سىنا مالىيە-ئىقتىساد قانىلىنىڭ 20-فېۋرال خەۋىرى: شاڭخەي ئالماس بېرژىسىنىڭ سانلىق مەلۇماتىغا ئاساسلانغاندا، 2015-يىلى 1-ئايدا جۇڭگوغا ئىمپورت قىلىنىپ سىلىقلانغاندىن كېيىنكىئالماس سانى داۋاملىق تۆۋەنلىگەن، بۇ ئالماس ئىمپورت مىقدارىنىڭ ئۇدا تۆت ئاي تۆۋەنلىشى ھېسابلىنىدۇ. 2015-يىلى 1-ئايدا قىممىتى 157 مىليون ئامېرىكا دوللىرىلىق سىلىقلانغان ئالماس ئىمپورت قىلغان، ئوخشاش مەزگىلدىكىدىن %24 تۆۋەنلىگەن.
شاڭخەي ئالماس بېرژىسى دېيىشىچە، يەر شارى ئىقتىسادىنىڭ ئاستا ئەسلىگە كېلىشى ۋە جۇڭگونىڭ ئىچكى بازىرىدا ئېھتىياجنىڭ ھالسىزلىنىشى ئالماس ئىستېمالىنىڭ داۋاملىق تۆۋەنلىشىنى كەلتۈرۈپ چىقارغان.
2014-يىلىنىڭ ئالدىنقى ئۈچ پەسلىدە ئېھتىياج كۈچلۈك بولغانلىقتىن، جۇڭگونىڭ ئالماس ئىستېمالى مىقدارى يېڭى رېكورت ياراتقان ئىدى. شاڭخەي ئالماس بېرژىسىنىڭ دېيىشىچە، 2014-يىلى پۈتۈن بىر يىلدا جۇڭگو قىممىتى 2 مىليارد 240 مىليون ئامېرىكا دوللىرىلىق سىلىقلانغاندىن كېيىنكى ئالماس ئىمپورت قىلغان، ئوخشاش مەزگىلدىكىدىن %31 ئاشقان.
جۇڭگو نۆۋەتتە دۇنيادىكى ئىككىنچى چوڭ ئالماس ئىستېمال دۆلىتى ۋە تۆتىنچى چوڭ پىششىقلاپ ئىشلەنمىگەن ئالماس سودىسى دۆلىتى.
تەرجىمىدە: ئوكيان
