بىر جۈپ "ساراڭ"نىڭ مۇھەببىتى-تەرمىلەر-ئەدەبىيات-ئاقيول ئۇيغۇر تور بىكىتى

بىر جۈپ "ساراڭ"نىڭ مۇھەببىتى

مەنبە : ئەلكۈيى

يوللانغان ۋاقىت : 2013-09-09

ئاپتورى : admin






: چوڭ; ئوتتۇرا; كىچىك; خەت چوڭ - كىچىكلىكى >>

ئىلگىرى مۇنداق بىر مۇھەببەت ھىكايىسى بولۇپ ، بۇ بىر جۈپ "ساراڭ"نىڭ مۇھەببەت ھىكايىسى ئىكەن . يىگىت "ساراڭ"لىقىدىن دائىم قالايمىقان سۆزلەيدىكەن ، قىز بولسا يىگىتكە قاراپ توختىماي كۈلىدىكەن .
ئىككىسى بۇرۇن تونۇشمايدىغان بولۇپ ، بىرىنىڭ ئۆيى جەنۇپتا بىرىنىڭ ئۆيى شىمالدا ئىكەن . ئۆيىدىكىلەر ئۇلارنى" ساراڭ" دەپ تاشلىۋېتىپتۇ ، شۇنىڭ بىلەن ئۇلار مۇساپىرلىق ھاياتىنى باشلاپتۇ . يىگىت جەنۇپتىن شىمالغا قىز شىمالدىن جەنۇپقا قاراپ يول ئاپتۇ .
ئۇلار ئەسلىدە"ساراڭ "ئەمەسكەن ، يىگىت قۇرۇلۇش مەيدانىدا ئىشلەۋېتىپ بېشىغا كېسەك چۈشۈپ كېتىپ" ساراڭ" بولۇپ قالغانىكەن . قىز بولسا ئالىي مەكتەپ ئىمتىھانىدا بىرىنچى بولغىنىدا بىر پۇلدار باي ئۇ قىزنىڭ ئورنىنى سېتىۋالغانلىقتىن "ساراڭ "بولۇپ قالغانىكەن .
قانچىلىك ماڭغىنىنى بىلگىلى بولمايتتى ، يىگىتنىڭ كىيىملىرى كىرلىشىپ ئادەم تونۇغۇسىز بولۇپ كەتتى ، ئاياغلىرى يىرتىلىپ قاپقارا مەينەت بارماقلىرى چىقىپ قالدى . قىزنىڭ قىپقىزىل كىيىملىرى كۈلرەڭگە ئۆزگىرىپ كەتكەن بولۇپ ، چۇۋۇلغان چاچلىرى ئارىسىدا يەنە بىر نەچچە تال سارغايغان يوپۇرماق بار ئىدى . ئۇ قولىدا مېنرال سۇ بوتۇلكىسىنى كۆتۈرگەن ھالدا ئەتراپتىكىلەرگە قاراپ كۈلەتتى .
ئىككىسى بىر كۈنى كەچقۇرۇن ئۇچرىشىپ قالدى ، ئىككىسىنىڭ قولى ئەخلەتخانىدىكى كۆكىرىپ قالغان بولكىغا تەڭلا ئۇزۇتۇلغاندا باشلىرى سوقۇشۇپ كەتكەنىدى . يىگىت قىزغا ئاچچىق بىر تىكىلىپ قارىدى ، قىز يەنىلا كۈلۈپ تۇراتتى . ئاخىرى يەنىلا يىگىت غەلىبە قىلدى ، ئۇ بولكىنى تارتىۋېلىپ چىشلەشكە باشلىدى . قىز يەنىلا ھىچقانداق ئىپادە بىلدۈرمەي كۈلۈپ تۇراتتى . يىگىت نۇرسىز كۆزلىرىنى قىزغا يۆتكىدى ، قىز ئۇنىڭ بولكا يېيىشىگە قاراپ تۇراتتى . يىگىت يىيىشتىن توختاپ قىزغا سەپسېلىشقا باشلىدى . شۇنىڭ بۇ ئىككى"ساراڭ"بىر - بىرىگە قاراپ قېلىشتى ، يىگىت ئىپادىسىز قاراپ تۇراتتى ، قىز بولسا يەنىلا كۈلەتتى . يىگىت قولىدىكى ئاشقان بولكىنى قىزغا بەردى ، قىزمۇ يېرىم بولكىنى يېيىشكە باشلىدى .
