چۈش كىشىلەرنىڭ كۈندۈزدىكى كۆرگەن ۋە ئاڭلىغانلىرىنىڭ ئۇخلىغان ۋاقىتتىكى كۆرۈنۈشى بۇلۇپ ، ئەلمىساقتىن تارتىپ كىشىلەر ئۆزلىرىنىڭ ھەم باشقىلارنىڭ كېچىدە كۆرگەن چۈشلىرىنى ياخشى تەرەپكە ئۆرۈپ ، يامان چۈشلەرنىمۇ ئامال بار ياخشى تەرەپكە ئۆرۈپ كىشىلەرنىڭ پىسخىكا جەھەتتىكى ئاجىزلىقىنى تولدۇرۇپ ، بەلگىلىك رىغبەتلەندۈرۈش ، تەسەللىي بېرىش ۋە ئىلھام بېرىش ئارقىلىق كىشىلەرنى خاتىرجەملىككە ئىگە قىلماقتا . ھەر قايسى مىللەتلەرنىڭ ئۆزىگە خاس چۈش تەبىرى بۇلۇپ ، بۇ تەبىرلەرگە شۇ مىللەتنىڭ ئۆرپ - ئادىتى ، دىنىي ئېتىقادى ، ۋە شۇ مىللەتنىڭ بەلگىلىك ئىندىۋۇدال خاراكتېرىنى ۋە ئۆرپ – ئادەتلىرىنى تەتقىق قىلىشتا بەلگىلىك قىممىتى بار . شۇنى دەپ ئۆتۈش كېرەككى، بۈگۈنكى ئىلىم – پەن تەرەققىي قىلغان دەۋىردىمۇ نۇرغۇن كىشىلەر ئۆزلىرىنىڭ كېچىدە كۆرگەن چۈشلىرىنى چۈشىنەلمەي ، بۇنىڭدىكى سىرغا ھەيران قېلىپ يۈرمەكتە . بېشىدىن كۆپ ئىسسىق – سۇغۇق ئۆتكەن پىشقەدەملىرىمىز ھەر خىل چۈشلەرگە بىر خىل بەلگىلىك رىغبەتلەندۈرۈش ، تەسەللىي بېرىش ۋە ئىلھام بېرىشنى ئاساس قىلىپ ، ئۇلارنىڭ كۆڭلىنى خاتىرجەم قىلىپ كەلمەكتە .
تۆۋەندە بىز ئۆزىمىز توپلىغان بىر قىسىم چۈش تەبىرلىرىنى كۆپچىلىكنىڭ ھوزۇرىغا سۇندۇق . دوستلارنىڭ « شاكىلىنى چىقىرىۋېتىپ مېغىزىنى قۇبۇل قىلىش » نى تەۋسىيە قىلىمىز .
بىلىڭ ۋە ئاگاھ بولۇڭكى تارىخ يازغۇچى ۋە رىۋايەتچىلەردىن رىۋايەت قىلىندۇكى ،
ھەزرىتى يۈسۈپ ئەلەيھىسسالام چۈش تەبىرىدىن رىۋايەت قالدۇرغاندا رىۋايەتكە ئېيتىپتۇركى : ھەر كىشى بىرەر چۈش كۆرسە چۈشىگە تەبىر بەرگۈچى ياخشىلىققا تەبىر بەرسۇن ، يامانلىققا تەبىر بەرمىسۇن .
1. ھەر كىمنىڭ ئۆي تېمى ئۆرۈلۈپ چۈش كۆرسە ئوغۇل پەرزەنتىگە خەتەر يېتەر . ئۆينىڭ تۆۋەن تېمى ئۆرۈلۈپ چۈش كۆرسە قىز پەرزەنتىگە خەتەر يېتەر . ئۆينىڭ قىبلە تېمى ئۆرۈلۈپ چۈش كۆرسە ئاتا تەرەپكە ، شەرق تېمى ئۆرۈلۈپ چۈش كۆرسە ئانا تەرەپكە خەتەر يېتەر . تورۇس ئۆرۈلۈپ چۈش كۆرسە ئۆينىڭ چوڭىغا خەتەر يېتەر .
