىمايدىغان تەڭتۈشلىرىگە قارىغاندا ئۇلارنىڭ بۇ خىل كېسەلگە گىرىپتار بولۇش ئېھتىماللىقى %51 يۇقىرى بولىدىكەن››.
پىروفېسسور ۋالكىر يەنە مۇنداق دېدى: ‹‹ ئوقۇش بېسىمى، دوستلار ئارا مۇناسىۋەت، رىقابەت ۋە جىددىيچىلىك بالىلاردا قورساق ئاغرىقىنى پەيدا قىلىپ، تەشۋىشلىنىش كەيپىياتىنى ئېغىرلاشتۇرۇۋېتىدۇ، شۇڭا ئىجتىمائىي ئالاقىدە تەشۋىشلىنىدىغان ۋە قورساق ئاغرىقى تەكرار قوزغىلىدىغان بالىلار پىسخىكىلىق داۋالىنىشى كېرەك››.
