تۈركىيە گىلەم ۋە باشقا توقۇمۇچىلىق ماتېرىياللىرىدىن قوشۇمچە تاموژنا بېجى ئالىدۇ

خېشۈن تورىنىڭ 4-مارت خەۋىرى: تۈركىيە ئىقتىساد مىنىستىرلىقىنىڭ 2015-يىلى 2-ئاينىڭ 18-كۈنىدىكى 2015/7252 نومۇرلۇق ھۆكۈمەت دوكلاتىدا كۆرسىتىلىشىچە، بۇ دوكلات ئېلان قىلىنغان كۈندىن (2015-يىلى 2-ئاينىڭ 18-كۈنى) باشلاپ، گىلەم ۋە باشقا توقۇمۇچىلىق ماتېرىياللىرى بۇيۇملىرىدىن %45 ~ %50 كېچە قوشۇمچە تاموژنا بېجى (Additional Customs Duties) ئېلىنىدىكەن، پەقەت تۈركىيە بىلەن ئەركىن سودا كېلىشىمى (FTA) تۈزىگەن دۆلەت ۋە رايونلار بۇنىڭ سىرتىدا ئىكەن، شۇنىڭ ئۈچۈن تۆۋەندىكى ئۈچ تۈردىكى دۆلەتلەر ئىمپورت قىلغان بۇ خىل مەھسۇلاتلار قوشۇمچە تاموژنا بېجى كەچۈرۈم قىلىنىش ئوبيېكتىغا تەۋە بولىدىكەن.
 (1) ياۋروپا ئىتتىپاقى، ياۋروپا ئەركىن سودا بىرلەشمىسى (EFTA)، ئىسرائىلىيە، ماكېدونىيە، بوسنىيە، گېرتسېگوۋېنا، موناكو، ئىيوردان دەرياسىنىڭ غەربىي قىرغىقى ۋە غەززا، تۇنىس، مىسىر، جورجىيە، ئالبانىيە، ئىيوردانىيە، سېربىيە، مونتېنېگرو ۋە كوسوۋو؛
 (2) جەنۇبىي كورېيە؛
 (3) ماۋرىتىئۇس؛
 دوكلاتتا تىلغا ئېلىنىشىچە، ئۇقتۇرۇش قىلىنغان كۈن (2-ئاينىڭ 18-كۈنىنى ئۆز ئىچىگە ئالمايدۇ) دىن بۇرۇن پاراخوتقا قاچىلانغان ھەمدە ئۇقتۇرۇش قىلىنغان كۈندىن كېيىنكى بىر ئاي ئىچىدە (3-ئاينىڭ 17-كۈنىنى ئۆز ئىچىگە ئالىدۇ) تۈركىيەگە كەلگەن بۇيۇملاردىن بۇ خىل قوشۇمچە تاموژنا بېجى ئېلىنمايدىكەن.
 تەرجىمىدە: ھاجىم