ئەڭ يېڭى فوربىس 100 داڭلىق تىزىملىكىگە ئاساسلانغاندا، 2010-يىلى 5-ئايدىن 2011-يىلى 5-ئايغىچە، يەرشارىدىكى كىرىمى ئەڭ يۇقىرى داڭلىق بىر جۈپلەرنىڭ ئومومىي كىرىمى 283 مىليون ئامېرىكا دوللىرى بولغان.

 

1. كىرىمى ئەڭ يۇقىرى داڭلىق بىر جۈپلەر تىزىملىكىدىكى 1-ئورۇندا تۇرغىنى داڭلىق مودېل گىسېل.باندچېند بىلەن ئامېرىكا زەيتۇن توپ ئىتتىپاقىنىڭ داڭلىق چولپىنى تام.برادىي ئەر-خوتۇن بولغان، باندچېند بىلەن برادىينىڭ ئۆتكەن بىر يىلدىكى كىرىمى 76 مىليون ئامېرىكا دوللىرىغا يەتكەن. باندچېند كىيىم-كېچەك مودېلى بولۇش ۋە بىر قىسىم سودا مەبلىغى سېلىش ئارقىلىق 45 مىليون ئامېرىكا دوللىرى كىرىم قىلغان، ئۇ دۇنيادىكى ئالدىنقى قاتاردا تۇرىدىغان مىليونېر مودېل ھېسابلىنىدۇ.

 

 

2. مۇزىكا ساھەسىدە زور تەسىر دائىرىگە ئىگە بولغان بىيانسى.نورىس بىلەن جېس بىر جۈپنىڭ ئۆتكەن بىر يىللىق كىرىمى 72 مىليون ئامېرىكا دوللىرى بولۇپ، بۇ تىزىملىكتە 2-ئورۇنغا تىزىلغان. خيۇستوندا تۇغۇلغان R&B ناخشا ئۇسلۇبىنىڭ پىرى بىيانسىنىڭ كىرىمى 35 مىليون ئامېرىكا دوللىرى بولۇپ، كۆپ قىسمى سودا ھەمكارلىقىدىن كەلگەن. مەسىلەن، ئۇ Dereon كىيىم-كېچەكلىرىنى بازارغا سالغان، ئوۋلەييا، ئامېرىكا بىۋاستە تېلىۋىزىيەسى قاتارلىق كارخانىلار بىلەن ئوبراز توختىمى تۈزگەن. جېسنىڭ كىرىمى  Live Nation شىركىتى بىلەن ئىمزالىغان پايچېك كىرىمىدىن كەلگەن. 2008-يىلى جېس Live Nation شىركىتى بىلەن 150 مىليون قىممىتىدىكى 10 يىللىق توختام تۈزگەن.

 

 

3. ھوللىۋۇدتىكى داڭلىق بىر جۈپ كىنو چولپىنى ئەنجىلىنا.جۇلى بىلەن بۇراد.پېتىر بۇ تىزىملىكتە 3-ئورۇنغا تىزىلغان. بۇ ئىككەيلەننىڭ ئۆتكەن بىر يىلدىكى كىرىمى 50 مىليون ئامېرىكا دوللىرى بولغان. يەرشارىدىكى كىرىمى ئەڭ يۇقىرى بولغان ئايال ئارتىس جۇلى يېقىنقى يىللاردىن بۇيانقى بىردىنبىر كىنودا قەھرىمانلىق رولىغا چىقىش ئارقىلىق كىرىم قىلىدىغان ئايال ئارتىس ھېسابلىنىدۇ.
ئۇنىڭ ئېرى پىتنىڭ كىرىمى 20 مىليون ئامېرىكا دوللىرى بولغان. Plan B شىركىتىنىڭ بازارغا كىرىشى بىلەن، پىت ھازىر فىلىم ئىشلىگۈچى ۋە ئارتىسلىق سالاھىيىتى بىلەن چولپانلار ساھەسىدە زەپەر قۇچماقتا.

 

 

4. يېقىنقى يىللاردىن بۇيان، بېكخامنىڭ پۇتبول مەيدانىدىكى ئىپادىسى تۆۋەنلەپ كەتتى. 36 ياشلىق بۇ پۇتبول چولپىنىنىڭ كەسپىي ھاياتىمۇ بارا-بارا ئاخىرلاشماقتا. بىراق ئۇ يەنىلا زور سوممىلىق كارخانا ئوبرازىغا چىقىش توختامىغا ئېرىشكەن. مەسىلەن، ئادىداس شۇنداقلا يېقىنقى سەنشىڭ شىركىتى بىلەن توختام ئىمزالىغان بولۇپ، ئۇ 2012-يىلى لوندون ئولىمپىك تەنھەرىكەت يىغىنىدا، سەنشىڭنىڭ پۈتۈن يەرشارىدىكى ئوبراز ئەلچىسى بولۇپ چىقىدىكەن.
بېكخام ئەر-ئايالنىڭ 2010-يىلى 5-ئايدىن 2011-يىلى 5-ئايغىچە بولغان كىرىمى 45 مىليون ئامېرىكا دوللىرى بولغان. ۋېكتورىيەنىڭ ئامېرىكىدا «مودا قىز» دېگەن نامى بار بولۇپ، ئۇ ئەر-ئايال ئىككەيلەننىڭ كىرىمىگە 5 مىليون ئامېرىكا دوللىرى قوشقان.

 

 

5. «گۇگۇم شەھىرى» كىنوسىدىكى روبېرت.پاتتىنسون بىلەن كىرىستېن.ستېۋارت ئىككەيلەن ئۆتكەن يىلى مەزكۇر فىلىمنىڭ داۋامىنى ئىشلىشى ناھايىتى ئوڭۇشلۇق بولغانلىقتىن، ئايرىم-ئايرىم ھالدا 20 مىليون ئامېرىكا دوللىرى كىرىم قىلغان. شۇڭا ئۇلارنىڭ ئۆتكەن بىر يىللىق كىرىمى 40 مىليون ئامېرىكا دوللىرى بولغان. «گۇگۇم شەھىرى» يۈرۈشلۈك فىلىمى ئىشلىنىپ بولغاندىن كېيىن، ئىككەيلەن بۇندىن كېيىنكى كەسپىي ھاياتىغا تەييارلىق قىلماقتا. پاتتىنسون ناھايىتى كەسكىن تېمىلىق «مېنى ئۇنتۇپ قالماڭ» دېگەن فىلىمدە رولغا چىقماقتا. «گۇگۇم شەھىرى» يۈرۈشلۈك فىلىمى ئىشلىنىپ بولغاندىن كېيىن، ستېۋارتنىڭ كىنو ساھەسىدىكى ئىشلىرى ئوغۇل دوستى پاتتىنسوندەك ئوڭۇشلۇق بولۇپ كەتمىگەن. ئۇ «قار مەلىكىسى ۋە ئوۋچى» فىلىمىدە باش رولغا چىقماقچى ئىكەن.