2. قەبرىستاندا يۈرۈپ چۈش كۆرسە گۇناھى ئازلىغان بۇلۇر .
3. مەسجىدنى كۆرۈپ چۈش كۆرسە خۇدانىڭ خەزىنىسىدۇر .
4. مەسجىددە ناماز ئوقۇپ چۈش كۆرسە مۇرادىغا يېتەر .
5. چوڭ دەرەخ يېقىلىپ چۈش كۆرسە شۇ جاينىڭ چوڭىغا خەتەر يېتەر .
6. كۆچەت قويۇپ چۈش كۆرسە پەرزەنت كۆرگەي .
7. تاغدا يۈرۈپ تاغنى كۆرۈپ چۈش كۆرسە ئىززەت ۋە ھۆرمەتلىك بولغاي .
8. ئوتنى كۆرۈپ چۈش كۆرسە مۇرادىغا يېتەر .
9. تۈتۈن ئىسنى كۆرۈپ چۈش كۆرسە ئازاپقا گىرىپتار بۇلۇر .
10. ئوتۇن كۆرۈپ چۈش كۆرسە بىناماز بىلەن دوست بۇلۇر .
11. ئانارنى كۆرۈپ چۈش كۆرسە بىر يەردىن سوۋغات خەۋىرى كېلۇر .
12. بىيە كۆرۈپ چۈش كۆرسە كېسەل بۇلۇر .
13. ئېشەكتىن يېقىلىپ چۈش كۆرسە ئۆزىگە زىياندۇر .
14.تۆمۈر ئەسۋاب كۆرۈپ چۈش كۆرسە پەرزەنتى كۆپ بۇلۇر .
15. قامچا كۆرۈپ چۈش كۆرسە چوكان ئالۇر .
16. ئىت قاۋاپ چۈش كۆرسە دۈشمەن قەست قىلۇر .
17. ئىلان ھەم دۈشمەن سىرىدۇر .
18. ئاق ئىلان مۇسۇلماندۇر .
19. قارا ئىلان دۈشمەن سۈرىدۇر .
20. چاشقان ئوغرى سۈرىدۇر .
21. توشقان كۆرۈپ چۈش كۆرسە پەرزەنت نىسىپ بولۇر .
22. قاغا قاقىلداپ چۈش كۆرسە قورقۇنچلۇق خەۋەر كېلۇر .
23. پاختەك كۆرۈپ چۈش كۆرسە ئۆمرى ئۇزۇن بۇلۇر .
24. قۇشقاچ كۆرۈپ چۈش كۆرسە غەمكىن بولۇر .
25. كەپتەر كۆرۈپ چۈش كۆرسە بالىسى ئالىم بۇلۇر .
26. لاچىن كۆرۈپ چۈش كۆرسە بالىسى باتۇر بولۇر .
27. دەمدەر كۆرۈپ چۈش كۆرسە شۇ جايدىن قۇرئان ئاۋازى ئۈزۈلمەس .
28. تورغاي كۆرۈپ چۈش كۆرسە ئەۋلىيالار بىلەن دوست بولغاي .
29. سېغىزخان كۆرۈپ چۈش كۆرسە ھارامخور بىلەن دوست بولغاي .
30. بۇلبۇل كۆرۈپ چۈش كۆرسە بالىسى نەغمىچى بولۇر .
31. قارلىغاچ كۆرۈپ چۈش كۆرسە بالىسى راست سۆزلۈك بولۇر .
32. ھۆپۈپ كۆرۈپ چۈش كۆرسە بالىسى بېخىل بولۇر .
33. ئاسمانغا ئۇچۇپ چۈش كۆرسە دۆلىتى زىيادە بولۇر .
