تارىختىكى بۈگۈن:12-ئۆكتەبىر-تارىختىكى بۈگۈن-خەۋەر مەركىزى-ئاقيول ئۇيغۇر تور بىكىتى

تارىختىكى بۈگۈن:12-ئۆكتەبىر

يوللانغان ۋاقىت : 2015-02-06 23:58:45

تەھرىر : admin






: چوڭ; ئوتتۇرا; كىچىك; خەت چوڭ - كىچىكلىكى >>

2001-يىلى بۈگۈنكى كۈندە، جۇڭگو پەنلەر ئاكادېمىيىسى، دۆلەتلىك پىلان كومىتېتى، پەن-تېخنىكا مىنىستىرلىقى بېيجىڭدا جۇڭگو شال گېن گۇرۇپپىسىنىڭ خىزمەت رامكىسى ۋە سانلىق مەلۇماتلار ئامبىرىنى تاماملىغانلىقىنى جاكارلىغان.

1999-يىلى بۈگۈنكى كۈندە، پاكىستاندا سىياسىي ئۆزگىرىش بولۇپ، باش مىنىستىر شېرىف نەزەربەنت قىلىنغان.

1984-يىلى بۈگۈنكى كۈندە، ئەنگلىيە كونسېرۋاتىپلار پارتىيىسى يىللىق يىغىن باش شىتابىدا پارتلاش يۈز بەرگەن. ساچىر خانىمغا زىيان يەتمىگەن. شۇ كۈنى سەھەر سائەت ئۈچ ئەتراپىدا، ئەنگلىيە كونسېرۋاتىپلار پارتىيىسىنىڭ 101-قېتىملىق يىللىق يىغىنى ئۆتكۈزۈلۈۋاتقان مېھمانخانىغا يوشۇرۇپ قويۇلغان 20 قاداق ئېغىرلىقتىكى قەرەللىك بومبا پارتلاپ نەچچە قەۋەتنى ۋەيران قىلىۋەتكەن. تۆت ئادەم قازا قىلغان، 32 ئادەم يارىلانغان.

1976-يىلى بۈگۈنكى كۈندە، دۇنيادىكى ئەڭ چوڭ مەسچىتنىڭ ئۇل سېلىش مۇراسىمى پاكىستاننىڭ پايتەختى ئىسلامئابادتا ئۆتكۈزۈلگەن. مەسچىتنىڭ مەبلىغىنى سەئۇدى ئەرەبىستان چىقارغان. بۇ مەسچىتكە تەخمىنەن 33 مىڭ كىشى سىغىدۇ.

1945-يىلى بۈگۈنكى كۈندە، لائوس خەلق دېموكراتىك جۇمھۇرىيىتى مۇستەقىل بولغان. 2-دۇنيا ئۇرۇش مەزگىلىدە ياپونىيە لائوسنى ئىشغال قىلىۋالغان، شۇ يىلى 8-ئايدا ياپونىيە تەسلىم بولغان.

1492-يىلى بۈگۈنكى كۈندە، كولۇمبۇ ئامېرىكا قىتئەسىنى بايقىغان. بىراق، قىزىقارلىق يېرى شۇكى، كولۇمبۇ مەن ئامېرىكا قىتئەسىنى ئەمەس بەلكى ئاسىيا قىتئەسىنى بايقىدىم دەپ قارىغان. چۈنكى ئۇ چاغدا كىشىلەر ياۋروپا قىتئەسى بىلەن ئاسىيا قىتئەسى ئارىسىدا ئامېرىكا قىتئەسى بارلىقىنى بىلمەيتتى. كولۇمبۇ ئىتالىيىنىڭ گېنويە شەھىرىدە تۇغۇلغان. ئۇ كىچىكىدىن تارتىپلا شەرققە بېرىپ ساياھەت قىلىشنى ئارزۇ قىلاتتى.

1492-يىلى بۈگۈنكى كۈندە، ئىسپانىيە مۇستەقىل بولغان. ئىسپانىيە ياۋروپانىڭ غەربىي جەنۇبىغا جايلاشقان بولۇپ، پورتىگالىيە بىلەن ئىبېرىيە يېرىم ئارىلىقىدىن ئورتاق بەھرىمان بولىدۇ.