يىگىت ئۆرۈلۈپ كېتىپ قالدى ، يول بويى كەينىگىمۇ قارىمىغانىدى ، پەقەت ئۆزى يېتىپ قوپۇپ يۈرگەن كېرەكسىز تاشلاندۇق زاۋۇتنىڭ يېنىغا كەلگەندىلا قىزنى كۆردى . ئەسلىدە قىز ئەگىشىپ كەلگەنىدى .
قىز يىگىتكە كۈلۈمسىرەپ قويدى ، شۇنىڭ بىلەن ئىككىسى بىللە تۇرۇشقا باشلىدى . كەچتە ئۇخلىغاندا يىگىت ئىللىق بىر سېزىمنى ھىس قىلدى ، قىز ئۇنى قۇچاقلاپ ياتاتتى . قىزنىڭ ئۇيقۇسى بەك قاتتىق بولۇپ ، ئۇخلىغاندا پەقەتلا "ساراڭ"غا ئوخشىمايتتى . مۇشۇنداق قىلىپ ئىككى ساراڭ بىللە تۇرمۇش كەچۈرۈشكە باشلىدى . ئەتىگەندە كوچىغا چىقىپ نەرسە تېرىپ يەپ قورسىقىنى تويغۇزاتتى ، كەچتە بىللە قايتىپ كېلىپ ئۇخلايتتى .
بىر كۈنى كەچتە يىگىت قەيەردىندۇر تىپىۋالغان داتلىشىپ كەتكەن ئۈزۈكنى قىزنىڭ قولىغا سېلىپ قويدى ، قىزنىڭ قاقاقلاپ كۈلگەن ئاۋازى جىمجىت كېچىنى زىلزىلىگە سالدى . ئاخىرىدا قىز سەۋەپسىزلا يىغلاشقا ، يىگىتكە ئېسىلىپ تۇرۇپ يىغلاشقا باشلىدى . يىگىت نىمە قىلىشىنى بىلەلمەي قالدى ، يەنىلا ئىپادىسىز ئىدى .
بىر كۈنى قىز قاتتىق ئاغرىپ قالدى ، يىگىت بىللە چىقىپ نەرسە تەرمىدى ، كۈلۈمسىرەپمۇ قارىمىدى . يىگىت ئۆزى چىقىپ كەتتى ۋە چۈشتە قولىدا يېڭى مېنرال سۇ بىلەن بىر كۆكىرىپ كەتكەن بولكىنى كۆتۈرۈپ كەلدى ، ئۇ قىزنى يوقلاپ كەلگەنىدى . ئۇنىڭ يۈز - كۆزلىرى يارا ئىزى بولۇپ ، مېنرال سۇنى ئوغرىلىغىچە يايمىچى ئۇرغانىدى .
قىز كۆزىنى يۇمۇپ ياتاتتى ، يەنىلا ئىلگىرىكىدەك يىگىتكە قاراپ كۈلمىدى . يىگىت بولكىنى قىزنىڭ ئاغزىنىڭ يىنىغا ئاپاردى ، قىز يەنىلا يېمىدى . قىز قىزىتمىسى ئۆرلەپ بولالماي ھۇشىدىن كەتكەنىدى . يىگىتنىڭ يۈزىدە تۇنجى رەت تەشۋىش ئىپادىلىرى ئەكس ئەتتى . ئۇ سىرتقا يۈگۈرۈپ چىقىپ يىشىل كىيىم كىيگەن ساقچىنىڭ ئالدىغا يۈگۈرۈپ باردى ۋە كىيىمىنى تارتىپ تۇرۇپ : " مېنىڭ سۆيگنىمنى قۇتۇلدۇرۇپ قېلىڭ ، ئۇنى قۇتۇلدۇرۇپ قېلىڭ " دەپ
يىغلاشقا باشلىدى ، بۇ ئۇنىڭ تۇنجى قېتىم يىغلىشى ئىدى . ساقچى ئۇنى بىرنى تېپىۋەتتى ۋە : " نېرى تۇر ساراڭ ، مېنىى بۈگۈن نەس بېسىپ بۇ ساراڭغا ئۇچراپ قالغىنىمنى " دەپ كايىغاندىن كېيىن ، يىقىلىپ كەتكەن يىگىتنىڭ قورسىقىغا بىر نەچچىنى دەسسىۋەتتى ۋە ئۇنىڭ يۈزىگە تۈكۈرۈپ قويۇپ كېتىپ قالدى .