34. يەر ياقىلاپ چۈش كۆرسە ياكى ئۇچۇپ يېقىلىپ چۈش كۆرسە سەپەردە خەتەرگە ئۇچرار .
35. ئېگىز ئۇچۇپ چۈش كۆرسە سەپىرى سالامەت بولۇر .
36. كەتمەن كۆرۈپ چۈش كۆرسە مۇرادىغا يېتەر .
37. ئارا كۆرۈپ چۈش كۆرسە ئۆمرى ئۇزۇن بولۇر .
38. خامان تېپىپ چۈش كۆرسە خەلىققە باش بولۇر .
39. دەريانى كۆرۈپ چۈش كۆرسە ھاجىتى راۋا بولۇر .
40. كېيىكنى كۆرۈپ چۈش كۆرسە نېمەتكە داخىل بولۇر .
41. كالا قوغلاپ چۈش كۆرسە ئۇلۇغلارنىڭ نەزىرىدىن يېقىلۇر .
42. كالا بوغۇزلاپ چۈش كۆرسە يۇرتىغا خەتەر يېتەر .
43. كالا گۆشى تەقسىم قىلىپ چۈش كۆرسە ئۆي سەرەمجانلىرى تەقسىم قىلىنۇر .
44. قوي گۆشى تەقسىم قىلىنىپ چۈش كۆرسە تەقسىم نۆۋىتى كېلۇر .
45. پاقلان كۆرۈپ چۈش كۆرسە بالىسى يىتىم قالۇر .
46. ئۆچكە جىننىڭ سۈرىدۇر .
47. ئوغلاقنى كۆرۈپ چۈش كۆرسە مەككار پەرزەنت كۆرەر .
48. مال بېقىپ چۈش كۆرسە خەلىققە باشلىق بولۇر .
49. تۆگە قوغلاپ چۈش كۆرسە ئەۋلىيالارنىڭ غەزىپىگە ئۇچرار .
50. تۆگە كۆرۈپ چۈش كۆرسە ئەۋلىيالار بىلەن دوست بولۇر .
51. مىكيان كۆرۈپ چۈش كۆرسە خوتۇن ئالۇر ياكى ئەرگە تېگەر .
52. تۇخۇم يەپ چۈش كۆرسە پەرزەنت كۆرمەس .
53. تۇخۇم چېقىلىپ چۈش كۆرسە پەرزەنتى تۇرماس .
54. قوناق كۆرۈپ چۈش كۆرسە مۈشكىلى ئاسان بولۇر .
55. ئىت قەست قىلىپ چۈش كۆرسە دۈشمەن سۈرىدۇر .
56. شەھەر كۆرۈپ چۈش كۆرسە مۈشكىلى ئاسان بولۇر .
57. چوڭ بولۇپ چۈش كۆرسە رەنجىگە گىرىپتار بولۇر .
58. تارازا كۆرۈپ چۈش كۆرسە دەۋاگەر بولۇر .
59. كۆۋرۈك كۆرۈپ چۈش كۆرسە ئابرويلۇق بولۇر .
60. گۈلنى كۆرۈپ چۈش كۆرسە ئۇلۇغلاردىن ئىنئام ئالۇر .
61. قورسىقى تويۇپ چۈش كۆرسە غەمگە قالۇر .
62. قورسىقى ئېچىپ چۈش كۆرسە غەمدىن قۇتۇلار .
63. جامائەتلەرنى كۆرسە خوشاللىق بولۇر .
64. بىلەيزۈكنى كۆرۈپ چۈش كۆرسە نىكاھى مۇستەھكەم بولۇر .
65. ھارۋا كۆرۈپ چۈش كۆرسە ياكى پۇتىغا ئاياق كىيىپ چۈش كۆرسە خوتۇن ئالۇر .
66. قىز بالا كۆرۈپ چۈش كۆرسە ئۆمرى ئۇزۇن بولۇر .
