ئۇسسۇل – ئۇسسۇل ئىجادىيەتچىسى تەرىپىدىن تاللىنىپ، تىپىكلەشتۈرۈلۈپ بىر نۇقتىغا يىغىنچاقلانغاندىن كېيىن، تەپەككۇر بىلەن توقۇلمىنى بىرلەشتۈرۈپ كىشىلەرنىڭ كۆز ئالدىدا باشقا بىر گۈزەل تۇرمۇشنى نامايان قىلىدۇ. بۇنداق توقۇلما تۇرمۇش ئادەتتىكى تۇرمۇشتىن گۈزەل، تىپىك ۋە قىزىقارلىق بولىدۇ.Akcئاقيول تور بىكىتى

    ئۇسسۇلچى – ئۆزىنىڭ بەدەن تىلىنى قورال قىلىپ، نادىر سەنئەت ئەسەرلىرىنى روياپقا چىقىرالايدۇ. ئۇسسۇل سەنئىتى ئەڭ قەدىمىي سەنئەت شەكلى بولۇپ، ئەڭ ئاۋۋال ئاددىي قول ھەرىكىتى، كېيىن پۇت ھەرىكىتى ئارقىلىق تەرەققىي قىلغان. ئۇ ھازىر ئادەم بەدىنىدىكى ئەزالارنىڭ ئىقتىدارىدىن تولۇق پايدىلىنىپ، ئادەملەرنىڭ مۇرەككەپ ئىچكى ھېس – تۇيغۇلىرىنى ئىپادىلەپ بېرەلەيدىغان يۇقىرى سەۋىيەگە كۆتۈرۈلدى.Akcئاقيول تور بىكىتى

    ئۇسسۇل سەنئىتى تاماشىبىنلارنى ھەيران قالدۇرۇشنى ئەمەس، بەلكى ھېسسىياتنى تەسىرلىك، گۈزەل ھېس – تۇيغۇلار ئارقىلىق ئىپادىلەپ، كىشىلەرنى ئادىمىي پەزىلەتكە ئۈندەشنى مەقسەت قىلىدۇ. مەسىلەن، دولان ئۇسسۇلىدا گەرچە ئوۋچىلارنىڭ تۇرمۇشى ئەكس ئەتتۈرۈلسىمۇ، ئەمما ئۇلارنىڭ ئاللىبۇرۇن تۇرمۇش تۈسىنى ئۆزگەرتكەنلىكى ئىپادىلەنگەن، سەنەم ئۇسسۇلىدا بولسا كىشىلەر قەلبى گۈزەل بولۇشقا چاقىرتىلىپ، ئىنسانىي ئېسىل پەزىلەت مەدھىيەلىنىپ، ئىنساننىڭ گۈزەللىكىنى ھەممىدىن ئۈستۈن كۆرۈش، گۈزەللىككە ئىنتىلىشتەك تۈپ ماھىيەت ئىپادىلەنگەن، شۇنداقلا بۇئۇسسۇللاردا يەنە قاملاشقان فىگۇرا ۋە گۈزەل ھەرىكەتلەر ئارقىلىق ئاجايىپ گۈزەل بىردۇنيانى نامايان قىلغان ۋە گۈزەل مۇھىت، چىن مۇھەببەت، ئېسىل مىجەز – خۇلق گەۋدىلىك ئىپادىلەنگەن.Akcئاقيول تور بىكىتى