تېڭشۈن تورىنىڭ 24-فېۋرال خەۋىرى: 2-ئاينىڭ 23-كۈنى ئالما شىركىتى بىر مىليارد 700 مىليون ياۋرو (تەخمىنەن بىر مىليارد 930 مىليون ئامېرىكا دوللىرى) مەبلەغ سېلىپ ياۋروپادا ئىككى سانلىق مەركىزى قۇرۇپ چىقىدىغانلىقىنى ھەمدە بۇنىڭ ھەممىسىگە %100 قايتا ھاسىل بولىدىغان ئېنېرگىيە مەنبەسىنى ئىشلىتىپ، ياۋروپادىكى ئابونېتلار ئۈچۈن iTunes، iMessages ۋە Siri قاتارلىقلارنىڭ تور مۇلازىمىتىنى تەمىنلەيدىغانلىقىنى جاكارلىدى.
بۇ ئىككى سانلىق مەلۇمات مەركىزى ئايرىم ئايرىم ھالدا ئىرېلاندىيەنىڭ غەربىي قىسمىىدكى ئاسېنرىي (Athenry) ۋە دانىيەنىڭ ئوتتۇرا قىسمىدىكى ۋىبورگ (Viborg) دا قۇرۇلىدۇ، ھازىرقى مۆلچەردە 2017-يىلى ئىشلىتىشكە كىرىشتۈرۈلىدۇ.
ئالمىنىڭ باش ئىجرائىيە ئەمەلدارى تىم كۇك (TimCook) مۇنداق دېدى :« بىز ئالمىنىڭ ياۋروپادا مۇۋەپپەقىيەت قازانغانلىقىغا قەلبىمىزدە مىننەتدارلىقىمىزنى بىلدۈرىمىز، بىز پۈتۈن ياۋروپا چوڭ قۇرۇقلۇقىنىڭ تەرەققىياتىغا مەبلەغ سالغانلىقىمىزدىن ناھايىتى پەخىرلىنىمىز. بۇ يېڭى مەبلەغ سېلىش تۈرى ئالمىنىڭ ھازىرغا قەدەر ياۋروپادا ئېلىپ بارغان ئەڭ چوڭ تۈرى بولۇپ ھېسابلىنىدۇ. بىز ئۆزىمىزنىڭ يۈرگۈزۈش كۆلىمىنى كېڭەيتەلىگەنلىكىمىزدىن ناھايىتى خۇشال، بۇ سانلىق مەلۇمات مەركىزى قۇرۇلغان جايلاردا نەچچە يۈزلىگەن خىزمەت ئورنى تەمىنلەيمىز ھەمدە شۇ يەردە بىزنىڭ ئەڭ ئىلغار يېشىل ئىمارەتلىرىمىزنى قۇرۇپ چىقىمىز».
ھەر بىر سانلىق مەلۇمات مەركىزىنىڭ قۇرۇلۇش كۆلىمى 166 مىڭ كىۋادرات مېتىر كېلىدىغان بولۇپ، ئالما بۇ ئىككى تۈرنىڭ شۇ يەردىكى مەھەللىلەرگە بەخت ئېلىپ كېلىدىغانلىقىغا ۋەدە بەردى. ئىرېلاندىيەدىكى سانلىق مەلۇمات مەركىزى شۇ يەرلىك مەكتەپلەرنى سىرتتىكى ئۆگىنىش بوشلۇقى ۋە پىيادىلەر يولى بىلەن تەمىنلەيدۇ، بۇ سانلىق مەلۇمات مەركىزى يەنە ئەتراپتىكى رايونلارغا شۇ يەردە ئۆسىدىغان دەل دەرخلەرنى تىكىشنى پىلان قىلدى. ۋىبورگدىكى تۈردە مۇلازىمىتېردىن چىققان ئىسسىقلىق ئارقىلىق شۇ يەرلىك ئائىلىلەرنى ئىسسىقلىق بىلەن تەمىنلەيدۇ.
تەرجىمىدە: ھاجىم