67. چوكان كۆرۈپ چۈش كۆرسە پۇل – ماللىرى ئامان بولۇر .
68. زىنا قىلىپ چۈش كۆرسە غۇسلى تاھارەت قىلىپ يۇيۇنسۇن ، مۇرادىغا يېتەر .
69. ئوڭ قولى غايىپ بولۇپ چۈش كۆرسە ئوغۇل پەرزەنتىگە ، چەپ قولى غايىپ بولۇپ چۈش كۆرسە قىز پەرزەنتىگە خەتەر يېتەر .
70. زەكەر غايىپ بولۇپ چۈش كۆرسە پەرزەنت كۆرمەس .
71. بەدىنىگە موي چىقىپ چۈش كۆرسە پۇل – ماللىرىغا زىيان يېتەر .
72. ئاياللاردىن پەرجىدىن قان ئېقىپ چۈش كۆرسە پەرزەنت كۆرگەي .
73. چوڭ – كىچىك بۆلۈپ چۈش كۆرسە دۇنياسى كۆپ بولۇر .
74. ھايۋاننىڭ تېزىكىنى تېرىپ چۈش كۆرسە ئۆمرى مۇشەققەت بىلەن ئۆتكەي .
75. ئۆيگە كىرىپ چۈش كۆرسە غەمگە قالۇر .
76. ئۆيدىن چىقىپ چۈش كۆرسە غەمدىن قۇتۇلار .
77. ئۆيگە سۇ كىرىپ چۈش كۆرسە ئۆيگە بەرىكەت كېلۇر .
78. ئۆيگە ئوت كېتىپ چۈش كۆرسە بەدنىيەت ئادەمگە ئۇچرار .
79. دەريانى كۆرۈپ چۈش كۆرسە مەرتىۋىسى ئۆسەر .
80. دەرياغا چۈشۈپ چۈش كۆرسە ھاجىتى راۋا بولۇر .
81. كېمىگە چىقىپ چۈش كۆرسە يۈزدە يۈز مەرتىۋە تاپار .
82. پاقىنى كۆرسە ئەۋلىيالار بىلەن دوست بولۇر .
83. بېلىق كۆرۈپ چۈش كۆرسە ھالالدىن رىزقى كۆپ بولۇر .
84. ئات يۈگۈرتۈپ چۈش كۆرسە مۇرادىغا يېتەر .
85. ئات مېنىپ جەڭ قىلىپ چۈش كۆرسە خوتۇنى بىلەن ماجرالىشىپ ئۆي بۇزۇلۇر .
86. ئاتتىن يېقىلىپ چۈش كۆرسە خوتۇندىن يامانلىق كېلۇر .
87. يايلا قۇيرۇقلۇق ئاتقا مېنىپ چۈش كۆرسە خوتۇنى كېسەل بولۇر .
88. لەھەڭ دەم تارتىپ چۈش كۆرسە ئۇلۇغلاردىن ئىنئام ئالۇر .
89. ئەجدەرھا پادىشاھ سۈرىدۇر .
90. قوغۇن يەپ چۈش كۆرسە رىزقى كۆپ بولۇر .
91. توڭ قوغۇن يەپ چۈش كۆرسە جۇداغا قالۇر .
92. ئاچچىق قوغۇن يەپ چۈش كۆرسە بىر كىشىدىن ئىزا – ئاھانەتكە قالۇر .
93. ئاق ئۈجمە يەپ چۈش كۆرسە رىزقى كۆپ بولۇر .
94. ياڭاق كۆرۈپ چۈش كۆرسە جۇداغا قالۇر .
95. كۆك ئۈزۈم يەپ چۈش كۆرسە يىغا – زارلىق بولۇر .
96. توڭ ياڭاق يامان ئەمەستۇر .
97. جۇگاز يېغى كۆرۈپ چۈش كۆرسە پاراڭ جۇداغا قالۇر .
