ۋول كوچىسى ئۇچۇرلىرى تورىنىڭ 21-فېۋرال خەۋىرى: ئەنگلىيە پۇل-مۇئامىلە ۋاقىت گېزىتى»نىڭ خەۋىرىگە ئاساسلانغاندا، ئامېرىكا مالىيە مىنىستىرلىكىنىڭ بىر يۇقىرى دەرىجىلىك ئەمەلدارى دېيىشىچە، جۇڭگو تاشقى پېرېۋوت بازىسىغا ئارىلىشىشنى توختىتىپ، ئىككى تەرەپلىك سۆھبەتتە بەرگەن ۋەدىسىگە ئەمەل قىلىشقا باشلىغان. بۇنىڭدىن ئىلگىرى، ئامېرىكا مالىيە مىنىستىرلىكى جۇڭگونىڭ تاشقى پېرېۋوت سىياسىتىنى ئۇزۇن مەزگىل تەنقىد قىلىپ كەلگەن ئىدى. ئامېرىكا مالىيە مىنىستىرلىكى 2014-يىلى 4-ئايدا بىلدۈرۈشىچە، خەلق پۇلى ئېغىر دەرىجىدە تۆۋەن مۆلچەرلەنگەن، جۇڭگو ھۆكۈمىتىنىڭ بازار ئارقىلىق خەلق پۇلى قىممىتىنى بەلگىلەشكە يول قويۇشتا ئىرادىسى بار يوقلىقىدىن ئەندىشە قىلىدىغانلىقىنى بىلدۈرگەن.
خەۋەردە دېيلىشىچە، ئامېرىكا مالىيە مىنىستىرلىكىنىڭ خەلقئارا ئىشلارغا مەسئۇل مۇئاۋىن مىنىستىرى (Nathan Sheets) ناسان شىتس 2-ئاينىڭ 19-كۈنى ۋاشىنگتوندىكى ئەقىل ئامبىرى پېتىرسون خەلقئارا ئىقتىساد تەتقىقات ئورگىنىدا بىلدۈرۈشىچە، جۇڭگو 2014-يىلى 7-ئايدا جۇڭگو-ئامېرىكا ئىككى تەرەپلىك سۆھبىتىدە خەلق پۇلى پېرېۋوت نىسبىتىگە ئارىلىشىشنى ئازايتىدىغانلىقىغا ۋەدە بەرگەن. ئۇ:«بىزنىڭ كۆزىتىشىمىزگە ئاساسلانغاندا، جۇڭگو شۇنىڭدىن كېيىن ماھىيەتتە تاشقى پېرېۋوت بازىرىغا ئارىلىشىشنى توختاتتى» دېدى.
ئامېرىكا مالىيە مىنىستىرلىكى بۇنىڭدىن ئىلگىرى جۇڭگونىڭ پېرېۋوت نىسبىتى تۈزۈمىنى ئۇزۇن مەزگىل تەنقىد قىلىپ كەلگەن، جۇڭگو ھۆكۈمىتى قەستەن خەلق پۇلى پېرېۋوت نىسبىتىنى قەستەن تۆۋەنلەتتى دەپ قارىغان.
