خېيلوڭجىيادىكى دىكوس تېز تاماقخانىسىدا پارتلاش يۈز بەردى
خېيلوڭجىيا سەھەر گېزىتى 8-ئىيۇن خەۋەر قىلىدۇ (ئانا تۇپراق تورى تەرجىمىسى): مۇخبىر خېيلوڭجىيا ئۆلكىسى ئەندا شەھەرلىك پارتىكوم تەشۋىقات بۆلىمىدىن ئىگىلىشىچە، 6-ئاينىڭ 8-كۈنى بېيجىڭ ۋاقتى سائەت 9:34 ئۆتكەندە، ئەندا شەھىرى جېڭياڭ 4-كوچىسىدىكى دىكوس تېز تاماقخانىسىدا گۇمانلىق جىسىم پارتلاش دېلوسى يۈز بەرگەن.
جامائەت خەۋەپسىزلىك ئىدارىسى، ئوت ئۆچۈرۈش تارماقلىرى قاتارلىق ئالاقىدار تارماقلار تېزلىكتە نەق مەيدانغا يېتىپ كەلگەن، ۋاقتىدا ئاممىنى تارقاقلاشتۇرۇپ، ئوتنى ئۆچۈرگەن. نەق مەيداندا 2 نەپەر ساقچى يارىدار بولغان، ئاممىدىن ئۆلۈش ۋە يارىدار بولۇش كۆرۈلمىگەن، يارىدارلار دەرھال دوختۇرخانىغا ئېلىپ بېرىلغان. دېلونىڭ سەۋەبى تەكشۈرۈلىۋاتقان بولۇپ، بىرىنىڭ ئۆچ ئېلىش دېلوسى دەپ گۇمان قىلىنغان.
ئانا تۇپراق تورى تەرجىمە قىلدى