98. غەلۋىر كۆرۈپ چۈش كۆرسە ۋەيرانلىققا قالۇر .
99. ئۆتكەمە كۆرۈپ چۈش كۆرسە غەمگە قالۇر .
100. خوتۇن كىشى ئوغۇل تۇغۇپ چۈش كۆرسە قىزدۇر .
101. ئالما كۆرۈپ چۈش كۆرسە دىدار كۆرۈشەر .
102. چىسلا كۆرۈپ چۈش كۆرسە بالىسى دوختۇر بولۇر .
103. جىگدە كۆرۈپ چۈش كۆرسە نائەھلى بىلەن دوست بولۇر .
104. تولا يىغلاپ چۈش كۆرسە كېسەل بولۇر .
105. گۆر كولاپ چۈش كۆرسە ھاجىتى راۋا بولۇر .
106. ھەرە كۆرۈپ چۈش كۆرسە بىراۋدىن ئازارلىنىۇر .
107. ئورۇس كۆرۈپ چۈش كۆرسە ئەمەلسىز پەرزەنت كۆرەر .
108. ھىندى كۆرۈپ چۈش كۆرسە قارغۇ پەرزەنت كۆرەر .
109. چېچەك كۆرۈپ چۈش كۆرسە ئۆمرى راھەتتە بولۇر .
110. شېكەر ، ناۋات كۆرۈپ چۈش كۆرسە خوشاللىق بولۇر .
111. غەم بولۇپ چۈش كۆرسە تولا كېسەل بولۇر .
112. قاپاق كۆرۈپ چۈش كۆرسە كېسەلدىن شىپا تاپار .
113. قۇلىقى گاس بولۇپ چۈش كۆرسە بەتنام سۆزدىن قۇتۇلار .
114. بوغۇز تۆگە كۆرۈپ چۈش كۆرسە جان ئالغۇچىنىڭ سۈرىدۇر .
115. كەكلىك كۆرۈپ چۈش كۆرسە خۇدا جۈپ پەرزەنت بېرەر .
116. قارچۇغا كۆرۈپ چۈش كۆرسە دوستى قولىغا كېلۇر .
117. سېۋەت كۆرۈپ چۈش كۆرسە مەرتىۋىسىدىن چۈشەر .
118. چىراق كۆرۈپ چۈش كۆرسە ئالىم پەرزەنت كۆرەر .
119. سۈرە فەلەقنى ئوقۇپ چۈش كۆرسە ئالىم پەرزەنت كۆرەر .
120. سۈرە فەلەقنى ئوقۇپ چۈش كۆرسە سېھرى جادۇدىن قۇتۇلار .
121. سۈرە ياسىن ئوقۇپ چۈش كۆرسە خۇدا دوزاق ئازابىدىن ساقلار .
122. قۇرئان ئوقۇپ چۈش كۆرسە ياخشى كۈن كۆرەر .
123. تاھارەت ئېلىپ چۈش كۆرسە ئابروي كۆتۈرۈلەر .
124. روھ كۈلۈپ چۈش كۆرسە ئازاپ تارتقاننىڭ سۈرىدۇر .
125. روھ دەشنام قىلىپ چۈش كۆرسە مەدەت قىلغاننىڭ سۈرىدۇر .
126. روھ ئۇرۇپ چۈش كۆرسە ساقايماس كېسەلگە گىرىپتار قالۇر .
127. روھ ئىززەتلەپ چۈش كۆرسە ئۆز يېنىغا تارتقاننىڭ سۈرىدۇر .
128. روھ سۆزلىسە راست سۆزلىگەي .
129. روھ تائام بېرىپ چۈش كۆرسە دۇئا تەلەپ قىلغىنىدۇر .
130. روھ تاھارەت ئېلىپ چۈش كۆرسە گۇناھى تۆكۈلەر .
131. تۈگمەن قۇرۇق چۆگىلەپ چۈش كۆرسە قۇرۇق سۆز ، قۇرۇق تۆھمەتكە قالغاي .
