شياڭگاڭنىڭ خەلق پۇلى ئامانىتى يانۋاردا ھالقىسىمان ئازلىدى

شىنخۇا تورى شياڭگاڭ 29-فېۋرال تېلگراممىسى شياڭگاڭ پۇل مۇئامىلە باشقۇرۇش ئىدارىسى 29-فېۋرال ، شياڭگاڭنىڭ خەلق پۇلى ئامانىتىنىڭ يانۋاردا ھالقىسىمان %2.1ئازىيىپ، 576مىليارد يۈەن خەلق پۇلى بولغانلىقىنى بىلدۈرگەن. چېگرا ھالقىغان سودا راسچوتىدا خەلق پۇلى پېرېۋوتى يانۋاردا 156مىليارد400مىليون يۈەنگە تۆۋەنلىگەن. ئالدىنقى ئايدا بۇ سان 239مىليارد يۈەن ئىدى.

مەبلەغ باشقۇرۇش ئىدارىسى سانلىق مەلۇماتىنىڭ كۆرسىتىشچە، 2012-يىلى يانۋاردا ئېتىراپ قىلىنغان ئورۇنلارنىڭ ئامانەت سوممىسى ھالقىسىمان %1.1ئاشقان. ئامانەت پۇلىنىڭ ئېشىش نىسبىتى قەرەللىك ۋە قەرەلسىز ئامانەتنىڭ چۈشۈش نىسبىتىدىن ئېشىپ، شياڭگاڭ دوللىرى ئامانىتى يانۋاردا %1.3ئاشقان. يانۋاردا چەتئەل پۇلى ئامانىتى %0.9ئاشقان.

پەسىل ئامىلىنى تەڭشەشتىن كېيىن، يانۋاردا شياڭگاڭ دوللىرىنىڭ تەمىنلەش مىقدارى M1ھالقىسىمان %2.4ئازىيىپ، ئوخشاش مەزگىلدىكىدىن %2.2ئاشقان. تەڭشەشتىن ئۆتمىگەن شياڭگاڭ دوللىرى تەمىنلەش مىقدارى M3ھالقىسىمان %1.8ئېشىپ، ئوخشاش مەزگىلدىكىدىن %5.5ئاشقان.

پۇل باشقۇرۇش ئىدارىسى شۇ كۈنى يەنە 2012-يىلى يانۋارنىڭ ئاخىرىغىچە، تاشقى پېرېۋوت فوندى سوممىسىنىڭ 2تىرىليون 646مىليارد300مىليون شياڭگاڭ دوللىرىغا يىتىپ، 2011-يىلى دېكابىرنىڭ ئاخىرىدىكىدىن 153مىليارد600مىليون شياڭگاڭ دوللىرى كۆپىيىپ، چەتئەل پۇلى مۈلكى 78مىليارد600مىليون شياڭگاڭ دوللىرى، شياڭگاڭ دوللىرى مۈلكى 75مىليارد شياڭگاڭ دوللىرى ئاشقان.

چەتئەل پۇلى مۈلكىنىڭ ئېشىشى ئاساسلىقى شياڭگاڭ دوللىرىغا چەتئەل پۇلىنى سېتىۋالغاندىن سىرت، چەتئەل پۇلىغا مەبلەغ سېلىشنىڭ پايدىسى، سېتىۋالغان لېكىن تېخى راستچوت قىلىنمىغان ئاكسىيە سودىسى ۋە مەسئۇل ئىسپاتنامىسىنىڭ كۆپىيىش سەۋەبىدىن ئىكەن. شياڭگاڭ دوللىرى مۈلكىنىڭ ئېشىشى ئاساسلىقى مالىيە ئامانىتى، سېتىۋالغان لېكىن تاپشۇرمىغان چەتئەل پۇلى چېكى ۋە زايومنىڭ ئېشىشى، شياڭگاڭ پېيىنىڭ مۆلچەر پايدىسى بولۇپ، لېكىن مۇناسىۋەتلىك ئېشىش دەرىجىسى شياڭگاڭ دوللىرى ئارقىلىق چەتئەل پۇلىنى سېتىۋىلىش سەۋەبىدىن كېمىيىپ كەتكەن.