يىگىت خېلى ۋاقىتتىن كېيىن ئورنىدىن تۇردى ، بۇ چاغدا كۆز ياشلىرى قۇرۇپ كەتكەنىدى . ئۇ قىزنى يۈدۈپ كوچىغا چىقتى . كوچىدا ئادەم جىق بولسىمۇ ھىچكىم بۇلارغا دىققەت قىلمايتتى . دىققەت قىلغانلىرىمۇ مەسخىرىلىك قاراپ قويۇپ ئۆتۈپ كېتەتتى . يىگىت قىزنى يول بويىغا ياتقۇزۇپ قويۇپ ، بىچارە كۆزلىرىنى يولدىن ئۆتۈپ كېتىپ بارغانلارغا تىكتى .
قىزنىڭ نەپەس ئېلىشى قىيىنلاشتى ، يىگىتتىن يەردىن بىر پارچە ئەينەك پارچىسىنى ئالدى ، ئەينەك پارچىسىنىڭ بىر ئۇچى ئۇچلۇق بولۇپ پارقىرايتتى . يىگىت قىزنىڭ ئاجىز قوللىرىنى كۆتۈرۈپ تۇرۇپ قول بېغىشىنىڭ تومۇرىنى ئەينەك پارچىسى بىلەن كېسىۋەتتى . قان يىگىتنىڭ يۈز - كۆزلىرىگە چاچراپ كەتتى ، ئۇ : " مەن ئادەم ئۆلتۈردۈم " دەپ توۋلاشقا باشلىدى . قۇتقۇزۇش ماشىنىسى ئاخىرى يېتىپ كەلدى . قىز دوختۇرخانىغا ئېلىپ كېتىلدى ، ئەتراپتىكىلەر بىر ھازا يىگىتنى تىللىغاندىن كېيىن تارقاپ كېتىشتى .
قان بەك كۆپ چىقىپ كەتكەنلىكتىن بىر سائەتكە بارمىغان جىددىي قۇتقۇزۇشتىن كېيىن قىز ئۆلۈپ كەتتى . قىز ئۆلۈپ كېتىش ئالدىدا يەنىلا كۈلۈمسىرەپ تۇراتتى ، قولىدا يەنىلا ھېلىقى داتلىشىپ كەتكەن ئۈزۈك بار ئىدى .
يىگىت شۇنچە ئۇزاق ساقلىسىمۇ قىز قايتىپ كەلمىدى ، ئۇنىڭغا قاراپ كۈلمىدى . يىگىت يىغلاشقا باشلىدى ، ناھايىتى ئېچىنىشلىق يىغلىدى ، زىمىستان كېچە يىگىتنىڭ يىغىسى بىلەن تولغانىدى . لېكىن بۇ يىغىدىن باشقىلار بىخەۋەر ئىدى .
ئىككىسى ئۇچراشقان ئەخلەتخانا يېنىدىن كىشىلەر يىگىتنىڭ جەسىتىنى تاپتى . ئۇنىڭ قوينىدا يەنىلا كۆكىرىپ كەتكەن بولكا بىلەن ئاغزى ئېچىلمىغان مېنرال سۇ بار ئىدى .

[MP=500,50

http://mp3.ulinix.cn/ulinixcn893/uyghurche/taxmamat/xabnam/ozyarim.wma[/MP]

ئەڭ يىڭى تەرمىلەر

غايە ھەققىدە دۇردانىلەر
ئادەم ھاياتىدا نىشان بەلگىلەش كېرەك . بىر ئۆمۈرلۈك نىشانى بىر مەزگىللىك نىشانى بىر باسقۇچلۇق نىشانى بىر ئايلىق نىشانى بىر ھەپتىلىك بىر كۈنلۈك بىر سائەتلىك ھەتتا مىنۇتلۇق نىشانىمۇ بولۇشى كېرەك . ئۇلۇغۋار نىشانلار ئۈچۈن كىچىك نىشانلاردىن باشلاپ ئەمەلگە ئاشۇرۇش