132. تۈگمەندە ئۇن تارتىپ چۈش كۆرسە پۇل – مېلى كۆپ بولغاي ، ھاجىتى راۋا بولغاي .
133. يامغۇر يېغىپ چۈش كۆرسە ئەرزانچىلىق بولۇر .
134. ئاپتاپ چىقىپ چۈش كۆرسە مەرتىۋىلىك بولۇر .
135. كۈننى كۆرۈپ چۈش كۆرسە خۇدانىڭ جامالىدۇر .
136. كۈن تۇتۇلۇپ چۈش كۆرسە خەلق زۇلۇمدا قالغاي .
137. ئاي ، كۈن بىر يەردە جەم بولۇپ چۈش كۆرسە دەرىجىسى كۆتۈرۈلگەي .
138. يېڭى ئاي كۆرۈپ چۈش كۆرسە پەرزەنت كۆرگەي ، تۇلۇن ئاي كۆرۈپ چۈش كۆرسە مۈشكۈلى ئاسان بولۇر .
139. يېرىم ئاي كۆرۈپ چۈش كۆرسە قىلغان ئىشى چالا بولغاي .
140. ئاي كۆيۈپ كېتىپ چۈش كۆرسە يۇرت ئىچىدە پىتنە – پاسات بولۇر .
141. يۇلتۇز كۆرۈپ چۈش كۆرسە مۇرادىغا يېتەر .
142. يۇلتۇزلار تۆكۈلۈپ چۈش كۆرسە قۇرۇق تۆھمەتكە يۇلۇقار .
143. ئۈكەر يۇلتۇزنى كۆرۈپ چۈش كۆرسە ساھابىلەردىن مەدەت بولۇر .
144. يۇلتۇز ئېقىپ چۈش كۆرسە بىر ئالىم ۋاپات بولۇر .
145. يەر تەۋرەپ چۈش كۆرسە گۇناھلار كۆپلىكىنىڭ ئالامىتىدۇر .
146. ھاۋا گۈلدۈرلەپ چۈش كۆرسە قۇرۇق سۆزگە قالۇر .
147. چاقماق چېقىپ چۈش كۆرسە پادىشاھنىڭ ئالدىدا گۇناھقا لايىق بولۇر .
148. باش غايىپ بولۇپ چۈش كۆرسە ئەجىلى يېقىن بولۇر .
149. بېشىغا قېلىچ تېگىپ چۈش كۆرسە پادىشاھقا خەتەر يېتەر .
150. باش چۈشۈپ چۈش كۆرسە يېرىم ھەج ساۋابى بولۇر ، قىلغان ئىشى چالا بولۇر .
151. چېچى ئۆسۈپ چۈش كۆرسە قەرزدار بولۇر .
152. كۆزى كور بولۇپ چۈش كۆرسە تىنەپ قالۇر .
153. ئايالىنىڭ چېچى ئۆسۈپ چۈش كۆرسە بەختى كېلۇر .
154. بىر كۆزى كۆرمەس بولۇپ چۈش كۆرسە نامەردنىڭ قولىغا قالۇر .
155. بۇرنى پۇچۇق بولۇپ چۈش كۆرسە ئەيىبى ئاشكارە بولۇر .
156. ئاق تون كىيىپ چۈش كۆرسە ماتەمدار بولۇر .
157. قىزىل تون كىيىپ چۈش كۆرسە روشەنلىككە چىقار .
158. كۆك تون كىيىپ چۈش كۆرسە يىغا – زارلىق بولۇر .
159. زەللە تون كىيىپ چۈش كۆرسە ئەۋلىيالاردىن مەدەتتۇر .
160. يالاڭ ئاياغ بولۇپ چۈش كۆرسە گۇماندىن پاك بولۇر .
161. ئۆي سۇ كۆرۈپ چۈش كۆرسە رەنجى مېھنەتلىك بولۇر .
