خۇشتار — ئۇيغۇرلارنىڭ كامانچە بىلەن چالىدىغان چالغۇ ئەسۋابى . جۇڭخۇا خەلق جۇمھۇرىيتى قۇرۇلغاندىن كېيىن ، مەدەنىيەت يادىكارلىقلىرى ماتېرىيالىغا ئاساسەن، شۇنداقلا قەدىمكى زاماندىكى چالغۇ ئەسۋابى — ئەشتاردىن پايدىلىنىش ئارقىلىق تەتقىق قىلىپ ياساپ چىقلغان. خۇشتارنىڭ بېشى ئامۇت شەكلىدە بولۇپ، بوغۇزى قىسقا بولىدۇ . تۆت تال مېتال تارىسى يەنە يەتتە تال ئۈنلەش تارىسى بار. خۇشتار چالغۇچى خۇشتارنىڭ دەستىسىنى سول قولىدا تۇتۇپ ، خۇشتارنى سول تىزىغا قويۇپ ، ئوڭ قولىدا كامانچىنى تۇتۇپ تارتىپ چالىدۇ . خۇشتارنىڭ ئاۋازى ئىنچىكە ، زىل ، يېقىملىق بولۇپ ، ئىپادىلەش كۈچىگە باي ، خەلق ناخشا ئاھاڭلىرىنى چېلىشقا باب كېلىدۇ .racئاقيول تور بىكىتى

    ئۇ، قەدىمكى غېجەك ئاساسىدا تەرەققىي قىلدۇرۇلغان چالغۇ بولۇپ ھېساپلىنىدۇ . ئۇ ئۆزىنىڭ كۆركەم شەكلى ۋە يېقىملىق ئاۋازى بىلەن ئۇيغۇر مۇزىكا ئوركېستىرىدىن ئورۇن ئېلىپ، تاماشىبىنلارنى ئۆزىگە جەلپ قىلىۋاتقان بىر خىل چالغۇ . ئۇنىڭ دەستىسى ئۇستىگە قۇشنىڭ سۈرىتى چۈشۈرۈلگەن ، ئاساسىي گەۋدىسى چاپلىما راۋابقا ئوخشاش ياغاچ تارشىلىرىدىن چاپلىنىپ ياسىلىدۇ ، بويى تەخمىنەن 50 سانتىمېتىر بولۇپ، تار تاختىسى ۋە تارلىرىنىڭ ئورۇنلىشىشى ھازىرقى زامان غېجىكىگە ئوخشايدۇ . چېلىش ئۇسۇلى غىجەك بىلەن ئوخشاش . ئۇنىڭ ئاۋازى سۈزۈك ۋە جاراڭلىق كېلىدۇ .(تامام)racئاقيول تور بىكىتى