162. سۈزۈك سۇ كۆرۈپ چۈش كۆرسە ئۆمرى ئاز قالغان بولۇر .
163. تۇز كۆرۈپ چۈش كۆرسە بەتنامغا قالۇر .
164. قۇش كۆرۈپ چۈش كۆرسە دۆلىتى زىيادە بولۇر .
165. ئەگەر قۇشلار سۇقۇشۇپ چۈش كۆرسە دۈشمىنى بىلەن دوست بولۇر .
166. قان كۆرۈپ چۈش كۆرسە دۈشمىنى بىلەن دوست بولۇر .
167. سارنى كۆرۈپ چۈش كۆرسە پاسىق بىلەن دوست بولۇر .
168. تۈلكە كۆرۈپ چۈش كۆرسە ھىيلىگەر بىلەن دوست بولۇر .
169. قەبرىستاندا يۈرۈپ چۈش كۆرسە گۇناھدىن پاك بولۇر .
170. گۆرنى كۆرۈپ چۈش كۆرسە غەمسىز بولۇر .
171. كېپەن راسلاپ چۈش كۆرسە ئۆمرى ئۇزۇن بولۇر .
172. جىنازا كۆرۈپ چۈش كۆرسە خەلقىغە چوڭ بولۇر .
173. ئۆلۈپ تىرىلىپ چۈش كۆرسە روھ قۇۋۋەت تاپقاندۇر .
174. روھ ئۆلۈپ چۈش كۆرسە روھ ئاجىزلىغاننىڭ سۈرىدۇر .
175. روھ يىغلاپ چۈش كۆرسە روھقا بىھۇش بېسىپ بولغان سۈرىدۇر .
176. روھقا بىر نەرسە بېرىپ چۈش كۆرسە قوللىغاننىڭ سۈرىدۇر .
177. قازانغا ئوت قالاپ چۈش كۆرسە بەتنىيەت بىلەن دوست بولۇر .
178. ساندۇق كۆرۈپ چۈش كۆرسە كەسپىي دۇنياسى راۋاج تاپار ، ساندۇقتىن نەرسە ئېلىپ چۈش كۆرسە غەمدىن ئامان بولۇر .
179. كوزا كۆرۈپ چۈش كۆرسە خوتۇنىنىڭ تۇغۇتى تەس بولۇر .
180. تاۋاق كۆرۈپ چۈش كۆرسە پەرزەنت كۆرەر ، تاۋاق چېقىلىپ چۈش كۆرسە بالىسى تۇرماس .
181. ئالتۇن كۆرۈپ چۈش كۆرسە ئىماندىن ئاجراش خەۋىپى بار .
182. كۆمۈش كۆرۈپ چۈش كۆرسە دۇئاسى ئىجاۋەت بولۇر .
183. داچەن كۆرۈپ چۈش كۆرسە پۇشايمانغا قالۇر .
184. ئۈزۈك كۆرۈپ چۈش كۆرسە بالىسىنىڭ بىر ئەزاسى كەم بولۇر .
185. ئەينەك كۆرۈپ چۈش كۆرسە سەپەر تەرەپتىن خەۋەر كېلۇر .
186. ئەينەككە قاراپ چۈش كۆرسە دىدار كۆرۈشەر .
187. بۇغداي كۆرۈپ چۈش كۆرسە جاپا بىلەن دۇنيا تاپار .
188. يىڭنە كۆرۈپ چۈش كۆرسە ھاجىتى راۋا بولۇر .
189. قوناق كۆرۈپ چۈش كۆرسە روشەنلىككە چىقار .
190. مايسا كۆرۈپ چۈش كۆرسە يىغا – زارلىق بولۇر .
191. ئارپا كۆرۈپ چۈش كۆرسە مەينەتچىلىككە قالۇر .
192. تېرىق كۆرۈپ چۈش كۆرسە مۇشكىلى ئاسان بولۇر.
193. ھايۋان بىلەن سۆزلۈشۈپ چۈش كۆرسە ھەقىقىي مۇسۇلمان بولۇر.
194. سۈرە ئەرراھمان ئوقۇپ چۈش كۆرسە ئىككى ئالەمدە سائادەتمەن بولغاي.
195. قۇرئان ئوقۇپ چۈش كۆرسە ياخشىلىقنىڭ ھېسابى بولماس.
196. سېمىز ئىنەك كۆرۈپ چۈش كۆرسە مەمۇرچىلىق بولۇر، ئورۇق ئىنەك كۆرۈپ
چۈش كۆرسە قەھەتچىلىك بولۇر.
197.ئورۇق بۇغداي سېمىز سېمىز بۇغداينى چىرماپ چۈش كۆرسە ئاسماندىن يامغۇر ياغماي، تېرىقچىلىق ھوسۇل بەرمەي كىشىلەر ھالاك بولۇپ، ئاتا ئوغۇلدىن، قىز ئانىدىن قېچىپ ھالاك بولىدىغانلىقىنى كۆرسىتىدۇ.
198.بۇغداي ئوخشاپ چۈش كۆرسە مەھسۇلات ئېشىپ مەمۇرچىلىق بولۇر.
خۇلاسە:
ياخشى چۈش كۆرسە خۇداغا ھەمدۇسانا ئېيتىش ، ناچار چۈش كۆرسە ئىستىقپار ئېيتىپ پېقىر-مىسكىنلەرگە خەيرى ئېھسان قىلىش لازىم ، سەدىقە قىلىش توغرا، بالايى-ئاپەتلەرنى توسۇيدۇ ۋە ئۆمرىنى زىيادە قىلىدۇ . شۇ سەۋەپ بىلەن خۇدايىتائالاغا شۈكرى كەلتۈرۈپ، ئاز-كۆپ بەرگەن رىزىقلىرىگە قانائەت كەلتۈرۈش بىلەن پۇل-ماللىرىمىز ھىسابقا يەتسە قىرىقتىن بىرىنى، باي دېھقانلارغا زىرائەتنىڭ ئوندىن بىرىنى بېرىشكە، كەمبەغەللەرگە سەۋىر - قانائەت قىلىش، بايلارغا خۇدانىڭ بەرگەن كۆپ نىمەتلىرىگە ھىساپسىز شۈكرى قىلىپ تائەت- ئىبادەتكە
كامىل تەقۋادار بولىشى لازىم.
باي كىشىلەرگە ئاسانلا كېبىر ، تاماخورلۇق ، مەنمەنچىلىك يۇقۇپ قالىدۇ، بۇ شەيتاننىڭ سۇيقەستى . سەدىقە ، ئىخلاس بىلەن ئىسلامدىكى بەش پەرھىزنى ئادا قىلىش زۈرۈردۇر.
كونا ئورۇندۇق(ھېكايە)
بالىلار شئېرى تېپىشماقلىرى (ئابدۇۋايىت ئابلىز )
ئەرلەر دەستۇرى
قىزلار ئالما ئەمەس، بىر چىشلەپ تاشلايدىغان
ئەرلەر نىمىشقا باشقا ئاياللارغا قاراشقا ئامراق
تۇرمۇش ۋە ئايال
مۇھەببەت قارشى تەرەپكە ئازابلىنىش ھوقۇقىنى ئاتا قىلىشمۇ
ئەركەكلىكىنىڭ ئۆلچىمى
تۇغۇلغان كۈن - ئانىڭىزنىڭ سىزنى تۇغقان كۈنىدۇر
ياخشى ئايال ـــ تالانتلىق ئۇستاز
![[تەرجىمە] 100-پارچە خەتنى كۈتۈش](../../d/file/edebiyat/termiler/smalla6b0c1d4abec79ee04c754b6c9958be11369127916.gif)